Mataafa Dehaamta 7:2 - Mataafa Qulqulloota

² Tika sankulta opa anta kapaayye, tika pooyta opa anta wayyi; toota nama piisa kapa kittaay, nama tarra qara co a sede matte qapnaado.

Mataafa Dehaamta 7:2 ပူးပေါင်းရင်းမြစ်များ

Mataafa Masmuureta 90:12

Akkiman ookuma qapnaanno'e, parraanno akkima tura shakki ino kollishe.

Mataafa Dehaamta 2:14

Ooka nama dikatta a itturopa co i'akkini; eepa nama' xoori, tukkantoppa pora anni. Piraampiraaysho' xoori, akkima takka kodde in akke.

Mataafa Dehaamta 2:16

Ooka nama, a eepa' mina'ew teymama; parra itturopa deena oppaayye, ishootta' piisani teymaman ooka nama a eepa' mina'ew to'a.

Mataafa Dehaamta 3:19

Wa nama qara' kayna isho wa pinanta qara' kayna takkaneew; akkima takka toono takka asseew tooni ka piisani nessa takkaaw qapan, umma nama pinanta qara in qapo; we' piisa paata patta.

Mataafa Dehaamta 3:20

Ishootta piisani pora takka opaaw anni; ishootta' piisa piitoppaaw de'en ka piitoppopaaw oorri.

Mataafa Dehaamta 6:6

namoose kadi punu lakkin olqaraxata para kuma kuma kallaadaayye ka teyantaadin xasoonni in kinniniiyi, ishootta lakkantiiyyi pora takka opaaw anni in caane?

Mataafa Dehaamta 9:2

Hanqeellaya ka juppoolaya, orra wa paxaara' koono ka a neeqa' koono, orra qulqullaawe ka a nyale, orra kalisoota kalinno ka a kalinni in kinnini piisa piraampira qaraayye farootaaysho a ishootta qayto takkaaw; akkima nama paxaarumta koono' koddinitto mina'ew a neequmta koono' koddini ka akkima a maxanyumaan xaxannaati' koddinitto mina'ew a xaxa fuurraati' koddini.

Mataafa Dehaamta 9:3

Sede neequmtase nama piita qara kalo piisa qara' kaynitto; piraampira nama piisa takkaawweey; semaliiyyiiw, karitta nama neequmtanne immakaade; a tarra qara caan piisaayye, karittaaysho kara taarota ca ka piraampira qaraayye tooni.

Mataafa Dehaamta 9:5

Orra co akkima le'o i'upa; orra le'e xoori, we takkan nefo in upo; wa qaran ishootta matte oorsannaane iteymammi umma tookta in qapan.

Xuuma Issayyaasi 47:7

Ka kiite, ‘Anti haka paraparatin poqolteeta kodda,’ Umma wossen a' koonitta matte a' qapnaanne, umma wa a kamma de'a a upnaanne.

Xuuma Ermiyaasi 16:8

Umma ishoottoppa kutiitta ka olli dameeta ka ikkeetae tika a kara sankulta co opa in kullan.”

Xuuma Hake 1:5

Semalla Waaqase we piisa ettaninno ikiini “Intoonno kallaata atta akka ishin qara kokkonnaatte tooyya!”

Xuuma Milkiyaasi 2:2

Ishina oto ana'e a dakayni a kinnin ka karittaayshin kareela maxxiyyo ulfeessa alle' diissaneeyye, anti ishinan jiija ka sakaayshin jiijaapa pursha. Amma nefo ana ulfeessa'e karittaayshin a' harmisanneey, sede piisan ishin qara' qeeda.

Mataafa Dikoota 23:10

Ata sanynyeetase a Yayqoopi a hinkaajjeta mina leka, ayno ka dika ka ettansha? Ka Isira'eeli qudaayye harka afurippa takka nefo dika ettansha? Ana toota hanqqeelita to'o, piraampiriyyo ka xaadi pahanaado.

Maatiyoosi 5:4

Qoota Waaqa ishootta xasa oorsho malla, a nyarrahana, i'eppisamen!

Mataafa oppa' Ooreta 32:29

Kadin ookka kiiteeyye, sede ishootta kalli heente; ikka piraampiraaysho akkini heenen!

Mataafa oppa' Ooreta 32:46

i'ishootta kide, “Qaalewwa a seeroseti piisa akka kodane'e akka hellaassina ajajtane'e amman ishina lelliiy, sede piisa karittaayshin kara qapada.

Filippisiyuusi 3:19

Karittaaysho Waaqaaysho, wa orra jeerinna xaaysho ishootta' ulfeena; dikattaaysho wa piita' qaropa oore; semmalla piraampiraaysho' pateetta.

ipro 9:27

Nama takkanne toota' kitame, toota kammaayye, firteeta ka isha qara kitta.