Mataafa Dehaamta 7:26 - Mataafa Qulqulloota

²⁶ Anka iskatteeta takka akkeew; a satataadi turuura koddite, harkaadi ka sansalaata loqqa' kodden. A laaqqitoota koddite ka neequma'e, toota qaropa qapto. Nama Waaqa fuurro, i'isheetta kela paha. Ma juppolayta xoori turuuraadi oppa'e qapammi.

Mataafa Dehaamta 7:26 ပူးပေါင်းရင်းမြစ်များ

Mataafa Uumata 19:35

Ka oori awsetiiyyi taadese a wayneeta aappaaysho ikisheneew. Ka ete maashshoodeeyye, enenta a shakka ka isha olli mukteew. Isha' qoota akata maashshoode malla, a enentaadi isha olli mukte ka kapa xaate kara'e, issi in upnaanne.

Mataafa Uumata 39:9

Poqallaayyo nefo wa tikoose kara ca akkan muksho'e hupna ukkumeeta ana' daashe umma wa upa in caan. Isha wa harkiyyo oppa' daasha diishe takkan nefo in caan ma, qoota iskatteetaadi koddite malla, ke patta ana in daannin. Anti xawwi, attan juppoota asse pahato koda ka Waaqa nyarrahasiisa?”

Mataafa Sooketa 10:7

Saarra Feri'ooni ka Feri'ooni kidene, “Hela akka piitoose xanno a Kipsi pannitto ke akkaanni in kitto? Haka aytamiti namoose ino tura turuura kodda? Samayse diishe ikka sooko; ka Yaahiwwe Waaqaaysho waaqaysado.

Mataafa Pahana 2:16

Ookuma almalitteeta kela ken paha ka dahalmayteeta a afaa nukkullaatin orra sassapannitto kela ken paha.

Mataafa Pahana 22:14

Afaa almalitteeta qaawa karanxata seka mina, a Waaqa isha qara' miiroode ka karopa pi'a.

Mataafa Pahana 6:23

Ajajaddoosen ipsaay, kollissoose kan la'aytaay, dapa qara fukkeeta kan saanta kallaata'ey.

Mataafa Pahana 6:24

Almalitteeta kela ken pahan ka sharmuuta a afaa nukkullaatin orra sassapannitto kela ken pahan.

Mataafa Pahana 9:18

ishootta' xoori akka kaarayyadda eeyye caan, orra a damta' halaatte ka xati hawlalla kara caan in upan.

Mataafa Dehaamta 2:26

Waaqa nama isha xasanno'e, ookuma ka upna ka xasootta daanni; juppolayta turaayye xoori, teyanta a olopa tuulade qeenni ka nama isha xasanno' daanni; sede nefo kan paata patta ka xayxayta diippeeta mina.

Mataafa Dehaamta 7:27

Ooka ikiini, “Qoota piraampira a we' piisati desa, waan olkamma' oorshe ka fade sede.”