Mataafa Dehaamta 9:5 - Mataafa Qulqulloota

⁵ Orra co akkima le'o i'upa; orra le'e xoori, we takkan nefo in upo; wa qaran ishootta matte oorsannaane iteymammi umma tookta in qapan.

Mataafa Dehaamta 9:5 ပူးပေါင်းရင်းမြစ်များ

Mataafa Saamu'eeli a lammatta 14:14

Akkima pisha tuqame ka lammatta ela oorri in kinnin mina'e, ino piisani asseewwen leena. Waaqa xoori isase piitoppa daaname akka laka in hasnini isaanta ishi harmisha diisheey, in ishsho.

Mataafa Iyyoopi 14:21

oton hellaadi ulfeessammiiyyi, upnaanni in co; umma kadi punu jeerraaneeyye, akkini in co.

Mataafa Iyyoopi 30:23

Akkima tootopa anan anto ka tikase nama piisa' harmisamte oppopa ana oorisso in upa.

Mataafa Masmuureta 109:15

Akka alle maxxaaysho' piita qara pashsho'e; juppootaaysho a awta piisa fuula Waaqa tura caatto.

Mataafa Masmuureta 6:5

Ha, orra le'e oppaayye a matte ke oorsanno in co ayno hawla kareela ke kalataysanni?

Mataafa Masmuureta 88:13

Oo Waaqqo, anti' xoori keepan ullupanni; ka teykanta karan qinseetiyyo kepa dehanni.

Mataafa Dehaamta 1:11

Wa tarpe, opani matte oorsanni in caan; umma orra itturopa dalado, wa ishootta turan kodde matte in oorsado.

Mataafa Dehaamta 2:16

Ooka nama, a eepa' mina'ew teymama; parra itturopa deena oppaayye, ishootta' piisani teymaman ooka nama a eepa' mina'ew to'a.

Mataafa Dehaamta 7:2

Tika sankulta opa anta kapaayye, tika pooyta opa anta wayyi; toota nama piisa kapa kittaay, nama tarra qara co a sede matte qapnaado.

Mataafa Dehaamta 8:10

Anka akkima juppoolayasene xatta pora qulqullaawe oppan anna ka kalla ka katamasene a kara asse koonaane kara ulfeenan hawlammaan akkeew. Sede nefo paata pattaaw.

Mataafa Dehaamta 9:10

Koda harkaayti mina' kale piisa, hupnaayti a' qapton kokkonsado ka kode; maana malla, hawlase a' karopa annitto karaayye, koda ka dikatta, taaki upna ka ookuma in caaneey.

Mataafa Dehaamta 9:4

Ma xoori, nama orra co oppaayye co piisa kippeeta qapa; karma to'e kapaayye, kuta co wayyiiy.

Xuuma Issayyaasi 26:14

Ishootta ile'en umma arepadesa in caadan; qoota' atti ishootta qattaate ka ishootta pirte malla, lammatta in xa'an ka matte in oorsataman.

Xuuma Issayyaasi 63:16

Atti a aappinno, kadi punu Aprihaami ino in upniniiyyi, Isira'eeli ka matte ino in qapniniiyyi, xattaaw a ino furanno a aappinno kodde Waaqqo ke ini maxxaayti.

Luqaasi 20:32

Ishootta piisa kammaayye iskatteese ka toote.

ipro 9:27

Nama takkanne toota' kitame, toota kammaayye, firteeta ka isha qara kitta.