Mataafa Dehaamta 6:2 - Mataafa Qulqulloota

² Waaqa, teyanta ka taajuruma isho ulfeena nama' daanni; nama ka wa karittaadi xajeella' dapni in kinnin; ma xoori, Waaqa akkima nama teyantaadin xasoodo eta ishi' daanni in co; haptitta ka ishin xasooni. Sede nefo paata patta ka wa akata neeqa.

Mataafa Dehaamta 6:2 ပူးပေါင်းရင်းမြစ်များ

Mataafa a Nuqussa a paayyota 3:13

Ka teyanta isho ulfeena a atti a qinsannin kuli ke daasha. Umma haka kittooyye nuqussa piita oppaayye, a ke kayo in caado.

Mataafa Otoowwa a paayyota 29:25

Waaqa ka Isira'eeleta piisa tura'e, Selemooni kuttishe ka ulfeena apari nuqussa isha turan kallaadeti in daannin kuli ishi daashe.

Mataafa Otoowwa a paayyota 29:28

Ka parra lekaya kallaade ka teyanta ka ulfeena pake ka to'e. Innaadi Selemooni ka pakkaadippa nuqusume.

Mataafa Otoowwa a lammatta 1:11

Waaqa ka Selemooni' kide, “Qoota teyanta ka qapna ka ulfeena isho akka nyaapaayti piramo taaki akka para a dera kallaatto issi'i a' qinsannin malla ka samayse xayyo an qara ke nuqusumshe mukissa'e ookuma isho upna qinsatte ka turanneew sede karittoppa qapto malla,

Mataafa Masmuureta 17:14

Oo Waaqqo! orrose kelaayye harkaaytin anan pahe ka orrase a qoottotaaysho kallaase a piita qara patta koddite kelaayye ana dinshe; teyantase' xaayti dekatte oppaayye, karittaaysho duttanisse; ikka hellaasso nefo kela haste; ka teyantaaysho a ishootta kela haste kuli arepeela hellaassoti kuulli.

Mataafa Masmuureta 39:6

Dukaatan nama piisa, akkima kaatta atoota' mina'e pora anni; ka patta yaalli ka teyantaaw ollopa tuulanni; umma ayno akkima ollopa oorsado in upo.

Mataafa Masmuureta 73:7

Kappuma qaran xaate'e, ildaasso ifukamen, karittaaysho, dikatta neeqanne immakaade.

Mataafa Dehaamta 4:4

Anka akkima yaala nama ka tooktaadi piisa, xelittaadi yo'eta qudaayyeew deenitto akkeew; sede kuli kan paata patta ka xayxayta diippeta mina.

Mataafa Dehaamta 4:8

nama takka a xawwaati kallaanno ca; umma inna a xaaye taaki a ollin daladene in qapo; yaalaadi pirammi in co; teyantaadini, qoota “I'ana kayta” kida in upnin malla, i'issi' kide, “Ata ayno mallan pora yaalli ka maana malla xasootta isqara dawrini?” Sede nefo paata pattaaw ka yaala neeqa.

Mataafa Dehaamta 5:13

Piisse qaraayye, wa neeqa ka nama nyarrahasiisana'en akkeew; sede nefo teyanta ollopa tuulamte ka aappa isheetta qapo'e rakkoota koddite.

Mataafa Dehaamta 5:16

Sede nefo wa akata neeqa; nama akkima dalade mina'e asseew tooni ka patta' yaalli diisheey, tooktaadi maana?

Mataafa Dehaamta 5:18

Semmalla nama, parrasene shakka, a Waaqa piita qara ishi' daashe kara'e, kati damma ka ikkina ka wa kamma yaaleetin xasoonna akkima paxaari ka ishi wayyitto in upnaade; sede qoyrittaadi a isha qa'ey.

Mataafa Dehaamta 5:19

Semaliiyyiiw, Waaqa oto teyanta ka hapteeta nama' daannooyye ka akka ishin xasoodo' koonooyye ka akkima nama wa isha qa'e akkado ka yaalaadin xasoodo' koonooyye, sede daassata Waaqa.

Xuuma Issayyaasi 55:2

Kaata maana malla wa laaqqota in koddinini' kela' kaaja pirannittan? Ka wa ishina in duttaninnini' kela yaallittan? Qanqannissa anopa dakkaysada ka a paxaara' dama, ka damta a paxaaratin isi xasaysha.

Pooyta Ermiyaasi 5:2

Koddayyaatinno a orra hapta'e koddite; tikkaanno a kalayta'e kodden.

Xuuma Taani'eeli 5:18

Nuquso! Waaqase kutta aappaayshin Naapukedenasoori nuqusumeeta ka kuttumta ka ulfeena isho dakaatta daashe.

Hoose'i 7:9

Orra hapta'e hupnaaysho' dame, umma ishootta in upnaanne, i'arreeden ma akka arreeta dehshen matte in qapan.

Mataafa oppa' Ooreta 28:33

Wa duloppa palaysannitta ka a kamma yaallitta piisa, mankisteeta a atti a upnini dama; atti ka haka kittooyye miidama ka karpama tupa tawta.

Mataafa oppa' Ooreta 28:43

Kalaytitta a piitaaytippa kalo opeela kuttattaanne aana; atti ka opaxata shakkattaan anta.

Mataafa Taanynyada 18:10

Oto eeyye kaytaneeyye, orra qaapa mali kallaanno, a piitaaysho paldi Waaqa piita a oppa we takkan nefo ishina in qajnin harkaayshin oppa daashe.”