Masmuureta a masmuurewwa piisa qara jaallitto 2:3 - Mataafa Qulqulloota

³ Innasene an jaalade hella diira oppaayye qoyra takka a leya' muroppa' jife paha. Anka a kuttati ishin xasoode ka kaattisaadi kela' nessade. Ka daltaadi nefo a kuttati me'aysade.

Masmuureta a masmuurewwa piisa qara jaallitto 2:3 ပူးပေါင်းရင်းမြစ်များ

Mataafa Masmuureta 45:2

Atti nama piisa qara' xarjaalluma' qapta afaattippa haasa alaawna'ew sookni; semmalla Waaqa haka paraparati'i ke sake.

Mataafa Masmuureta 45:3

Hupnampayto ke a ulfeena ka kuttumaan immakaade, koraatetaayti surraappa' hidado!

Mataafa Masmuureta 57:1

Ana maare, Waaqqo ana suraysado. Napseetiyyo ke qare xasa xaayatteey, haka pateettose tarpinitto kara'e, kaatta xoollaatti kela'en koorsada.

Mataafa Masmuureta 89:6

Moonteeyye ayno Waaqa kapa' qapama ettansha? Hela erkampattowwa moonta oppaayye ayno Waaqa mina' ca?

Mataafa Masmuureta 91:1

Nama Waaqase we' piisa qara qapo xelsuma' kodade, kaattisa a Waaqase we' piisa ettaninno kela'e kallaanni.

Masmuureta a masmuurewwa piisa qara jaallitto 1:16

Ke an jaalanno, oo desa atti atta a xarjaallitta? Oo xarjaallumaatti atta paxaari? Looshshaanno nefo atta paxaari.

Masmuureta a masmuurewwa piisa qara jaallitto 2:5

Anti jaalalaadinnin paaqniiy, damta nukkullatin ana ada. Ka luukkatan ana' xasa oorsha

Masmuureta a masmuurewwa piisa qara jaallitto 4:13

Sakkattaayti a duloppa roomaani ka lukkatase reexxamte heena, isho nardoosi kidammitto.

Masmuureta a masmuurewwa piisa qara jaallitto 4:16

Atti xayxayta a qinda qutatta xa'e atti xayxayta a qinda tupatta' xooye ka duliyyo oppopa nessa dawe shittootaadi ka puufamto. Ishase an jaalade a dulaadi oppopa sookado ka luukkatase' paxaara' damo.

Masmuureta a masmuurewwa piisa qara jaallitto 5:16

afaadi akata me'aawni isha isipiisanne akata paxaari. Ishina tuparra Yursaalamitiiyyi, ishase an jaalade tooy sede xelittase xayyo tooy sede.

Masmuureta a masmuurewwa piisa qara jaallitto 7:13

Turunkoota i'alaawni. Luukkawwasene memme'aawna' piisa are xarrinno oppa caan. Ke an jaalanno, an ka ke xaaye.

Masmuureta a masmuurewwa piisa qara jaallitto 8:11

Selemooni piita Pa'alihamoon karaayye dula wayneeta'e qapa ka dulase' xaadi qootampaya' karayya'e. Qotampayasene ka mattaaysho' mina'e, dalta wayneeta kapa'e, dakara pirreeta kiilota kuma takka takka ishi' daashen.

Masmuureta a masmuurewwa piisa qara jaallitto 8:12

Antiiw duliyyo a wayneeta an karayyaannon qapaaw. Atti Selemooni kaajasene a kira, dakarase a pirreeta kiilota kuma takka a xaayti koddito orrase daltase a wayneeta' tooytino nefoow, a pirreeta dippa lakki teyyado.

Masmuureta a masmuurewwa piisa qara jaallitto 8:5

Ini innasene a' jaalatte' quda' teesatte ka koommayte kallitto ayno? Anti qoyra karsatta kelaayyen ke xaxxaashe eyye'e aayyaassin ke xaayte. Isase a xaayan qapamte ka eeyye ke xaayte.

Xuuma Issayyaasi 25:4

Atti teekolaya'e' pora a kelopa qahana'e kodditeey; ka rakkatampaya rakkootaaysho oppa pora a kela' koorsatta koddite; ka uufanditta turaayye, shaakka a kela' paheeta' koddite; ka atoota kelaayye ishootta' kaatta koddite; maana malla, kanditta karpampaya, uufanditta katana a tikka tuqquurro minaay.

Xuuma Issayyaasi 32:2

Nama piisa ka matta mina'e, pora a issayyaata tura kela dekannaan kodda ka pora a puppeeta tura kela' koorsannaan kodda ka piita a kokte oppaayye a kirra' mina' urqa ka koommaytoppaayye shila a kutta a kela' kaattillaaysannaan kodda.

Xuuma Issayyaasi 4:2

Samayta akka qoyra Waaqa dishe mina awsitiiyyi fujuqa wa a paxaara ka ulfeena qapaa'e deha; wa piisse oppa pala ka Isira'eeleta a peela hasse'e jeejja isho ulfeena koddan.

Xuuma Issayyaasi 4:6

Ka atoota kuyyaata' tura, ishootta pora a kela' koorsannaan kodda ka uufanditta isho roopa turaayye, pora a kela' koorsatta kodda.

Xuuma Hisqeeli 47:12

Kamkama qara qinda qindanne, qora a dammaane ika piisa deha; umma haashshasso in kokan, umma luukkata dala in diishan; qoota tikase a qulqulloota kelaxata pisha ishootta urqinaan malla, leya piisa oppa'e luukkawwa haaraya dalan; luukkawwaasso ka damta koddan; haashshaasso ka paaqoppa orra dinshan.”

Xuuma Iyyu'eeli 1:12

Akkimoose' mina'ew, dishmada wayneeta ka qora hilteeta alle'e ruqen, qora temiri ka a roomaani ka a hinkiikta isho qora luukkata dalla' piisa ka alle' koken, se qaran xaate'e, inna nama' piisa ka xasa dapen.

ipro 12:2

Keerittinno nefo, Yesuusise amanteetinno paayye ka quda qaja dawre tooyaannen keerra. Isha, xasa a isha tura' xaayame minaanne, jeera a masqala qara to'eta a weti in diknin mali, rakkoota masqala isho a toota' duupade ka suufaana Waaqati akkitta' kute'e.

Mataafa Taanynyada 9:15

Qassatta ka ishootta kide, ‘Oton dukaatanne isi qara ana nuqusumissa heentaneeyye, xooya ka kaattiliiyyo kela koorsada; ataakkati apitta a taammasene xayyo qeeyya qapa kara shoro ka qora lipaanoosi kupo.”