Mataafa Dehaamta 9:12 - Mataafa Qulqulloota

¹² Semaliiyyiiw nama eta a xaamane oppa maana akkima isha qara' kayna upo in co; oto kuyyaataadi a neeqa' kaytooyye, murkuja akkima nyupuraappa' qapammo, xampirteeta ka ereera qara' qapammitto mina'e, a isqara in upnin mali, asseew eta neeqa orra qara' kayni, ikka oppa' qapammi.

Mataafa Dehaamta 9:12 ပူးပေါင်းရင်းမြစ်များ

Mataafa Masmuureta 11:6

Isha ukkuttowwa qara'e, porooda ka daka apitta' roopni; qoottotaaysho nefo, puppeeta apitta.

Mataafa Pahana 24:22

Ishootta lamatti pateetta qeedan; pateettose nefo maana akka koddito ayno upa?

Mataafa Pahana 29:6

Ukkuttoota nama juppootaadi oppa'ew qapammi; hanqeellayta xoori isammarri ka xasoonni.

Mataafa Pahana 6:15

Semmalla erkannaata ka isha qara' mud kiita, ikka a isqara in upnin mali pata; umma dina in qapo.

Mataafa Dehaamta 3:19

Wa nama qara' kayna isho wa pinanta qara' kayna takkaneew; akkima takka toono takka asseew tooni ka piisani nessa takkaaw qapan, umma nama pinanta qara in qapo; we' piisa paata patta.

Mataafa Dehaamta 8:11

Qoota orra ishin dapayta kode qara'e firteeta daasamte eennoow opani dikkinni in kinnin malla, karitta orra wa neeqa dikattaanne immakaanni.

Mataafa Dehaamta 8:8

Nama xayxayta qara hupna qapo ka tura qapeeta ettaninno in co. Umma nama kuyyaataadi a toota qara hupna qapo in co; kuyyaata orannaati nama takka nefo akkima “An torpo” kida ettaninni in kinnin mina'e, a neequmta kodeeta kamma kamma'ew asseew neequmta kela pahani in kinnin.

Mataafa Dehaamta 9:13

Anka piita qaraayye, wa ookuma kutta ana' pahanaade akkew.

Xuuma Issayyaasi 24:18

Nama a nessa orra tammaqinno tura qahano, poollota karopa pi'a; a poollota kara fayyadoow, turuuraappa'e qapama; roopa a kutta moonte xata qita, kiriyya piita ka lelleehan.

Xuuma Issayyaasi 30:13

juppoose ishin qara'e kawwatta a dera a kaamatte ka qita' foolsatte ka a' isqara a upnin mali ishin qara qitto koddita.

Xuuma Hisqeeli 32:3

Waaqase' piisa qara qapo ikiini, “Samayta lekaytan isquda' qeeda ka nyupuraayyo ke qaropa kata; ikka nyuporaayyon lakopa ke titan.

Hoose'i 7:12

Anti porra oppandesa annaane' piisa oppa'en ishootta tura' turuura qaasa ka akka a xampira' mina moonta quda piitopa ishootta tita ka kodaaysho a neeqa malla qara' dapa mura.

Hoose'i 9:8

Ha Waaqa akka samayta Efreemi' tooyto'e xuumampayta qaatishe, ishootta' xoori porra piisa oppa'e tura' turuuraaw qaasni; tika Waaqatiiyyi paarkaalummaatanne isha kamma anni.

Luqaasi 12:20

Waaqa xoori i'ishi kide, ‘Atti eepo, awwe halkeesseti tootaay, kuli teyantose a ollopa tuulatte piisa a ayno koddita?’

Luqaasi 12:39

Ma sede upnaadaaw, nama takka kati saateta a oppa kera de'o upa kiiteeyye, akka kera tikaadi pooto'e tura diinni in heenne.

Qorontoosi a lammatta 6:2

Waaqa qoota kiino, “Eta a ettanna oppan ke dakaye! Ka kuyyaata dinati ke qaarqaare,” malla “Tin eta a ettanna amma, kuyyaata dina' nefo ammaaw.”

Teseloonqe a paayyota 5:3

Oto orra, “We piisa nakayta ka ipaxaari” Kiinooyye, akkima iskatteeta yetettan qapamte mina'e, a ishootta isqara in upnin maliiyyi pateeta ishootta qara' kayta. Umma pakkanna kela in pahan.

Timotoosi a lammatta 2:26

ika seden isi matte oorsadan ka turuurase a seetana akka heennadi kodane'e, oppa ishootta qapsiise oppa passadaneey.

Petroosi a paayyota 2:12

Takka punu kadi ishina' kidane “Orra neequmta koono nefooyye,” Ka ishin haasawanneeyye; kuyyaata a Waaqa ino tooyya' deenooyye, orra a Yihutaata in koddinin akka kodaayshin a paxaara akko ka Waaqa kalataysado'e, oto ishoottoppa kallaannittaneeyye, qalpeeta fayya' qapnaada.

Petiroosi a lammatta 2:12

Kollissampayoosen a darta xoori, wa matte in qapnini qaraayye orra onni; ishootta pinaanasene turuuroppa qapama ka ishshama dalade ka wa ishootta kara dakaannatin kallaanna ka dikatta in qapnini mina. Akka pinaanoosen patan mina'e, ishootta asseew patan ka dapadan.