Mataafa Dehaamta 5:11 - Mataafa Qulqulloota

¹¹ Oton teyanta koopniiyyi, a damma asseew kapa' koopni; aappa teyantoseti ildaanne tooya diisheey, maana isha qara nakassa.

Mataafa Dehaamta 5:11 ပူးပေါင်းရင်းမြစ်များ

Mataafa Uumata 12:16

Fere'ooni ka Soora malla kide ka kaharra ka lo'alla ka harrewwa ka kaalla ka orxaya a hamiyya ka a iskatta kuli Apraami xasassa' daashe.

Mataafa Uumata 13:2

Apraami ka horeetaadi ka pirrewwa ka Warqewwaan akata teyantoode.

Mataafa Pahana 23:5

Oton teyanta qara'e ilddaatti xaayatteeyye, irra qara patta, ka akka seyya mina xoolla kodatta ka moontan xa'atta.

Mataafa Dehaamta 11:9

Atti xayyoolayto! A' xayyopa kittooyye xasoodo, parraatti a xayya oppa karittaayti piisan xasoodo ka wa iltaayti akkite, karittaayti ka xajeele' piisa kode; ma xoori, qootose' piisa malla, Waaqa akkima firteeta turopa ke dehaysho upnaado.

Mataafa Dehaamta 2:9

Orra ana turan Yursaalami kara' kallaade qaran qapto'e anka a kuttati' jaale umma ookumaayo ana qara in tawne.

Mataafa Dehaamta 5:12

Kodampayta, kadi punu a kutta taaki a shakka damaayye, mukitta paxaara teyni; teyantoolayta xoori, teyantaadi a kutta mukitta isha qara dawrini.

Mataafa Dehaamta 6:9

Xajeeltan nessuma dapeeta kapaayye, waan qapa i'ana kayan kideeta wayyi; sede nefo paata patta ka xayxayta diippeeta mina.

Xuuma Ermiyaasi 17:11

Nama saanta a neeqatin teyanta ollopa pootanno, koskorta hukukka in xaaynini ampannitto mina; teyantose olli qootta a kallaataadi oppaayyeew qara tawta, piraampira qara eepumaadi ka upnaysama.

Xuuma Inpaqoomi 2:13

Waaqase we piisa ettaninno ikiini, “Wa samayta piita' koona' piisan alle apittan pashsha, yaala mankistewwa ka patta' hasa.

Yohaannisi a paayyota 2:16

Wa piitoppa ca piisa, xajeelta a so'a ka wa ildaan tooynaane ka sennaane isho waan koone ka qapna jeejjatta piitoppa deeni diisheey, Waaqa Aappa kapa deeni in caan.