Mataafa Dehaamta 7:20 - Mataafa Qulqulloota

²⁰ Ha hanqeellayta nama, a wa paxaara pattaaw koono ka juppoota kooni in kinnin, piita qaraayye in co.

Mataafa Dehaamta 7:20 ပူးပေါင်းရင်းမြစ်များ

Mataafa a Nuqussa a paayyota 8:46

Nama ishindapni in kinnin in cooy, oto ke ishin dapaneyye, atti ka ishootta qara miirootto ka nyaaappaaysho turopa ishootta tuukkitooyye, pora deha taaki a seka kodditooyye, nyaapaaysho ka piitaadippopa ishootta poojooyye,

Mataafa Otoowwa a lammatta 6:36

Nama ishin dapa diinno in cooy, oto ishin ke dapaneeyye akka miirotto ka nyaapa pora seka taaki a deha a ishootta poojo turopa ishootta tuuknittooyye,

Mataafa Iyyoopi 33:12

Semmalla anti in ke' kiini, “Iyyoopi asse haasawattaaytin dukaata qara a' kitto ha Waaqa nama qara iqapa.

Mataafa Masmuureta 130:3

Oo Waaqqo, kadin juppoota' dikni kiite, Oo Poqallaayyo, ayno qa'atta ettansha?

Mataafa Masmuureta 14:1

Eeppa iskaranxata dikanni ka kiini, “Waaqa in co.” Ishootta inyapalen, ka nyala heente koden; umma a paxaarumta koono in co.

Mataafa Masmuureta 14:3

Piisani kamma dapen; ka takka' nyalen; umma a paxaarumta koono takka nefo in co.

Mataafa Masmuureta 143:2

Fuulaayti tura nama takka nefo hanqeellaytanneey, ana orxaytaayti firteeta turopa in dehayshan.

Mataafa Pahana 20:9

Hela a kido'e, “Karittiyyo in qulqullaysade, umma dapa an qapo, umma juppoota nefo ana qara in kitto.” ayno?

Xuuma Issayyaasi 53:6

Ha ino piisantiiyyin a kahirra' mina'en rarraataawne patpanne, ka piisani takka takkaayye pelpellaawne; Waaqa ka ishin dapayta a ino piisa isha qara' xaaye.

Xuuma Issayyaasi 64:6

Ino' piisantiiyyin nyalle, kodinno a hanqeelluma kan soddinka uta; anka piisani a haashsha' mina oline, neequmtinno ka a puppeeta mina ino haate.

Mataafa orra Lewi 13:39

qeesitta a tooyyo; oton shaarotase awliiyyi, kaypaata a we in koonini dakintaadi quda de'ey, namoose nyala in qapo.

Roomi 3:23

Orra piisa juppoota kode ka ulfeena a Waaqa ishootta' daashe dape.

Yayqoopi 3:2

Ino' piisantiiyyin a lekatin ishin dapninna; nama haasaadippa ishin dapni in kinnin, isha nama qajan qapnin a dakintaadi tooytaatta ettaninno.

Mataafa Saamu'eeli a paayyota 20:34

Ka a kuttati miiroode ka alle damta qara xa'e ka qoota aappaaysho Taawwiti jeershe malla, a kuttati nyarrahe. Ka leyoose oppa kuyaase a lammattatiiyyi damta takka nefo in dammin.