Masmuureta a masmuurewwa piisa qara jaallitto 1:5 - Mataafa Qulqulloota

⁵ Ishina tuparra Yursaalamitiiyyi dakkaysada. Anti akkima tukkannasene a Qedaari ka karaantaddasene a Selemooni mina'en poori ma, in paxaari.

Masmuureta a masmuurewwa piisa qara jaallitto 1:5 ပူးပေါင်းရင်းမြစ်များ

Mataafa Masmuureta 120:5

Piita Mesheki karan kalaay ka orra Qeteri oppa' kallaanniiy, oo ana kido!

Mataafa Masmuureta 149:4

Waaqa samaytaadinni xasoonniiy ka naalaya dinissaadin ela kukuttinni.

Mataafa Masmuureta 45:9

Iskatta tikase' xaayti a manksteeta kara co oppaayye, tuparra nuqussa'e ca; nuqusitteeta ka mehadda a warqeeta paxaaratin quda siren kalsatte, ka qindaayti a akkittatin qa'atte.

Mataafa Masmuureta 90:17

Waaqqo Poqallaanno, ino' sake; ka waan kooninna' piisa ino olkelan teye, aa, olkelan ino' teye.

Masmuureta a masmuurewwa piisa qara jaallitto 2:14

Atti ke a shilalla takeella quda ca isho irrowwa kara' dekatte elelaayo nessaayti ime'aawniiy fuulaayti nefo ka paxaariiy, nessaayti ana' dakaytishe.

Masmuureta a masmuurewwa piisa qara jaallitto 2:7

ishina tuparra Yursaalamitiiyyi, haka jaalala mattaayshoti issin xa'an maliiyyi, akka ishina a' xaxxa'innini'in, maxxa kuumanta isho a ormala koommaytatin ishin naappanni.

Masmuureta a masmuurewwa piisa qara jaallitto 3:10

Sarakeellasene kelaayye qapaya pirreetoppa kode ka wa duda' shena warqeetoppa kode. Ka aftaadi nefo rufta tiimatin quda deke. Ka karanxata sira tuparra Yursaalami daweneetin uwwishe.

Masmuureta a masmuurewwa piisa qara jaallitto 3:5

Ishina' tuparra Yursaalamitiiyyi, haka jaalala mattaayshoti issin xa'an maliiyyi akka ishina a ishootta a' xaxxa'innini'i maxxa kuumanta isho a ormala katantatinnin ishin naappanni.

Masmuureta a masmuurewwa piisa qara jaallitto 4:3

Hibbaatti rufta tiima'e pahan afaatti nefo asseew paxaari. Addasene' xaayti shaashetaayti karan akkaanna pisa lakki' paqqe pahan.

Masmuureta a masmuurewwa piisa qara jaallitto 5:16

afaadi akata me'aawni isha isipiisanne akata paxaari. Ishina tuparra Yursaalamitiiyyi, ishase an jaalade tooy sede xelittase xayyo tooy sede.

Masmuureta a masmuurewwa piisa qara jaallitto 5:8

Ishina' tuparra Yursaalamitiiyyi waan ishin qinsanna, oton ishase an jaalanno akkitaneeyye atta ishi' kiitan? Xela akkiman jaalalaadin paaqno ishi' lela.

Masmuureta a masmuurewwa piisa qara jaallitto 6:4

Ke an jaalanno enenta, ha atti, akkima katama “Teriisa” mina'e quda siramte ka akkima katama Yursaalami mina' paxaari ka akkima xela oranna a nyaraan xa'e mina orra fuurinni.

Masmuureta a masmuurewwa piisa qara jaallitto 8:4

Ishina' tuparra Yursaalamitiiyyi jaalala haka mattaayshoti issin xa'an maliiyyi akka ishina a' xaxxa'inninin atara ishina' kiini

Xuuma Issayyaasi 21:16

Poqalla ka ana' kide, “Akka nama a xaayya' sookanno letta tooyyanno mina'e, ulfeena a piita Qeedaari para takka oppa' desaaw qa'ada.

Xuuma Issayyaasi 53:2

Fuulaadi tura akka sakkatta, ka akka hittina a piita kokteppa dehe mina'e kuttade; ka akka ino isha quda an tooynini'i, xarjaalluma taaki ulfeena in qapo; umma akkan ino isha an jaalannini'i pissa in qapo.

Xuuma Issayyaasi 60:7

Xelloota kahirra a piita Qeedaari piisa, keepa ollopa oora; akka laahadda a piita Nepayooti kalisoota qalta; ishootta ka poqaayyo a kalisoota qara a teyyatamma koddan, anti ka tikiyyo a ulfeessamte sira.

Xuuma Issayyaasi 61:10

Anti Waaqannen xasooda; ka Waaqiyyon a kuttati' xasooda, maana malla akka hemampayta diirta' parroota siranno, enenta a hemammitto ka furootaadi sirannitto mina'e, Waaqa ohaata dina' ana uwwishe, ka kaappa hanqeelluma ana' kalsheey.

Xuuma Hisqeeli 16:14

Ulfeeniyyo an ke' daashe minan qoota akata xarjaallitteeta koddite malla, kurraayti ka mankistewwaappa' dakaade. Ana Waaqase' piisa qara qapo asse kiini.

Xuuma Hisqeeli 27:21

Arapaata ka kutkuttowwa Qeedaari kan tampanynyaddaatti ka haariyya laahadda ka laahadda isho qolpayaan deeni ka ke olli nakatanni.

Maatiyoosi 10:25

Nama kollanno, oto a kollissampaytaadi mina koddooyye, i'isha kayta. Karpishshaaw, oto a poqallaadi mina koddoow, i'isha kayta. ishootta ete aappa toolati pe'elesepuli kiden ka haleneeyye, atta qaran in jaalinnin ka toola aapposeti maxxa a neeqan in haleenin?”

Maatiyoosi 22:11

“Nuqusase ka orrase halaame tooyya'e tikase a damta kelopa kulle ka tikase kelaayye nama takka a mehadda sarkeeta in kalsannin akke.

Luqaasi 13:34

“Oo Yursaalami! oo Yursaalami! Ke a xuumampaya lennitto ka a ke karopa erkame dakaan dakkinitto, akkima lukkalitteeta jiwjiwaadi xoollaadi kelopa ollopa oorsannitto mina'e, anti meeqaannen hellaatti iskelopa oorsatta fade. Ke isho samaytaayti xoori ittiitten.

Luqaasi 15:22

Aappaaysho xoori orxayaadi hale ka ishootta kide, ‘Jarjara ka mehadda akata paxaara qeeda ka isha quda kalsha ka qupittaadi quda jifeeta ka loqqa kela xopa kuli ishi kalsha.

Roomi 13:14

Semmalla Poqalla Yesuusi Kiristoosi uwwisada diisheey, xajeelta dakintaayshina immaka an dikadan.

Qorontoosi a lammatta 5:21

Ino akkan Kiristoosi qudan a hanqeeta Waaqa' quda qoottanna' koddino'e, Waaqa, Kiristoosise a qara juppoota in kinnini'i akka juppootinno haadado' kode.

Kelaatiya 4:26

Yursaalamise a moonta' xoori, nataanne kitta. Isheetta' nefo aayya a ino piisa.

Efesooni 5:26

Kiristoosi wa malla sede kode, tika kiristaana qulqullassa fade. Wa ishin qulqullayshe' nefo, qaaletaadinni pishaan isheetta jaqe.

Yohaannisi a paayyota 3:1

Akkan hellaa Waaqa' kidammo ka halaammo'e, Waaqa Aappa jaalala a atta paha akkima ino' daashe tooya! Dukaatan an hellaa Waaqa. Piita qoota Waaqa in upnin malla ino nefo in upto.