Mataafa oppa' Ooreta 7:2 - Mataafa Qulqulloota

² Ka harkaayshin oppopa ishootta tuukkooyye, akka ishootta puttaneeyye, alle ishootta pira; umma ishootta olli kodayteeta in kodadan ka ishoottan suraysadan.

Mataafa oppa' Ooreta 7:2 ပူးပေါင်းရင်းမြစ်များ

Mataafa Uumata 14:20

Waaqase kutta paarkaaladdaatti qara' putayma ke' daashe, a kalataysamo.” Apraami ka poojetase piisa qaraayye, harka kudan oppaayye, takka qara qeede ka malkesedeqi' daashe.

Mataafa Saamu'eeli a lammatta 21:2

Nuqusa ka Kepa'ooneta hale; isheetta nefo Isira'eeleta oppaayye in qapto ma, Amooratoppaayye peela haste. Kadi punu orra Isira'eeli ishoottan paheeta'e xaxade nefooyye, Saa'ooli qoota orra Isira'eeli isho a Yihutaati yoota qapo malla ishootta lessaata fade.

Mataafa a Nuqussa a paayyota 20:34

Penehataati ka ishi kide, “Katamadda a aappinno aappaayshin qara qeede in oorsha. Akkima aappinno Samaariya kara urmala qaatisade mina'e, atti nefo Temaasqo kara urmala qaatisatta i'ettanissa.” Aki'api ka kide, “Kodayteetan ollin kodanna anka ke kalsha.” Ka oori kodayteeta ollin kodaden ikka isha kalshe.

Mataafa Isira 10:3

Amma akkan iskattose a hapta isho hellaasso a xaayene ollin alle issi oppa keessino'en Waaqa tura' kodayteeta kodanna; poqallaayyo! Dehaama ke isho orra ajaja Waaqinno fuurro ino dehaammo piisan dakayna ka wa seera Waaqa' kiina koona.

Mataafa Masmuureta 106:34

Akka Waaqa ishootta ajaje qara'e, ishootta samaytase a piita in patinne ma,

Mataafa Sooketa 22:20

“Nama Yaahiwwe maliiyyi waaqadda pilaati kalisoota kalinno a alle ishshamo.

Mataafa Dikoota 21:2

Sitiiyyi Isira'eeleta ka Yaahiwwe xasa daasatte ka ishi kiite, “Oton samayse taparissa ka harkinnoppa kattaayye, katamaddaasso piisan takka patinna.”

Mataafa Dikoota 31:17

Semmalla nyooqqawwosen oppa hella a diira piisa leysha! Ka iskatta a diira olli muke piisa leysha!

Mataafa Dikoota 33:52

orra a piisse oppa kalo alle isturaayye sooksha; ka dakaddaasso a xefadene alle oppa mammaaja ka killoowwaasso a sipla piisa alle pashsha; ka porraasso a sakatatta a kunkunnawwa qara ca piisa alle' poota.

Mataafa oppa' Ooreta 13:8

isha an owsadan umma isha an dakkaysadan umma ishan suraysadan ka ishan in pahan ka wa kode in juutan.

Mataafa oppa' Ooreta 13:9

Alle isha ishshe diisheey, in diishan ka isha ikassa'e, atti dakaan isha xaptitta paayye; kammadesa samayta piisa ka isha dakko.

Mataafa oppa' Ooreta 19:13

Umma isha in suraysadan; akka ke ettanto'e ishin dapayta a nama dapa in koonin ishsheeta, Isira'eeli kara pashshe.”

Mataafa oppa' Ooreta 2:33

Yaahiwwe Waaqinno ka harkinno oppopa isha tuukke; ino ka isha ka hellaadi a diira isho xelaadi a oranna piisa pirre.

Mataafa oppa' Ooreta 2:34

Ka katamaddaadi piisa qara pirre ka patinne; ka diira ka iskatta a karaa kalo isho nyooqawwaasso piisa pirre. Umma takka nefo an hattinne.

Mataafa oppa' Ooreta 23:14

Yaahiwwe Waaqaayti ke tooyta'e ka nyaapaayti ke turopa tuukka'e, qoota safaraayti oppa pora anno malla akka wa a dappaawna ke kara in akkinin ka ke qaraayye alle in tiitaawnini'i, safaraayti a nyala mali caado.

Mataafa oppa' Ooreta 25:12

isheetta in suraysadan ma harka tupa mura.

Mataafa oppa' Ooreta 3:3

Semmalla Yaahiwwe Waaqinno ka Ooki nuqusase a paasaani isho samaytaadi piisa harkinno oppa daasheew; anka ishootta piisa pirre, umma takka nefo kela an hattinne.

Mataafa oppa' Ooreta 31:5

Yaahiwwe ka ishin turopa ishootta tuukka; ishina ka waan anti ishin ajaje piisa ishootta qara kootan.

Mataafa oppa' Ooreta 33:27

Poraayti a kela pahanitto Waaqaayti a parpara; harkaadi a parapara ka ke kela caan ka ke ampanni; ka nyaapaayti ke tura alle daanni; ka ke kiini, ‘Alle ishootta pire!’

Mataafa oppa' Ooreta 7:16

Samayta a Yaahiwwe Waaqaayshin ishin turopa tuukkino piisa alle pira; umma ishoottan suraysadan umma waaqaddaasso in waaqumsadan, turuura ishina koddaneey.

Mataafa oppa' Ooreta 9:3

Semmalla Yaahiwwe Waaqaayti isase apitta kupno paho isha ke turandesa tarpaay upnaado; isha ke turandesa ishootta pira ka iskelopa ishootta oorsha; akka Yaahiwwe kippeeta ke daashe qara'e, atti ka ishootta sookissa ka irra qara ishootta pirta.

Mataafa Iyyaasu 10:28

Kuyyaasetiiyyi Iyyaasu ka piita Maqeeta torpe ka qara pire ka nuqusa piitoseti kuli koraatetan ishshe ka orra a katamoosen oppa co piisa pire. Akkima turan nuqusa Iyyaarko kode mina'e, asseew nuqusa Maqeeta kode.

Mataafa Iyyaasu 10:30

Waaqa ka Isira'eeleta akka orra Liipina isho nuqusaaysho putto kode. Ikka katamaasene isho nama oppa co piisa alle pashshen ka akkima nuqusa Iyyaarko koden mina'e asseew nuqusa Liipina kodeneew.

Mataafa Iyyaasu 10:32

Waaqa ka orrase a piita Laakiishi ishootta kelopa oorshe, ikka kuyyaata lammattati qara piren ka akkima piita Liipinati orra leyshen ka piren mina'e, nama oppa co piisa koraatetan leyshen ka piren.

Mataafa Iyyaasu 10:40

Pora asse pahonne Iyyaasu ka piita piisa qara pire ka piitadda irrowwa qarandela ca ka piitadda a qinda kammatin ca ka a koommaytoppan xata ca ka piita komola isho nuqussaasso ollin piisa qara pire ka akkimase a Waaqa Poqalla Isira'eeli ajaje qara'e, nama oppa co piisa leyshe ka pire. Nama takka nefo ka kela in hasnin.

Mataafa Iyyaasu 10:42

Qoota Waaqa Poqalla Isira'eeli Isira'eeleta torpino malla, Iyyaasu nuqussoosen piisa piitadda a mukinnaane ollin tuula takka kapa'ew qara pire.

Mataafa Iyyaasu 11:8

Waaqa ka Isira'eeleta kelopa orrase oorshe. Isira'eeleta ka paarkaalasene xaaysho torpite ka qinda qutattatinni haka piita Miisirefotimaayimi isho a Siidoonaati'i ka qinda piirtotatinni haka naaba Missippaati kamma daante. Ka a nama takka nefo kela in hattinnin mali orra piisa lesse ka pirte.

Mataafa Iyyaasu 2:14

Orrase ka orshe ka isheetta kide, “Oton asu nama kapa ino a lellin, ino ka waan ke tura xaxanne an dikkinniniiyyi, a Waaqa alle ino piro. Ma oto Waaqa piitose are kitto ino daasho anka oppopa kallooyye, akkan ke isho toolaayshinan pahano'e, dukaatannen ke tura xaxanninna.”

Mataafa Iyyaasu 21:44

Ka akkimoose mina'ew, Waaqa ka akka turan aappadaassoti kippeeta daashe qara'e, qinda piisan ishootta nessishe. Ikka oranna torpa kela nessaden. Qoota Waaqa nyaapaaysho piisa qara ishootta putayma daashe malla, paarkaalaasso oppa nama takka nefo ishootta mina qa'atta in ettaninne.

Mataafa Iyyaasu 8:24

Sekkamma oori xelase a Isira'eeli ete orrase a Aayi koommaytase a oppanxata ishootta daannaan oppa'ew leyshen ka pireneeyye, desa ooreneew ka orra katamasene a Aayi kara le'eta kela hase koraatetan quuren ka piren.

Mataafa Iyyaasu 9:24

Ishootta ka Iyyaasu oorshen ka kidene, “Poqallaay ha ino akka Waaqa Poqallaassin orxaytaadi Muuse ajaje qara'e, akkima piita piisa ishina daasho ka orra ishin tura co alle pashshon dakayne ka tammaqne ka issin paheeta malla asse koone.

Mataafa Iyyaasu 9:7

Isira'eeleta xoori i'ishootta kiite, “Ishina takka punu piita ino kapa dehatiiyyi deeteneey, xawwi attan ishin olli kodayteeta kodatta ettaninna?”

Mataafa Taanynyada 1:24

Lettissampayasene ka nama a katamoosen kara sookno akken ka ishi' kidene, “Oton pora ishin katamoosen karopa kullinaane'e ino akkissaayye, in ken pahana.”

Mataafa Taanynyada 1:4

Kafose lakki ka Kene'aaneta isho Fersaata qara' oranna' xa'en, Waaqa ka harkaaysho oppa' daashe ikka puten ka pora Peseqi kidammo oppa'e xela oranna kuma kudan leyshen.

Mataafa Taanynyada 2:2

Ishina'ew orra piisse opa kalo olli kodayteeta in kodadane ka porra a qara' kalisoota kalinnaane' tura pulpula.’ Ishina' xoori ana'e a ajajamme. Xawwi maana malla asse kooten?