Mataafa Dehaamta 8:7 - Mataafa Qulqulloota

⁷ Nama wa itturopa kodda qoota in upnin malla, wa itturopa kodda ayno ishi' lela ettansha?

Mataafa Dehaamta 8:7 ပူးပေါင်းရင်းမြစ်များ

Mataafa Asteeri 5:12

Ka kideewwe, “Ata maanan sede patta? Ha Asteeri ana patta nuqusa olli damta' haleete ka parri kuli nuqusa olli ana haleetew.

Mataafa Pahana 24:22

Ishootta lamatti pateetta qeedan; pateettose nefo maana akka koddito ayno upa?

Mataafa Pahana 27:1

Wa kuyyaata ishin piirta a uptooy, wa parri koddaatin isi in jeejjan.

Mataafa Pahana 29:1

Nama a lekatin dapaadi qara fukkame ka tiitaawa tiite, a isqara in upnin mali qepa, umma dina in qapo.

Mataafa Dehaamta 10:14

Eepa haasa koopinni; wa itturopa kodda nama upo takka nefo in co; wa nama to'e kammandela koddina, ayno ishi' lela ettansha?

Mataafa Dehaamta 3:22

Semmalla, kodaadin xasootta maliiyyi wa nama wayya akkima in kinnin in akke; maana malla, ini qoyrittaadi a isha qa'ey; akka wa isha kammandela koddina akko'e, ayno ela isha oorissa ettansha?

Mataafa Dehaamta 6:12

Kallaataadi oppaayye, parrasene shakka paata patta kodde a kaattillayta mina tarpina oppaayye, wa nama wayya ayno upa? Oto isha' to'o kammaayye, wa piita qaraayye isha kammandela koddina ayno ishi' lela ettansha?

Mataafa Dehaamta 7:14

Nama qoota mattaaditi desa wa itturopa kodda upnaatta ettaninni in cooy, semmalla atti eta paxaaraatiiyyi xasoodo; eta a neeqatiiyyi xoori, oppa dikado. Waaqa akkima sede ka a pila kuli uume upnaado.

Mataafa Dehaamta 9:1

Semmalla sede piisa oppan dikade ka kide, “Hanqeellaya ka ookka orra isho wa ishootta' koonaane' piisa harka Waaqa oppaaw caan; ma xoori a punu jaalala taaki needduma koddito, nama wa isha asanna upo takka nefo in co.

Mataafa Dehaamta 9:12

Semaliiyyiiw nama eta a xaamane oppa maana akkima isha qara' kayna upo in co; oto kuyyaataadi a neeqa' kaytooyye, murkuja akkima nyupuraappa' qapammo, xampirteeta ka ereera qara' qapammitto mina'e, a isqara in upnin mali, asseew eta neeqa orra qara' kayni, ikka oppa' qapammi.

Maatiyoosi 24:44

Semmalla ishina nefo, inna a nama saateta a ishina a dikanni a kinnini oppa'e de'aneey, harmisada ka kallaada.”

Maatiyoosi 24:50

poqalla orxaytoseti kuyyaata a isha isi qara in upnin ka saateta a matte in qapnini oppa'e kala.