Mataafa oppa' Ooreta 17:2 - Mataafa Qulqulloota

² Katamadda a Yaahiwwe ishina daashe oppaayye, oton takkan karaayye diirta taaki iskatteeta kodayteeta a Yaahiwwe alle pootaneeyye ka fuula Yaahiwwe a Waaqaayshin tura wa neeqa koonaane ishin qapamaneeyye,

Mataafa oppa' Ooreta 17:2 ပူးပေါင်းရင်းမြစ်များ

Hoose'i 8:1

Waaqa ikiini, “Samayta a Isira'eeli, kodayteetiyyo poote ka seeriyyo nefo alle' qepshe, paarkaala ka akka a xooxayta' mina tikiyyo qara xoopilawniiy, akka isqara tooyane'e kaasa a illikayta' dawe.

Mataafa Taanynyada 2:20

Semalla Waaqa ka Isira'eeleta qara'e akata miirode ka kide, “Samaytose qoota ana ajajama tiite ka kodayteeta an aappadaasso olli kodade alle poote malla,

Hoose'i 6:7

Ishootta' xoori porase ‘Attaami’ kidammo oppa'e kodayteetase a ana olli qapan alle' pooten ka eyye'e ana amanama diishen.

Mataafa a Nuqussa a lammatta 18:12

Sede nefo qoota ishootta qaaleta Waaqa Poqallaassoti in dakaynin ka kodayteetaadi pooten ka wa orxaytase a Waaqa Muuse ajaje in dakaynin ka in koonin malla.

Mataafa Iyyaasu 23:16

Akkimoose mina'ew, Waaqa Poqallaassin oton kodayteeta a ishin ajaje tooytaatta diissan ka kapa killowwa a pila waaqaysattaneeyye ka ishootta sakatattaneeyye, miira Waaqa dikkeeti ishin qara kokkonnaada, ishina ka piitase paxaara a ishina daashe oppaayye irra qara pattan.”

Mataafa Iyyaasu 7:15

Orri nama a kapa wossen neeqa taaki dawrame akkaadan, kodayteeta Waaqa'e poote ka hellaa Isira'eeli dapoppopa kalsheey, isha ka waadi a qapa piisa a apittan kupaden.”

Mataafa Iyyaasu 7:11

Ha samayta, isha dapa kode ka waan isha ajaje tooytaatta diishe ka waasene an kide an qappadan oppa hatanta teyyade ka mehaddaasso kara juutade.

Mataafa oppa' Ooreta 17:5

diirta taaki iskatteeta wa asse neeqa koote, katamaassin kara alle sooksha ka diirtase taaki iskatteetase dakaan dakka ikka tooto.

Xuuma Hisqeeli 16:38

Ka firteeta iskatta a dahalsanno isho a orra lenno qara' faratammitto ke qara' farata ka aariyyo isho yootiyyon ke ishsha.

Xuuma Ermiyaasi 31:32

Waaqa ikiini, “Umma kodayteetose, kodayteetase an xatta ishootta tupa harka qape ka piita Kipsi kara ishootta sookinnooyye aappadaasso olli kodade in pahanaatto; kadin punu anti diirtaaysho koddeeyye, ishootta kodayteetiyyo pooten.”

Mataafa oppa' Ooreta 31:20

Piitase a aanna isho takma oppa puren an aappadaasso a xattati xaxade ka kippeeta daashe karopa oton ishootta kalshooyye, ikka daman ka dudutanan ka kakappadan kammaayye, ana jippan ka kodayteetiyyo pootan ka killanna opa tiitaawan ka ishootta waaqumsadan.

Mataafa oppa' Ooreta 29:25

Orra ka kida, “Ha qoota kodayteetase a Yaahiwwe a Waaqa aappadaasso a xatta a piita Kipsi kara ishootta sooksheeyye ishootta olli kodade alle pooten;

Mataafa oppa' Ooreta 29:18

Ishin oppaayye a hittina dalta haddaawnitto ka marseeta koddite dallo akka in kinnaannini'i, diirta taaki iskatteeta taaki toola taaki kafa a awwe Yaahiwwe Waaqinno qara karittaadi tiitayshe ka anta ka killanna a samayseti waaqaysatta heeno, akka in kinnaannini'i qanqannisso upnaada.

Mataafa oppa' Ooreta 4:23

Akka kodayteetase a Yaahiwwe Waaqaayshin ishin oli kodade a teyminini'i, isi tooytada ka killootase a Yaahiwwe Waaqaayshin dawre, we takkan nefon pahanaayshan ka in xefadan.

Mataafa orra Lewi 26:25

Qoota kodayteetiyyo pooten malla, oranan ishin qara qeeda ka haalota ishin qara pooyya; ka oto katamaddaassin karopa olopa oortaneeyyeew paaqa ishin piro ishin qara qeeda akka harka nyaapaayshina oppopa tuukkamtan.

Mataafa orra Lewi 26:15

ka taantewwaayyo piisa jippinittaneeyye ka seeriyyo puyattaneeyye ka ajajaddaayyo piisa tooytaatta diissaneeyye ka seden kodayteetiyyo poottaneeyye,

ipro 10:28

Nama a seera Muuse qepshe, oton nama lakki taaki sessa qara' maakkumaayye, ishi diisammi in kitto ma tootanne qatta'ammi;

Mataafa Sooketa 22:20

“Nama Yaahiwwe maliiyyi waaqadda pilaati kalisoota kalinno a alle ishshamo.

Mataafa a Nuqussa a lammatta 21:3

Ka porrasene a sakatatta kunkunnawwa qara ca a aappaaysho Hisqiyaasi alle qitqishshe oorshe ka dawe; ka akkimase Aki'api nuqusase a Isira'eeli kode mina'e, killoota pa'aliti poqa kalisoota dawe; ka olaahitta asheera qa'e ka hiikka moontati sakatade ka ishootta Waaqaysade.

Mataafa Iyyoopi 31:28

ini nefo dapa neeqaaw a minan tanynyada nama qara' toota murraan. Maana malla ini Waaqase moonte co'e, amanama diissataay.

Xuuma Ermiyaasi 34:18

Orra a kodayteetiyyo poote ka kodayteeta a fuuliyyo tura kodaden in tooytaannin; anti akkima innayyasene asa a lakki murene ka otantoppan tarpene mina'en asseew ishootta qara' koda.

Mataafa Sooketa 22:19

“Nama horeeta olli mukno a alle ishshamo.

Mataafa orra Lewi 20:2

“Isira'eeleta lele ka kideewwe, ‘Nama a Isira'eelitta kodde taaki kalayta a ishin oppa kalo kodde, oton hellaadi oppa takka killootase molooki kidammitto kalisoota kalshaayye, a alle ishshamo; samayta piita ka dakaan isha dakko.

Mataafa Taanynyada 6:31

Iyyo'asi xoori, orrase miiran isha kapopa de'eti'i kide, “Hela ishina pa'aali'i tamaakkannitane? Ka ishin pahatane? Nama pa'aali tamaakkano piisa haka parri a teykantati'i alle to'a. Oton pa'aalin Waaqaayye, a mattaadi namoose poraadi a kalisoota poote mina tamaakkado!