Mataafa Dehaamta 5:18 - Mataafa Qulqulloota

¹⁸ Semmalla nama, parrasene shakka, a Waaqa piita qara ishi' daashe kara'e, kati damma ka ikkina ka wa kamma yaaleetin xasoonna akkima paxaari ka ishi wayyitto in upnaade; sede qoyrittaadi a isha qa'ey.

Mataafa Dehaamta 5:18 ပူးပေါင်းရင်းမြစ်များ

Mataafa Masmuureta 42:8

Waaqa jaalalaadi a pirama in qapnini'i erkini kuyyaateeyye erkini anka halkeetteeyye masmuureta kalata ishi' dawni. Ka Waaqose a caattiyyo' qinsanni.

Mataafa Dehaamta 11:9

Atti xayyoolayto! A' xayyopa kittooyye xasoodo, parraatti a xayya oppa karittaayti piisan xasoodo ka wa iltaayti akkite, karittaayti ka xajeele' piisa kode; ma xoori, qootose' piisa malla, Waaqa akkima firteeta turopa ke dehaysho upnaado.

Mataafa Dehaamta 2:10

Wa iltaayo xajeelte takkan nefo an dapne umma sataatiyyo kodaayo piisanne xasootte diisheey, xasoppaayye wa dapte in caan. Tookta an yaaliyyo kela qeede kan sede.

Mataafa Dehaamta 2:24

Nama'e, yaalaadi kamma dameeta ka ikkeeta ka ishin xasootta qaropa wa ishi wayya in caan sede nefo, akka harka Waaqa oppaaw deenitto in akke.

Mataafa Dehaamta 2:3

Dikattiyyo karaayye, qootan saanta ookumatin anta faano malla, eepumannen ela xa'e ka taadeta wayneetatin issi xasassa ekkayshe; ka dikade ka kide, “Parrasene shakka a nama piita qara qapa kara'e, wa aaka a nama piita qara kodeeta ettansha sede patta.”

Mataafa Dehaamta 3:22

Semmalla, kodaadin xasootta maliiyyi wa nama wayya akkima in kinnin in akke; maana malla, ini qoyrittaadi a isha qa'ey; akka wa isha kammandela koddina akko'e, ayno ela isha oorissa ettansha?

Mataafa Dehaamta 6:2

Waaqa, teyanta ka taajuruma isho ulfeena nama' daanni; nama ka wa karittaadi xajeella' dapni in kinnin; ma xoori, Waaqa akkima nama teyantaadin xasoodo eta ishi' daanni in co; haptitta ka ishin xasooni. Sede nefo paata patta ka wa akata neeqa.

Mataafa Dehaamta 8:15

Semmalla piita qaraayye nama'e, dameeta ka ikkeeta ka xasootta kulipaata a ishi' wayyitto qoota in kinnin malla, anti in kiini, “Caattoppa xasootta ipaxaari.” Nama, parra a Waaqa piita qaraayye ishi' daashe' piisa oppa'e kodaadin xasootta i'ettansha.

Mataafa Dehaamta 9:7

Waaqa kodaayti a' xatta kooten ixasoodeey, aane ka damtaayti xasan dame ka taadetaayti a wayneeta karitta a fayyaatin ike.

Xuuma Ermiyaasi 52:34

Nuqusa ka haka toono kara'e qallapa isha parpaaccisno kuyyaata mina ishi daanni.

Qorontoosi a paayyota 16:16

Orra asse pappaho isho a ishootta olli yaallaati'i akka afaa dakaytane'en a kuttati ishin dehaammi.

Mataafa oppa' Ooreta 12:18

Ma xoori ke isho hellaatti a diira ka a tuparra ka orxayaatti a diira ka a tuparra ka Lawaata a katamaatti oppa kalto ollin, pora a Yaahiwwe Waaqaayti reexanno oppa'e, fuula a Yaahiwwe Waaqaayti tura damtan; ka wa kodattene piisan xasoottan.

Mataafa oppa' Ooreta 12:7

Ishin isho toollaassin ka eeyye'e fuula a Yaahiwwe Waaqaayshina tura damtan ka wa kodattene, Yaahiwwe Waaqaayshin ka oppa ishina sakeetin xasoottan.

Mataafa oppa' Ooreta 26:11

Ke isho toolaayti ka waasene paxaara a Yaahiwwe Waaqaayshin ishina kode piisan xasoottan; Lawaata isho kalayta a ishin oppa kalo kuli ka ishin olliiw xasooda.

Timotoosi a paayyota 6:17

Teyantoolaya a piisseti, akka issi in peepnin, taaki kippeetaaysho teyaanta paatapatta qara in xaayannini'i; ishootta ajaje ka akka kippeetaysho Waaqase akkaan xasoonno'e we piisa koopinno ka ino' daanno qara' xaayadane'e ishootta ajaje.