Mataafa Dehaamta 9:2 - Mataafa Qulqulloota

² Hanqeellaya ka juppoolaya, orra wa paxaara' koono ka a neeqa' koono, orra qulqullaawe ka a nyale, orra kalisoota kalinno ka a kalinni in kinnini piisa piraampira qaraayye farootaaysho a ishootta qayto takkaaw; akkima nama paxaarumta koono' koddinitto mina'ew a neequmta koono' koddini ka akkima a maxanyumaan xaxannaati' koddinitto mina'ew a xaxa fuurraati' koddini.

Mataafa Dehaamta 9:2 ပူးပေါင်းရင်းမြစ်များ

Mataafa Uumata 24:3

Ka akka tuparra orroose a Kene'aani an oppa kala oppa innaayyo'e a' heminini'i, maxxa Waaqase piita ka moonta uumen ana' xaxado.

Mataafa Iyyoopi 9:22

Piisa takkaaw, semmallan kiini “Ha isha hanqeellayta ka juppoolayta kuli olkapa' patinni.”

Mataafa Masmuureta 73:3

Maana malla, a ukkuttowwa teyantoonnaanen akke, ka a isi jeejjina yo'ey.

Mataafa Dehaamta 2:26

Waaqa nama isha xasanno'e, ookuma ka upna ka xasootta daanni; juppolayta turaayye xoori, teyanta a olopa tuulade qeenni ka nama isha xasanno' daanni; sede nefo kan paata patta ka xayxayta diippeeta mina.

Mataafa Dehaamta 3:19

Wa nama qara' kayna isho wa pinanta qara' kayna takkaneew; akkima takka toono takka asseew tooni ka piisani nessa takkaaw qapan, umma nama pinanta qara in qapo; we' piisa paata patta.

Mataafa Dehaamta 6:6

namoose kadi punu lakkin olqaraxata para kuma kuma kallaadaayye ka teyantaadin xasoonni in kinniniiyi, ishootta lakkantiiyyi pora takka opaaw anni in caane?

Mataafa Dehaamta 7:18

A we takkan paxaara harkoppa a diinnin mali kadi a pila kuli qapannitta ipaxaari; nama Waaqa fuurro, qinda piisanne ishi' salliiy.

Mataafa Dehaamta 7:2

Tika sankulta opa anta kapaayye, tika pooyta opa anta wayyi; toota nama piisa kapa kittaay, nama tarra qara co a sede matte qapnaado.

Mataafa Dehaamta 9:11

Piita qaraayye, wa pila'en akkeew; a jarjartan hirra, putayma teyni in caan; umma xormewwa orannaappa punni in caan; ookka, damta teyni in caan umma ilattaya teyanta kodanni in caan umma upnampaya ulfeena teyni in caan; eta isho faroota xoori, ishootta piisa asanni.

Mataafa Dehaamta 9:3

Sede neequmtase nama piita qara kalo piisa qara' kaynitto; piraampira nama piisa takkaawweey; semaliiyyiiw, karitta nama neequmtanne immakaade; a tarra qara caan piisaayye, karittaaysho kara taarota ca ka piraampira qaraayye tooni.

Xuuma Ermiyaasi 43:6

Ishootta nefo, diirra ka iskatta ka hellaa ka kutkuttowwa ka orrase a Naapusaartaani ajajampaytase a tooytampaya nuqusa, harka Ketaaliya a inna Ahiqaami a oopa Shafaatiya oppa' diishe piisa ka xuumampaytase Ermiyaasi ka Paarooki inna Neeriya kuli qeeden.

Xuuma Milkiyaasi 3:15

Orra isi peepno, sanaya, orra wa neeqa' koono iteyaantoonni, orra Waaqa ekkaysanno qara'e, rakkoota takka nefo deeni in kitto.’”

Xuuma Milkiyaasi 3:18

Sitiiyyi akkima dukaallayta isho nama wa neeqa' koono ollin in pannini'i, taaki akka nama koda Waaqa koono ka a kooni in kinnin olli in pahanin upnaattan.”

Xuuma Milkiyaasi 3:5

Waaqase we piisa ettaninno ikiini “Anti firteeta'en ishin oppopa de'a ka tipampaya ka dahalmaya ka orra dartan xaxanno ka orra muushshaara a yaala nama dawrino ka orra hiyyettewwa ka he'aya isho kalayta miiddino ka ana tura furri in kinnin qara jarjartan farata.”

Mataafa Saamu'eeli a paayyota 14:26

Orrase ete muroppopa kulleeyye takma moonte xata tajtajno akken ma xoori qoota xaxasene fuuren malla, nama takka nefo takmase in immanne.