Mataafa Dehaamta 9:1 - Mataafa Qulqulloota

¹ Semmalla sede piisa oppan dikade ka kide, “Hanqeellaya ka ookka orra isho wa ishootta' koonaane' piisa harka Waaqa oppaaw caan; ma xoori a punu jaalala taaki needduma koddito, nama wa isha asanna upo takka nefo in co.

Mataafa Dehaamta 9:1 ပူးပေါင်းရင်းမြစ်များ

Mataafa Iyyoopi 12:10

Napseeta uumata piisa ka nessa nama piisa harkaadippaaw ca

Mataafa Iyyoopi 27:12

Ishina' nefo piisantiiyyi sede akkiteneey, maana malla' paata patta haasawannittan?

Mataafa Iyyoopi 5:8

Kadin ana kiiteyye, helani Waaqa turopan dehaada ka rakkootiyyo isha tura' lelada;

Mataafa Masmuureta 10:14

Atti' xoori, oo Waaqqo rakkoota ka nyarrahata eeyye tooyni; ka akkima harkaaytin kapa' haalota pooyyito'e, eeyye akkini; rakkatampayta nefo ke qara'e isi xaayanni; atti ka he'aya qaarqaarri.

Mataafa Masmuureta 119:109

Anti awta piisan toota qara kayni ma, seeraayti an teymini an co.

Mataafa Masmuureta 31:5

Hapuriyyo harkaaytippa'en atara' daanniiy, oo Waaqqo! Waaqa a dukaata atti ana furado.

Mataafa Masmuureta 73:3

Maana malla, a ukkuttowwa teyantoonnaanen akke, ka a isi jeejjina yo'ey.

Mataafa Pahana 16:3

Kodaayti piisa atara'e Waaqa' daashe; wa' karitta karanxata dikatte' piisa olkela ke' teyaay.

Mataafa Dehaamta 1:17

Ka ookuma isho upna ka eepuma isho taarota maana akkima kodden upnaatta kamma' xa'e ka ini akkima xayxayta diippeeta koddite upnaade.

Mataafa Dehaamta 10:14

Eepa haasa koopinni; wa itturopa kodda nama upo takka nefo in co; wa nama to'e kammandela koddina, ayno ishi' lela ettansha?

Mataafa Dehaamta 7:15

Anti parraayyo an kallaade isasene paata patta kodde oppaayye, we lekayan akke; hanqeellayta hanqeetaadinni panni; juppolayta xoori, juppootaadinni parra leka' kallaanni.

Mataafa Dehaamta 7:25

Ookuma maana akkima kodde ka we' piisa akkima koddinaan upnaatta'e ka fadeeta ka oppa qoreetopan mattiyyo tiitayshe ka neequmta akkima neeqi, eepuma kan taarota upnaattaapa mattiyyo tiitayshe.

Mataafa Dehaamta 8:14

Wa piita qaraayye koddina ka paata patta kodde a pila'e caaw; sede nefo, juppoolaya wa hanqeellaya' parpaaccisna'e akkanni; hanqeellaya ka wa juppoolaya' parpaaccisna akkanni; anti in kiini, “Sede nefo paata patta.”

Mataafa Dehaamta 8:16

Eten ookuma upnaatta'e ka yaalase a nama isase a malla ildaadi halkeetta ka kuyyaata mukitta in qapninppa dikatta' xa'eyye,

Mataafa Dehaamta 8:7

Nama wa itturopa kodda qoota in upnin malla, wa itturopa kodda ayno ishi' lela ettansha?

Mataafa Dehaamta 9:6

Jaalalaasso ka needdumaasso isho yootaaysho a pateneeyye iseki seki; umma wa piita qara' koddina oppaayye lammatta' qoottota in qapan.

Xuuma Issayyaasi 26:12

Oo Waaqqo, kodinno an kodanno piisa kew ino' dikkisheey, nakayta ino' daassa.

Xuuma Ermiyaasi 43:6

Ishootta nefo, diirra ka iskatta ka hellaa ka kutkuttowwa ka orrase a Naapusaartaani ajajampaytase a tooytampaya nuqusa, harka Ketaaliya a inna Ahiqaami a oopa Shafaatiya oppa' diishe piisa ka xuumampaytase Ermiyaasi ka Paarooki inna Neeriya kuli qeeden.

Mataafa oppa' Ooreta 33:3

Atti keeto lekna jaalanni; qulqullowwa piisa ka harkaadippaaw caan; ka loqqaadi kela kilpiippanni; ka ke qara dehaamta teyyanni.

Timotoosi a lammatta 1:12

Rakkoose' nefo semmallaawwen teyyanni. Ma xoori ayno akkiman amane qootan upo malla, an ishin an jeerri an co; ataroosen ana' daasame nefo, haka kuyyaatase' kaynitto kara'e, isha akkima tooyta ettansho in qalpeeffade.

Petroosi a paayyota 1:5

Ishina'ew, dinase kuyyaata piraampirati akkaado'e, amanteeta qudanne hupna Waaqatin tooytaamten.

Mataafa Saamu'eeli a paayyota 2:9

Isha anta orra ishi amanammooti tooytini ukkuttowwa xoori tukkanta kara'e tawan. Nama hupnaadin putayma teyni in cooy.