Mataafa Uumata 2:3 - Mataafa Qulqulloota

³ Waaqa qoota kodaadi a uumata a kode kela kuyyaata tappattati nessade malla, kuyyaaseti'i sake ka xawwi' reexxe.

Mataafa Uumata 2:3 ပူးပေါင်းရင်းမြစ်များ

Mataafa orra Lewi 23:3

Kuyyaata lehi kara'e koda kodattan ma xoori kuyaata tappatta, kuyaata a nessuma a Yaahiwwe, kuyaata xora qulqullaawe'e koddita; umma oppa koda takkan nefo a kodattan; piita oppa kalaannittan piisa karaayye, kuyaata nessuma a Yaahiwwe koddita.

Mariqoosi 2:27

“Ka ishootta kideewwe, ha sampata nama malla kodame diisheey, nama sampata malla in uumame.

Xuuma Hisqeeli 20:12

Semaliiyyiiw a ishootta qulqullanno akka ana Waaqa koddite akka upnaadane'e, kuyyaatiyyo a nessuma'en ishootta' daashe; ikka ana isho ishootta otantoppa' milikkita kodayteetiyyo an ishootta olli kodade koddini.

Luqaasi 23:56

Ka tikkaasso opa kalen ka pukkaseti'i qimaameta isho shittoota alaawnitto harmishen ka akka seera qara'e, sampatase a Yihutaatiiyyi nessaden ka nakayen.

Mataafa Sooketa 34:21

“Kuyyaata lehi kara koda kodada ka a tappattati nessada; kada punu eta a ayla taaki a fera kodditaayye, kuyyaata tappattati nessada!

Mataafa a Nehimya 9:14

Ka sanpataayti a qulqullaawe ishootta' upnasse; ka orxaytaayti Muuse qudan ajajaayti ka taantetaayti isho seeraayti ishootta' daasse.

Mataafa Sooketa 23:12

“Kuyyaata lehi kodaayti kodado, ma xoori kuyyaata tappattati akka xormaayti ka harreetaayti nessatto'e, orxaya a tikaaytippa dalade isho kalayta kuli ka nessado'e atti nessado ka koda takkan nefo in kodan.

Mataafa Pahana 10:22

Saka Waaqa orra teyantanni, umma karaayye rakkoota in qapo.

Mataafa Uumata 2:2

Waaqa ete kodaadi piisa dikkisheeyye, kuyyaata a tappattati oori, inessade.

Mataafa Uumata 2:4

Yaahiwwe Waaqa pora asse pahonne piita ka moonta uume. A Yaahiwwe piita ka moonta uumeeyye,

Mataafa Uumata 1:31

Waaqa ka wa kode piisa tooye ka akka harmo' paxaari akke. Letta ka dumte ka pariteew, sede nefo kuyyaata a lehatta.