Mataafa Dehaamta 9:9 - Mataafa Qulqulloota

⁹ Parroosen are a paata patta, a Waaqa piita qara ke' daashe' piisa oppaayye, iskatteetase' xaayti a' jaalannitto olli xasoodo ka kuyyawwosen are a paata patta' piisa oppaayye ka kallaataayti oppaayye isho yaalase' xaayti a' piita qara yaallitto oppaayye, qoyrittaayti a ke qa'e sedeey.

Mataafa Dehaamta 9:9 ပူးပေါင်းရင်းမြစ်များ

Mataafa Uumata 26:8

A eeyye kalooyye, kuyyaata takkaayye, nuqusase a Filisteemi Apemeleki maskootetoppanne Hisaaqi isho Ripiqa a diirta ka iskatteetaadi ollin kahannaan mina'e oli quda sahana'e akke.

Mataafa Masmuureta 144:4

Ha nama xayxayta mina; parraadi nefokan kaatta atoota' mina.

Mataafa Masmuureta 39:5

Ha atti parraayyo laabbotanne ekkaysatte; fuulaayti turaayye, parraayyo paata patta; dukaatan caatta nama piisa qayya mina.

Mataafa Pahana 18:22

A haantota teyno, wa paxaara'e teye; ka Waaqa kapa jaalatama akkanni.

Mataafa Pahana 19:14

Tika isho teyanta, toola qaraayye lehanni; iskatteeta qalpeeta qapto xoori, Waaqa nama' daanni.

Mataafa Dehaamta 2:10

Wa iltaayo xajeelte takkan nefo an dapne umma sataatiyyo kodaayo piisanne xasootte diisheey, xasoppaayye wa dapte in caan. Tookta an yaaliyyo kela qeede kan sede.

Mataafa Dehaamta 2:24

Nama'e, yaalaadi kamma dameeta ka ikkeeta ka ishin xasootta qaropa wa ishi wayya in caan sede nefo, akka harka Waaqa oppaaw deenitto in akke.

Mataafa Dehaamta 3:13

Nama piisa akkima damo ka ikko ka wa kamma yaale' piisan xasoodo, ini daassata Waaqa.

Mataafa Dehaamta 3:22

Semmalla, kodaadin xasootta maliiyyi wa nama wayya akkima in kinnin in akke; maana malla, ini qoyrittaadi a isha qa'ey; akka wa isha kammandela koddina akko'e, ayno ela isha oorissa ettansha?

Mataafa Dehaamta 5:18

Semmalla nama, parrasene shakka, a Waaqa piita qara ishi' daashe kara'e, kati damma ka ikkina ka wa kamma yaaleetin xasoonna akkima paxaari ka ishi wayyitto in upnaade; sede qoyrittaadi a isha qa'ey.

Mataafa Dehaamta 6:12

Kallaataadi oppaayye, parrasene shakka paata patta kodde a kaattillayta mina tarpina oppaayye, wa nama wayya ayno upa? Oto isha' to'o kammaayye, wa piita qaraayye isha kammandela koddina ayno ishi' lela ettansha?

Mataafa Dehaamta 7:15

Anti parraayyo an kallaade isasene paata patta kodde oppaayye, we lekayan akke; hanqeellayta hanqeetaadinni panni; juppolayta xoori, juppootaadinni parra leka' kallaanni.

Xuuma Milkiyaasi 2:15

Hela Waaqa ishin isho iskattaayshin akka dakinta takka ka dikatta takka qapnaattane'en koone? Hela maana'e takka ishin kode? Akka sanynyeeta Waaqa tura fuurritto xaaytan malla asse kode. Semmalla qalpeeta fayyatin isi tooyta ka kodayteeta iskattaayshin a' paayyota hemiten oltura qaptan, alle'en diishan.