Masmuureta a masmuurewwa piisa qara jaallitto 1:7 - Mataafa Qulqulloota

⁷ Atti kese an jaalanno intoonno ana' leleey hela xellootaayti a kahirra ayshoppopa dawwini? Ka kuyyaata kuttatiiyyi aysha kelopa ollopa oorinni? Anti maana mallan xelloota moottadaatti kamma pora anni, ka akka iskatteeta fuulaadi qara dekatte mina' pora tiitaawni?

Masmuureta a masmuurewwa piisa qara jaallitto 1:7 ပူးပေါင်းရင်းမြစ်များ

Mataafa Uumata 37:16

Yoosefi ka kide, “Hellaannon faani. Hela pora oppa horeeta sikinnaan i''upta ka ana' lelta?”

Mataafa Masmuureta 116:1

Qoota ullupittiyyo ka qinseetiyyo dakaye malla, anti in Waaqa jaalanni.

Mataafa Masmuureta 18:1

Oo Waaqqo! Atti a' hupniyyo anka ke jaalanni.

Mataafa Masmuureta 28:1

Oo Waaqqo xelsumaayyo! Kepan ullupniiy, jawi in kidan; oton jawi' kiitaayye, orrase hawloppopa lekkannon pahanaada.

Mataafa Masmuureta 80:1

Oo ke a xelloota kahirra' mina Yoosefi marraano sikmayta Isira'eeliti ino dakaye; oo ke a otanta kirupeelewwa kara' kuti'e la'aye.

Masmuureta a masmuurewwa piisa qara jaallitto 2:16

Innasene an jaalade, isha xayyo, antikan an xaadi. Isha' pisa paxaara kapopa xellootaadi dawwini,

Masmuureta a masmuurewwa piisa qara jaallitto 2:3

Innasene an jaalade hella diira oppaayye qoyra takka a leya' muroppa' jife paha. Anka a kuttati ishin xasoode ka kaattisaadi kela' nessade. Ka daltaadi nefo a kuttati me'aysade.

Masmuureta a masmuurewwa piisa qara jaallitto 5:10

Ha ishase an jaalade xarjaallitta ka oyni umma kadi punu xarjaallewwa diira nama kuma kudan isha kapa' qeedan nefooyye isha in kayan.

Masmuureta a masmuurewwa piisa qara jaallitto 5:16

afaadi akata me'aawni isha isipiisanne akata paxaari. Ishina tuparra Yursaalamitiiyyi, ishase an jaalade tooy sede xelittase xayyo tooy sede.

Masmuureta a masmuurewwa piisa qara jaallitto 5:8

Ishina' tuparra Yursaalamitiiyyi waan ishin qinsanna, oton ishase an jaalanno akkitaneeyye atta ishi' kiitan? Xela akkiman jaalalaadin paaqno ishi' lela.

Masmuureta a masmuurewwa piisa qara jaallitto 6:2

Ha ishase an jaalade xelloota dawwa'e ka pisase' papaxxaara qapsatta'e yeelase a oppa qimaameewwa ika lekaya aylaadepa xata lekkade.

Masmuureta a masmuurewwa piisa qara jaallitto 6:3

Innasene an jaalade, isha' xayyo, anti ka an xaadi. Isha pisa a paxaara kapopa xellootaadi dawwini,

Masmuureta a masmuurewwa piisa qara jaallitto 8:13

Atti enenta ke a moottadasene wayneeta tooytina olliiyyi dulase oppaayye kalto ana nessaayyti dakayo.

Xuuma Issayyaasi 13:20

Xeltada a deena piisa karaayye, nama ishoottoppopa in ooro ka isheetta kara in kallaado; Arapaata nefo oppa tukkanna in daapatto, umma sikmaya nefo oppopa horeeta in dawwan.

Xuuma Issayyaasi 26:9

Halkeetteeyye karittiyyo ke yaatanni; hapuriyyo ka a kuttati ke faani; maana malla, oto muraatti a dukaata' piita qara' dehannittooyye, samayta piita hanqeelluma kollanni.

Xuuma Issayyaasi 40:11

xellootaadi a kahirra, a sikmayta' mina'e dawwa, ka nyalqa harkaadippopa oorsada; ka dunitta kela' qapada ka haada, ka aayyadaasso lokkooti qula.

Xuuma Issayyaasi 5:1

Amma moottiyyo an jaalannon saarsha ka qoota dula a wayneeta a moottiyyooti desa dawada: moottiyyo, kappatayteeta kunkunnaata' qara dula wayneeta' qapa.

Xuuma Ermiyaasi 33:12

Waaqase we piisa ettaninno asse kiini, “Piisse are lulleeti kitto nama ka horeeta ka oppaayye in kinnin isho katamaddaadi piisa oppaayye, deetta a oppopa sikimaya xelloota a kahirraassoti dawwane caadaw.”

Xuuma Mikkiyaasi 5:4

Isha ka hupna ka ulfeena a Waaqase kutta isha' daasamon xa'a ka maxxa Waaqa a Waaqaaditin xellootase a kaharra' siksha. Kuttumaadi qoota pora piita oppa oorto pisa oppa' dakaadan malla, ishootta qaapa mali kallaadan.

Maatiyoosi 10:37

Nama a ana qaran qapto aappaaysho ka aayyaasso jaalanno piisa, tamaarittiyyo koddeeta isha parpaaccisni in kitto. Nama ana qaran qapto innaadi ka enentaadi jaalanno, tamaarittiyyo koddeeta isha parpaaccisni in kitto.

Yohaannisi 10:11

“Sikimayta fayya ana; sikimayta fayya kahirraadi malla toota'e isi daanni.

Yohaannisi 21:17

Ka asessattati ishi kideewwe, “Simooni inna Yoona, hela i'ana jaalanni?” Qoota a sessattati ishi' kide ‘Hela i'ana jaalanni malla, Peetiroosi inyarrahe ka kide, “Poqallaay! Atti we piisa' upta, akkiman ke jaalanno nefo atti i'upta.” Yesuusi ka ishi. kide, “Kahirraayyo dawwe.

Petroosi a paayyota 1:8

Kadi punu Yesuusi Kiristoosi a akkinnin' nefooyye, i''isha jaalannittan ka kadi punu amma nefo isha a akkini a kinniniiyyi, i'isha amannittan ka xasootta a ulfeessame a afaan lelama ettansammi in kinnininni, xasoonnittan.

Petroosi a paayyota 2:7

Semmalla ishina amannaati'i, dakoose daka a ulfeena, a amanni in kinniniiti' xoori, ikiini, “Dakase a qupampaya puyaden ka alle' katen, isha matta qeppeellitta' kodde.”

Yohaannisi a paayyota 2:19

Ishootta inoppa sooken, a kodditoma turanneew ino oppa in qapnin. kadin ino oppa qapan kiiteeyye, ino olli japaanni heenen. Ma xoori akka pisanti ino oppa in qapnin akka upnaysamto malla ino quda xawwi' ooren.

Keleshaata 7:17

Laahase otanta sufaana' kara co, sikmaytaaysho'e kodda ka paada pisha caatta' kapopa ishoottan aana Waaqa ka ilmaama piisa ildaappaayye ishootta' haqa.”

Mataafa Rutti 2:21

Sekkammaayye Mo'apitteetase Ruutti ka kiite, “Ha isha, i'ana kide, ‘Haka fera piisa dikkannaan kara'e, orxayaayyo kapa in sekaadan.’”