Mataafa Dehaamta 5:10 - Mataafa Qulqulloota

¹⁰ Nama kaaja jaalanno, kaaja pakni in co; nama teyanta jaalanno, tookta a akkanno isha pakinni in kitto; sede nefo paata pattaaw.

Mataafa Dehaamta 5:10 ပူးပေါင်းရင်းမြစ်များ

Mataafa Masmuureta 52:1

Jaalala Waaqa awta piisa akka eeyyew caan a' upto kapaayye, atti irreelayto, maana'e neequmtannew isi jeejjini?

Mataafa Masmuureta 52:7

“Tin eeyye, namase Waaqa qara isi in xaayannin, ka teyantaadi a koopte kippade, ka wa neeqa' kodeeta kamma' kame, eeyye tooya.”

Mataafa Masmuureta 62:10

Wa' sartene qara' xasa in xaayadan; umma wa' hattene in kippadan. Oto teyanta kooptooyye, isheetta qara' xasa in xaayadan.

Mataafa Dehaamta 1:17

Ka ookuma isho upna ka eepuma isho taarota maana akkima kodden upnaatta kamma' xa'e ka ini akkima xayxayta diippeeta koddite upnaade.

Mataafa Dehaamta 1:8

A nama lela ettansho qaropa, we' piisa orraaw kaftinni. Ilta paata akkeeta pakni in kitto, umma napahata paata dakayaan immakaanni in kitto.

Mataafa Dehaamta 2:10

Wa iltaayo xajeelte takkan nefo an dapne umma sataatiyyo kodaayo piisanne xasootte diisheey, xasoppaayye wa dapte in caan. Tookta an yaaliyyo kela qeede kan sede.

Mataafa Dehaamta 2:11

A koddito ma, eten waan harkaayyon kode ka kamma yaale piisa tooyeeyye, we' piisa paata patta, asu xayxayta diippeeta mina; piita qaraayye wa nama' tookta kodda in caan.

Mataafa Dehaamta 2:26

Waaqa nama isha xasanno'e, ookuma ka upna ka xasootta daanni; juppolayta turaayye xoori, teyanta a olopa tuulade qeenni ka nama isha xasanno' daanni; sede nefo kan paata patta ka xayxayta diippeeta mina.

Mataafa Dehaamta 3:19

Wa nama qara' kayna isho wa pinanta qara' kayna takkaneew; akkima takka toono takka asseew tooni ka piisani nessa takkaaw qapan, umma nama pinanta qara in qapo; we' piisa paata patta.

Mataafa Dehaamta 4:16

orra nuqusoose mukinno dikoota in qapo; orra kuli isha kamma xa'e xoori, nuqusoosetinni in xasoonne; sede nefo kan paata patta ka xayxayta diippeeta mina.

Mataafa Dehaamta 4:4

Anka akkima yaala nama ka tooktaadi piisa, xelittaadi yo'eta qudaayyeew deenitto akkeew; sede kuli kan paata patta ka xayxayta diippeta mina.

Mataafa Dehaamta 4:8

nama takka a xawwaati kallaanno ca; umma inna a xaaye taaki a ollin daladene in qapo; yaalaadi pirammi in co; teyantaadini, qoota “I'ana kayta” kida in upnin malla, i'issi' kide, “Ata ayno mallan pora yaalli ka maana malla xasootta isqara dawrini?” Sede nefo paata pattaaw ka yaala neeqa.

Mataafa Dehaamta 5:9

Piitoppaayye oton unta palanta' koopniiyyi, orra piisa hiirsanni, nuqusa kuli ka dullaappaayye unta akkanni.

Mataafa Dehaamta 6:7

Yaala nama piisa koomaraadi mallaaw; umma xajeeltaadin i'ana kayte kida in upo.

Maatiyoosi 6:19

Kamma desaaw Yesuusi ikide “Piisse a are oppaayye itteeta isho jeljeltoota paata nyapalinnitto, keereeta ka tikka poonnitto ka kara hannitto qara'e, teyantaayshin ollopa in tuuladan.

Maatiyoosi 6:24

Kamma desaaw Yesuusi ikide “Nama takka Poqalladda lakki kela orxuma ettaninni in co se kapaayye Poqalla takkane jaalanni ka takkan needdini; taaki takkane ulfeessini ka takkan puyanni diisheey akkimose mina'ew ishina kaaja isho Waaqa kela orxuma a ettanissan.

Luqaasi 12:15

Ka se kammaayye orra piisa kide, “Caatta nama teyantaadi a koopte kapanneey, tooytaada ka qurqummuma kapa sekaada.”

Timotoosi a paayyota 6:10

Sede nefo qoota kaaja jaalatta, paada neequmta piisa' kodde malla; orra demo a kuttati kaaja fade ka saanta amanteeta' qara maqqe ka nyarrahata lekayteetan isi miidde.