Mataafa Dehaamta 3:11 - Mataafa Qulqulloota

¹¹ Waaqa, etaasso oppa'e we' piisa kode ka paxaarnayshe ka akkima haka paraparati kallaatta kitto dikatta nama kara' xaaye; ma xoori, a xattati paayyatte haka piraampiraati wa isha' kode piisa upnaatta ettaninni in caan.

Mataafa Dehaamta 3:11 ပူးပေါင်းရင်းမြစ်များ

Mataafa Uumata 1:31

Waaqa ka wa kode piisa tooye ka akka harmo' paxaari akke. Letta ka dumte ka pariteew, sede nefo kuyyaata a lehatta.

Mataafa Iyyoopi 11:7

Haasa a Waaqa a kara seka kamma teyeeta i'ettanissa? Waaqase we' piisa ettaninno, pora oppa ooro teyeeta i'ettanissa?

Mataafa Iyyoopi 37:23

ino Waaqase we' piisa ettaninno teyeeta an ettaninno. Isha hupnanne ka dukaata mureetanne ikutti ka hanqeelluma alle' pure umma nama miiddini in co.

Mataafa Iyyoopi 5:9

ha isha, daxxowwa a dikoota in qapnini'i kooni ka wa orra qawwanna a kara qorammi in kinnini kooni.

Mataafa Masmuureta 104:24

Oo Waaqqo, kodaayti atta leki, ookumanne' piisa koote, piita ka uumataaytin immakaatte.

Mataafa Pahana 16:4

Waaqa wa malla we' piisa uume'e qapa; ka ukkuttowwa kuli'i, kuyyaata pateettati xoora qape.

Mataafa Dehaamta 1:13

Anka wa piita qarandesa koddina' piisa ookuman kara fadeeta ka oppa qoreeta kamma' xa'e; oo Waaqa haadeta atta ulsa'e orra qara' xayshe!

Mataafa Dehaamta 11:5

Pora a xayxayta oppan anno taaki nama akkima karitta aayyaassoti kara uumammo, akkima a upnin mina'e, Waaqase we piisa kode, atta akkima kodaadi koono, upnaatta a ettanisso.

Mataafa Dehaamta 7:13

Wa Waaqa kode me tooyeey; wa isha quu'e, ayno qimissa ettaninni?

Mataafa Dehaamta 7:23

Anti sede piisan ookuman ekkaysade ka kide, “Ooka kodda'e in piisade” Ma xoori, ookumose ana qaropa caade.

Mataafa Dehaamta 7:29

Sede pattan oppa akke; Waaqa hanqeellaya'e kode ka orra uume ma, ishootta saantada neequmta'e ollopa sukni.

Mataafa Dehaamta 8:17

wa Waaqa kode ikka piita qarandesa koddinaane' piisa akka nama takka nefo upnaatta in ettaninnin in akke; nama kadi punu a kuttati kara fadeeta ekkannaayye, maana akkima koddite upnaatta in ettansho; ooka nama kadi punu kiina, “In upaayye,” kara qoreeta ka desan kaya in ettansho.

Maatiyoosi 11:27

“We piisa Aappinno kapa ana daasame. Waaqa Aappa mali nama inna a Waaqa upnaanno in co, umma inna a Waaqa maliiyyiiw nama Waaqa Aappa upnaanno in co. Taaki nama inna a Waaqa isha tura Aappa akkissa heennaadan mali, nama Waaqa Aappa upnaanno in co.

Maatiyoosi 13:22

Xottasene qeeyya kara seehe'ew, ini namase qaaletose dakayno lelli. Ma xoori, dikatta piisseti isho sassapa teyanta'e, qaaletase a Waaqa qara pirri, ikka dalta dalli in kinnin.

Mariqoosi 7:37

Orra torrosen dakaye piisa ka a kuttati oppa qawwaawe ka kide, “We piisa harmishe ka dakkaya akka dakayan ka orra haasa ettaninni in kinnin nefo akka haasawado kooni.”

Roomi 1:28

Orra qoota Waaqa upnaatta in heennin malla, Waaqa akka manynyeeruma kodane'e, dikatta neeqa' tupa desa ishootta diishe.

Roomi 11:33

Teyanta ka ookuma isho upna Waaqa oo atta kara seki! Firteetaadi kara qorammi in kitto; umma saantaadi upnaatammi in kitto!

Mataafa oppa' Ooreta 32:4

Ha isha shila an kela pahanino, umma kodaadippa qaja in qapo; saantadaadi nefo a qajeele; isha Waaqa a amaname, umma dapa in qapo; isha hanqeelitta ka dukaallayta.