Mataafa Sooketa 5:3 - Mataafa Qulqulloota

³ Muuse isho Arooni ka ishi' kidene, “Waaqa Iproota i'ino tura akkaade; akkan anta kuyyaata sessa koommaytanxata anno ka Yaahiwwe Waaqinno kalisoota kalinno ino faqqate; a taakati paaqa isho orannaane ino piraay.”

Mataafa Sooketa 5:3 ပူးပေါင်းရင်းမြစ်များ

Mataafa a Nuqussa a lammatta 17:25

Ete eyye kallaatta paayyeneeyye, umma Waaqa sakatanni in caan; ikka oppopa karmada diishe ikka ishootta pirri.

Mataafa Otoowwa a lammatta 30:8

Ka a aappadaassina mina'e xolma in kokkonnayshan; Waaqa afa dakaya; ka tikase xaadi qulqullaawte isase a haka paraparati xawwi reexxe opa xooya! Ka akka miirase xaadi orra fuurinno ishin qare in kayninni'i, Waaqa Poqallaassina koda koda.

Mataafa Isira 7:23

Akka mankisteeta a nuqusa ka hellaadi mukinnaan qara'e miira in deenini'i, wa a Waaqose a moonta ajaje piisa a qanqannissa tikaadi' kodamen.

Mataafa Sooketa 3:18

Ishootta nefo ike dakayan; ke isho qimaya Isira'eeli ka Nuqusa Kipsi kapopa antan ka ishi kiitane, ‘Yaahiwwe Waaqase Ipuroota'e ino tura akkaade; Semmalla amma akkan koommaytoppan xata anta kuyyaata sessa anno ka Yaahiwwe waaqaysanno'e ka ishi kalisoota kalinno'e, ino faqqaten kiininna ka ke naappaninna!’

Mataafa Sooketa 7:16

Ka ishi' kide, ‘Yaahiwwe Waaqa Ipuroota'e ke kapopa ana erke ka kide, samaytiyyo akka aano ka koommaytoppa ana waaqaysado'e, ishootta diishe; tin atti' xoori haka ammati a ajajamme.’

Mataafa Sooketa 8:1

Sekkammaayye Yaahiwwe ka Muuse' kide, “Aane ka Feri'ooni' kide, ‘Yaahiwwe ikiini, akka ana waaqaysadane'e, samaytiyyo diishe!

Mataafa Sooketa 8:20

Yaahiwwe ka Muuse kide, “Teykanta paraappan xa'e ka oto Feri'ooni kirroppopa keenooyye tura asado ka ishi kide, ‘Yaahiwwe ikiini, akka ana waaqaysado'e samaytiiyyo diishe.

Mataafa Sooketa 8:27

Akka isha ino ajaje qara'e, Yaahiwwe Waaqinno'e kalisoota kalissa'e, anta kuyyaata sessa koommaytoppopa aaneeta ino faani.”

Xuuma Hisqeeli 6:11

Anti Waaqase piisa qara qapo in kiini, ‘Samayta Isira'eeli qoota nyalaasso a neeqa piisa minanne, oranna ka loota isho paaqa orra pirron piramo malla, ‘Oo ishootta kido!’ Kide ka miiran qupittaayti kiskise ka piita diittado.

Mataafa orra Lewi 26:25

Qoota kodayteetiyyo pooten malla, oranan ishin qara qeeda ka haalota ishin qara pooyya; ka oto katamaddaassin karopa olopa oortaneeyyeew paaqa ishin piro ishin qara qeeda akka harka nyaapaayshina oppopa tuukkamtan.

Mataafa oppa' Ooreta 28:21

Piisse a lehatta karopa kullinitto karaayye haka ke patinno'e, Yaahiwwe a olkamma in mittinin mali paaqa a tuullino ke qara' qeeda tupa tawa.