Mataafa Dehaamta 8:1 - Mataafa Qulqulloota

¹ Ooka nama a we kara qora ettaninno, ayno isha mina' ca? Ookuma fuula nama'e la'anni ka fuulaadi a poornaade kuli purinni.

Mataafa Dehaamta 8:1 ပူးပေါင်းရင်းမြစ်များ

Mataafa Uumata 40:8

Ishootta ka ishi' kidene, “Olsan olsoonne ka nama ino' furo dapne.” Yoosefi ka ishootta' kide, “Nama a Waaqa olsa fureeta ishi' daashe fura ettaninniiy, me olsaassin ana' torra.”

Mataafa Iyyoopi 33:23

Erkampattowwasene a Waaqa, otantoppa qa'anna ka saanta fayya nama akkinna kumaddaappaayye, oton itakka namaseti teyatteeyye

Mataafa Sooketa 34:35

Samayta Isira'eeli ka akka fuulaadi la'ayno akkini; haka Yaahiwwe olli haasawatta kullino kara'e Muuse ka fuulandekaan fuulaadi qara dekanni.

Mataafa Pahana 1:6

Sede nefo akka pahanadda isho furaasso upnaadan ka leladda a ookka isho haasaasso a juutame kara akkan malla.

Mataafa Pahana 12:8

Nama ookumaaddinni kalataysammi; a karitta quumade qapa' xoori ipuyatammi.

Mataafa Pahana 17:24

Nama paata qapanno, ookuma fuula tura' qapanni; ilda eepa' xoori wa piita qarandesa ca' piisa kamma pora tittitaawni.

Mataafa Pahana 21:29

Ukkuttoota nama maxanyumaanne tupadesa haasawanni; nama a taanteta' xoori qalpeetaadi qanqanissa dikanni.

Mataafa Pahana 24:5

Ooka nama kokkonnuma kutta'e qapa; a upna qapo ka hupna padaawanni.

Xuuma Taani'eeli 2:22

Ha isha wa juutame ka akkaanni in kinnini kuli akkini. Qoota la'ayta isha kapa co malla, wa tukkanta kara' dekade' piisa upa.

Xuuma Taani'eeli 2:47

Ka ishi' kide “Waaqaayshin keeton Waaqa waaqadda ka nuqusa nuqussa ka wa juutame' piisa akkinni; atti' nefo semalla wossen juutame akkeeta ettanisse.”

Maatiyoosi 17:2

Pissaadi ka ishootta tura pursame; fuulaadi ka akka piirtota mina la'aye, mehaddaadi a kalsade ka attaaden ka a la'ayta mina la'ayni.

Kodampaya 4:13

Orra firtishoonkota ete akkima Peetiroosi isho Yohaannisi maxanyumaan haasawaden akkeneeyye, akka orra an tamaarrin ka xaaysho qara' co kodden, qoota upnaaden malla, oppa'e qawwaawen. Ka akkima turan Yesuusi olli caan upnaaden.

Kodampaya 4:29

Amma nefo poqallaay, atti nyaraasso' tooye ka akka orxayaatti fuura mali qaaletaayyti maxanyumaan torraanne' kode.

Kodampaya 6:15

Sitiiyyi orra a firtishoonkotoppa co piisa, ete Istifaanosi quda ilda koden ka tooynaaneeyye, fuulaadi fuula erkampattoota Waaqa'e ishootta' pahanaade.

Roomi 13:5

Semmalla ukkumampaya a mankisteetati ajajama ishin faani. Wa malla ajajamtane' nefo qoota miira Waaqa' fuurrittan patta mallanne ma, qoota karittaayshin ishin qootinno kuli malla kodda parpaaccisni.

Efesooni 6:19

Oton juuttotase a otoota fayya' fuura mali la'assa' haasawannooyye, akka qaaleta parpaaccisnito ana' daasamto'e, ana kuli' qinsada.

Mataafa oppa' Ooreta 28:50

Ishootta nefo karpampaya koddan; umma a shakka ka a qimen kidan ka in suraysadan.

Timotoosi a lammatta 4:17

Ma xoori, erkanoosen piisa akka ana qudan lelaman orra a Yihutaata in koddinin piisa ka dakayo'e; Poqalla ana olli caade ka ana kokkonnayshe. Anka afaa karma' kela pahe.

Petiroosi a lammatta 1:20

We piisa turanne wa upnaatta ishin parpaaccisnitta, xuuma a mataafa Qulqulloota oppa co piisa nama takka nefo akka dikatta mattaadi qaropa tiitassa. Ettaninni in kinnin.