Mataafa oppa' Ooreta 17:9 - Mataafa Qulqulloota

⁹ Ka Lawaata a qeesewwa koddite isho nama sitiiyyi taanynya kodde kaassada; ishootta ka deexose faraten.

Mataafa oppa' Ooreta 17:9 ပူးပေါင်းရင်းမြစ်များ

Xuuma Hisqeeli 44:24

Oton wa qara oli shiishnaane'e xa'ayye, qeesewwa a taanynyada kodden ka taantetiyyon deexa muren ka xaysonessumaayyo a ishi' xoora qapamene piisa oppaayye, a seeriyyo ka taantewwaayyo tooyten ka kuyyawwaayyo a nessuma xawwi reexxen ka tooyten.

Xuuma Milkiyaasi 2:7

Qoota qeesewwa erkamampaya a Waaqase we pisa ettaninnooti' kodden malla, samayta ishootta qara upna dukaata'e asanniiy, ishootta upnoosen a dukaata kolissa ishootta parpaaccisni.”

Xuuma Hake 2:11

“Waaqase we piisa ettaninno ikiini, ‘Intoonno wa seera kiinaati desa qeesewwa kaassado ka kide,

Xuuma Ermiyaasi 18:18

Kamma desa ikka kidene, “Seera afaa qeesewwa oppa in dapado, umma dehaama afaa ookka oppa in dapado, umma qaaleta afaa xuumampayta oppa in dapattooy, xooye ka Ermiyaasi sulla ka torraadi teyyatta diinna ka haasaannon isha talafna.”

Mataafa Sooketa 22:8

Oton kerose'e in teyannin xoori, aappa a kaajosen taaki mehaddoosen kapa ataraan xaayamen a taanynyada turopa dehaado ka akka harkaadi hatanse oppa in kinnin upnaysho.

Mataafa oppa' Ooreta 17:10

Ka porase a Yaahiwwe reexade oppaayye wa ishina lelamma koda ka saanta a ishina akkinnaan qara we piisa qanqannissa koda.

Mataafa oppa' Ooreta 21:5

Yaahiwwe Waaqaayti akka fuuladi tura koda kodane'e ka maxxa Yaahiwwen orra sakane'e ka deexa isho miiddota a samaytoppa kitto piisa murane'e qoota hellaasene a Lewi qeesewwasene reexade malla, ishootta a turopa sooken.

Xuuma Sakkaariyaasi 3:7

Waaqase we piisa ettaninno ikiini, “Atti oton saantiyyonne kallaanniiyyi ka wa an ke ajaje' tooytanniiyyi, tikiyyo' mukissa. Ka paapahiyyo nefo qara tooyeeta i'ettanissa ka anti ka orroose are' qaqqa'ade olliiyyi akka ana turandesa a'anto' koda.

Mataafa Sooketa 18:16

Oto deexa qapaneeyye, ana kapopanne deeni, anti ka arta nama lakki otantoppaayye deexa a qapan murri ka akka taanteta isho seera Waaqa upnaadane kooni.

Mataafa oppa' Ooreta 16:18

Katamadda a Yaahiwwe Waaqaayti ke daanna piisa kara'e, kaffa piisa'e taanynyada isho saarra shuume; ishootta ka samayta dukaata faraten.

Mataafa oppa' Ooreta 25:1

Oto nama lakki oli piro ka taanynya turopa dehaadooyye, taanynya ka deexaaysho muraneeyye, a dapa in qapnini'i, a dukaata kalshen ka a ishin dape qara dapa muren.

Mataafa oppa' Ooreta 33:10

Ishootta taantetaayti Yayqoopi kollishan; ka seeraayti Isira'eeli upnayshan; ka ke tura tankarta qayyayshan; ka poqaatti a kalisoota qara ke kalisoota kupan.

Mataafa Otoowwa a paayyota 26:29

Sanynyeeta Yisihaari oppa Kenaaniya isho hellaadi koda a tika qulqulloota in koddinin a Isira'eeleta qara saarumma isho a deexa mureetati'i kitamen.

Xuuma Sakkaariyaasi 7:3

Ikka kaassadan ka kidane, “Hela akkan parra lekaya koone mina'e, leyase a kenatta oppa tikase a qulqulloota' pootamte malla, nyarrahata ka damta musatta kammaaw caanna?”