Mataafa Dehaamta 7:17 - Mataafa Qulqulloota

¹⁷ Maana'e akata ukkuttoota nama' koddita taaki eepa nama' koddita ka xooraatti mali toota?

Mataafa Dehaamta 7:17 ပူးပေါင်းရင်းမြစ်များ

Mataafa Saamu'eeli a lammatta 6:20

Taawwiti ka toolaadi saka'e, tikopa kale. enenta Saa'ooli Melkooli ka isha mina mina'anayta ante ka ishi kiite, “Oo awwe nuqusa Isira'eeli atta issi ulfeesse! Ka akkima almaleeta iskammeela uwwa qaqqapnitto mina'e ka tuparra saarraadi kela shettewwa kodde turandesa iskammeela uwwa qaqqape!”

Mataafa Iyyoopi 22:16

Ha ishootta a etaasso in kaynin turanne tawen malxa ka kultan ishootta shukke.

Mataafa Masmuureta 55:23

Oo Waaqqo, atti' xoori qaawa pateeta karopa ukkuttowwa tuqta; orra a orra lenno isho sassapampaya parraasso quda paka nefo in kallaadan. Anti' xoori ke qara'en isi xaayada.

Mataafa Pahana 10:27

Waaqa fuureta, parra nama'e deranni; parra ukkuttowwa' xoori, ikumma'anni.

Xuuma Hisqeeli 16:20

Ka hellaasene a diira isho a tuparra a ana' xaayte qeetteew ka akka damane pahanaddaseneti kalisoota' qalte; hela sharmuutumase' xaayti ke' qajeewwe?

Xuuma Hisqeeli 8:17

Ka sekkammaayye ana' kideewwe, “Atti to'ampayta namatiiyyi, sede i'akkite? Samayta Yihuta nyala poroose oppa' koona wa shakka'e? Ma a sede qaran qapto'e karpaanne piita immaken ka qara'ew ana miirayshen. Tin ishootta qinda ishootta ettannitto piisanne ana onni.

Kodampaya 12:23

Herodisi qoota Waaqan ulfeessinin malla, erkampattoota Poqalla eennow isha da'isse. Punaata ka isha damen ikka to'e.

Kodampaya 16:28

Pawloosi xoori nessa kuttanne kide, “Piisan in are kinnaay, isi qara wa neeqa in kodan.”

Kodampaya 5:10

Isheetta ka a isiqara in upnin mali loqqaadi kela' pi'ite ka toote. Xayyoolaytase ka ete kullinooyye, isheetta a toote akke ka qeede ka diirtase' xaadi kapa'ew isheetta hawle.

Kodampaya 5:5

Hanaaniya ete nessoose dakayeeyye, ipi'e ka to'e. Orra sede dakaye piisa ka harmo' fuure.

Yayqoopi 1:21

Semmalla nyela isho neequmta piisa alle' pashsha. Ka qaalese a Waaqa karittaayshin kara' dishe, isase ishin dinissa ettanisso naalumaan teyyada.

Mataafa Saamu'eeli a paayyota 25:38

Kuyyaata kudani kamma Waaqa qoota Naapaali qara erkannaata qeede malla ito'e.