Masmuureta a masmuurewwa piisa qara jaallitto 1:4 - Mataafa Qulqulloota

⁴ Harkan ana qape ka ana tite ka ollin hirra. Nuquso, kaataatti karopa ana kullishe ka ollin xasoonna. Kennen xasoonninna ka akata xasoonninna, ka taadeta wayneeta qaropa jaalalaatti qapnaysanninna. Tuparra pato ke peepan.

Masmuureta a masmuurewwa piisa qara jaallitto 1:4 ပူးပေါင်းရင်းမြစ်များ

Mataafa Masmuureta 111:4

Daxxowwaadi akka matte oorsatamane'e kode; Waaqa xoonampayta ka suraysattampayta.

Mataafa Masmuureta 119:32

Qoota atti' mattiyyo ana' panto malla, saanta ajajaayti oppandesan keera.

Mataafa Masmuureta 119:60

Ka ajajaayti tooytaatta' jarjare umma an jarre.

Mataafa Masmuureta 149:2

Isira'eeli a uumampaytaadin xasootto; hellaa Siyyooni a nuqusaayshotin harmo' xasooden.

Mataafa Masmuureta 42:4

Anti xatta orra kuttayta tura'en qattini ka tika Waaqa opa anni. Ka orra kuttayta a xaysonessuma ulfeessino olliiyyi, ililitta ka kalataan tika Waaqa opa anni. Oton sede matte oorsannooyye, akatan iskaranxata nyarrahani.

Mataafa Masmuureta 48:9

Oo Waaqqo, tikaayti a qulqulloota karaayyen, jaalalasene' xaayti pirama in qapninin matte oorsanninna.

Mataafa Masmuureta 63:5

Akka nama janka dammo ka duttanno mina'e, napseetiyyo asse ke duttanta. Semmalla masmuureta kalata'en xasan ke' dawada.

Masmuureta a masmuurewwa piisa qara jaallitto 3:4

Eten ishootta kapaadesa tarpeeyye, ishase anjaalannon teye, ka quda' koke; ka tikase a aayyaanno a ana xaayte opan kale.

Masmuureta a masmuurewwa piisa qara jaallitto 4:10

Enentinno haantotiyyo, oo jaalalaatti atta nama xasanni jaalalaatti taadeta wayneeta qaropa a kuttati qapan. Aluma shittootaayti nefo qimaamewwa piisa qaropa jaalli.

Xuuma Issayyaasi 25:8

Ka haka paraparati'i, toota pashsha; Waaqase kutta ka ilda piisa oppa ilmaama haqa ka piita piisa qara jeera samaytaadi alle' pashsha; Waaqa sede haasawadeey.

Xuuma Issayyaasi 45:25

Sanynyeeta Isira'eeli' piisa, ana Waaqanneew, hanqeelluma akkatta ka ulfeessamta.”

Xuuma Issayyaasi 61:3

Akkan a Siyyooni kara pooynaati' xasa oorsho'e, ka pakka tara' oppa'e parroota a paxaara ishootta qara' maro'e, ka pakka ilmaama oppa'e sayteeta xasa ishootta qara' tuqo'e, ka pakka hapura nyarrahe oppa'e kaappa kalata' kalsho'e ana reexade; akka Waaqa ulfeessamo'e, ikka “Dishma hanqeeta a Waaqa dishade” Kidman ka halaaman.

Xuuma Issayyaasi 63:7

Xoonasene a Waaqa' pirama in qapnini, ka daassatase a ino' daashe kapa'e kalataadi, ka suraysattaadi kapa'e ka xoonasene' xaadi pirama in qapnini kapa'e, paxaarumtase' xaadi kutta a sanynyeeta Isira'eeliti' daashen torra.

Xuuma Ermiyaasi 31:3

Waaqa xatta a sekati ino tura akkaade ka ino' kide, ‘Anti jaalala a paraparatinnin ishin jaalade ka xoonaayyo a pirama in qapninitinni issipa ishin tite.

Hoose'i 11:4

Ana ishootta surasysade ka teeppa jaalalaatin ollopa ishootta qape ka qampara xolmaasso' qara alle' fure ka kapa xata kide ka ishootta damshe.

Xuuma Sofooniyaasi 3:14

Enenta Siyyoonitiiyyi masmuureta dawado! Samayta Isira'eelitiiyyi ililiwe! Atti enenta Yursaalami'iw harmo' xasoodo!

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Maatiyoosi 25:10

Ete eeppasene a tuparra laampa piddatta aaneneeyye, hemampaytase ide'e; tuparrasene dikkisade ka isha olliiyyi tikase a sankulta hemitta opa kullen. Xarra ka dufame.

Luqaasi 2:10

Erkampattootase xoori i'ishootta kiite, “Otoota paxaara, a samayta piisa a kuttati ishin xasoodonnen ishina de'ey, in fuuran.

Luqaasi 22:19

Kammadesa Yesuusi laaqqoota qeedeew ka qara Waaqa kalataysade ka oppa moosse ka ishootta kide, “Hinda, sede dakintase xayyo ishin malla daasammittooy, sede matte anan oorsatta koda.”

Yohaannisi 12:32

Anti oton piita qareela opeela qeedamooyye, orra piisan issipa tita.”

Yohaannisi 6:44

A Waaqa Aappa isaase ana erke ana kapopa tiito maliiyyi, nama takka nefo ana kapopa deena ettaninni in co; a ana kapopa deeno nefo, kuyyaata piraampiratiiyyi tootoppan isha xaasha.

Efesooni 2:6

Waaqa Yesuusi Kiristoosi olliiyyi tootoppa ino xaashe ka pora moontatiiyyi isha olli ino kutiishe.

Efesooni 6:24

A jaalala panni in kinniniitin Poqallaanno Yesuusi Kiristoosi jaalanna' piisa'e, daassata Waaqa a koddito.

Filippisiyuusi 3:3

Maana malla ino a Hapura Waaqatin waaqaysanna ka taanteta a laka tulan akkaannitton in koddinin mali Yesuusi Kiristoosiiw jeejjaanna, ino dukaatan dawra qara murade.

Filippisiyuusi 4:4

Awta piisa poqallaan xasooda! oppa'en oorri ka kiini, “xasooda!”

ipro 12:1

Qootan maakkiyyoosen a urratta' mina ino kapa tiitayshe piisa qapno malla, ino wa haadeta ino qara' kodde piisa ka juppoota ino quda' jaqqalte alle iskapa sekanna ka nyeroosen a keeritta ino turaayye ca duupattaan japaattaan keerra.

Petroosi a paayyota 1:8

Kadi punu Yesuusi Kiristoosi a akkinnin' nefooyye, i''isha jaalannittan ka kadi punu amma nefo isha a akkini a kinniniiyyi, i'isha amannittan ka xasootta a ulfeessame a afaan lelama ettansammi in kinnininni, xasoonnittan.