Mataafa Sooketa 7:3 - Mataafa Qulqulloota

³ Anti' xoori karitta Feri'oonin kokkonnaysha. Kadan punu piita Kipsi kara milikkitadda isho daxxowwa lekaya kodaayye,

Mataafa Sooketa 7:3 ပူးပေါင်းရင်းမြစ်များ

Mataafa a Nehimya 9:10

Ka nuqusa Kipsi ka mukissampaya isha olli koda koona piisa qara'e ka samayta piitaadi piisa qara wa orra qawwanna' koote. Sede wa malla asse koote, qoota akka aappadaanno miiddinaan akkite malla sede malla kurraayti ka haka awweti' dakaanni.

Mataafa Masmuureta 135:9

ka Kipsi karopa ka Feri'ooni isho saarraadi qaropa wa orra qawwanna isho daxxowwa erke.

Mataafa Masmuureta 78:12

Waaqa piita Kipsitiiyyi laka So'ani oppa'e, ilda aappadaassoti' tura daxxowwa kode.

Mataafa Sooketa 11:10

Muuse isho Arooni ka Feri'ooni tura kodaddoosen orra qawwanna piisa koden; ma xoori Yaahiwwe karitta Feri'ooni kokkonnayshe; ikka akka Isira'eeleta piitaadi kara in sooknini dawrade.

Mataafa Sooketa 11:9

Yaahiwwe ka Muuse kide, “Qoota kodaddaayyo a orra qawwanna piita Kipsi kara kuttumtan akkaatta parpaaccisnaan malla, Feri'ooni ishina'en dakayo.”

Mataafa Sooketa 14:4

Anti ka karitta Feri'ooni kokkonnaysha; isha ka ishin kamma awla; anka putama a Feri'ooni isho xelaadi putamonne, issi'i ulfeena akkada. Kipseeta ka akkiman anti Yaahiwwe kodde upnaatta. Isira'eeleta ka akkima ishootta lelamte qara koote.”

Mataafa Sooketa 3:20

Semmalla anti harkiyyon deraysha ka otantaaysho oppa'e wa orra qawwannaatin piita Kipsi daysha, ikka sitiiyyi akka antane'e ishina faqqata!

Mataafa Sooketa 4:21

Yaahiwwe ka Muuse' kideewwe, “Oto' Kipsipa tiitawtooyye, wessen orra qawwanna an harkaaytippa' xaaye Feri'ooni tura' koda in teyman. Ma xoori anti akka isha samayse in sookinnini in karittaadi kokkonnaysha.”

Mataafa Sooketa 4:29

Muuse isho Arooni ka aanen ka qimayasene a samayta Isira'eeli piisa ollopa halen.

Mataafa Sooketa 4:7

Waaqa ka kideewwe, “Harkaayti dunitta kelopa oorsheew!” Muuse ka harkase' xaadi dunitta kelopa oorsheew; ete xaate sooksheeyye, ikka dine ka harkaadi a deyyo' pahanaade.

Mataafa Sooketa 7:13

A kodditoma karitta Feri'ooni ammikki'i ikokkonnaade, umma akka Yaahiwwe kide mina'e ishootta in dakayne.

Mataafa Sooketa 9:16

Ma xoori akkan hupniyyo ke akkisho'e maxxiyyo ka piita piisa qara dakaado mallan haka ammati ke caayshe.

Mataafa Pahana 21:1

Dikatta a nuqusa harka Waaqa oppa ca; ikka akka pisha kaba' mina qinda jaalade qara' oorinni.

Xuuma Issayyaasi 51:9

Atti hupna Waaqatiiyyi xa'e! Xa'e ka kokkonnumaatti kalsado; a xatta' mina'e ka akka' xeltada xatta' qara xaate mina'e xa'e! A ra'apippa quure ka pafase kutta dote, keenne?

Xuuma Mikkiyaasi 7:15

Akkima piita Kipsi' kara koda orra qawwannon ino sookisse mina'e, kodaayti a orra qawwanno ino akkisheew.

Yohaannisi 4:48

Yesuusi ka ishi kide, “Ishina haka wa orra qawwanna ka olsa paha akkittan mali, a amanni a kittan.”

Kodampaya 2:22

“Ishina orra Isira'eelitiiyyi, qaalese dakkaysada! Akka ishina mattaayshina uptan mina'e, aynuma a Yesuusise a Naasireti qudanne Waaqa otantaayshin oppa' kodaddaasene kukutta ka orra qawwanna isho milikkitadda a kodeetin akkishe.

Kodampaya 7:36

A piita Kipsi isho pakateeta a tiima qara daxxowwa isho wa orra qawwanna kodeetan, samayse sookshe ka para kunda afur ishoottan aane, toy Muusese isha.

Roomi 15:19

Akkimoose mina'ew wa orra qawwanna a kukutta ka daxxowwaanne ka hupana Hapura Qulqullootatinni Yursaalami isho piitada a kapandesa caati paayyatte, haka Iwaariqooniti'i otootase a fayya a Kiristoosi in kolishe.

Roomi 9:18

Semmalla Waaqa nama ishi' diissata heeno'e, idiinni ka nama a kamtoollayta koda heeno kamtoollayta' kooni.

Mataafa oppa' Ooreta 4:34

Hela akka Yaahiwwe Waaqaayshin piita Kipsi kara ildaassin tura kode piisa mina'e, Waaqa ekkaysumaddaanne ka milikkitadda orra qawwannaatinni ka daxxowwaanne ka orannaanne ka harkaadi a kokkoka ka hupnaadi a kutta isho wa kukutta ka orra tatammaqinaatin samayta takka xaadi kodatta'e, a aane ka samayta a piita pila kara samayta sookshe, Waaqa a pila i'apari caawwe?

Mataafa oppa' Ooreta 7:19

Erkannawwa kukutta ka milikkitadda orra qawwanna isho daxxowwaanne a Yaahiwwe Waaqaayshin akkima hupnase xaadi kutta ka harkase xaadi kokkokan piisse kara ishin sookshe, ildaassinan i'akkiten; Yaahiwwe Waaqaayshin samaytase a fuurrittan piisa qara'e asseew koda.