Mataafa Dehaamta 2:3 - Mataafa Qulqulloota

³ Dikattiyyo karaayye, qootan saanta ookumatin anta faano malla, eepumannen ela xa'e ka taadeta wayneetatin issi xasassa ekkayshe; ka dikade ka kide, “Parrasene shakka a nama piita qara qapa kara'e, wa aaka a nama piita qara kodeeta ettansha sede patta.”

Mataafa Dehaamta 2:3 ပူးပေါင်းရင်းမြစ်များ

Mataafa Uumata 47:9

Ikka kide, “Parra an piita qara pora rarraataawaan pire dippa ka kunda sessa kayni. Parrasene a aappadaanno rarraataawaan kallaadene mina kayni in caan ma rakkowwa akata oppa' koope.”

Mataafa Iyyoopi 14:14

Hela nama oto to'ooyye ikalli? Hakan haaraya koddino kara'e, parraayyo a yaala' piisan duupattaan pira.

Mataafa Masmuureta 104:15

Nama ka taadeta wayneeta a isha xasannitto ka sayteeta a fuulaadi jeefinnitto ka unta a maqintaadi kokkonnaannitto karaayye teyni.

Mataafa Pahana 20:1

Taadeta wayneeta seesampayta'e nama kooni, ikkayta kokkokaaw, peeqampayta'e nama kooni. Nama senen kamma dape piisa ookan.

Mataafa Dehaamta 1:17

Ka ookuma isho upna ka eepuma isho taarota maana akkima kodden upnaatta kamma' xa'e ka ini akkima xayxayta diippeeta koddite upnaade.

Mataafa Dehaamta 10:19

Damta ka taadeta wayneeta kelaayye, xasa ka xosalta teyni; ma sede piisa kaaja mali koddini in kitto.

Mataafa Dehaamta 12:13

Amma oori we' piisa lelame, kuutan hidda a haasooseneti' nefo sene; Waaqa fuure ka ajajaadi tooyte; sede koda nama' daasameey.

Mataafa Dehaamta 2:24

Nama'e, yaalaadi kamma dameeta ka ikkeeta ka ishin xasootta qaropa wa ishi wayya in caan sede nefo, akka harka Waaqa oppaaw deenitto in akke.

Mataafa Dehaamta 5:18

Semmalla nama, parrasene shakka, a Waaqa piita qara ishi' daashe kara'e, kati damma ka ikkina ka wa kamma yaaleetin xasoonna akkima paxaari ka ishi wayyitto in upnaade; sede qoyrittaadi a isha qa'ey.

Mataafa Dehaamta 6:12

Kallaataadi oppaayye, parrasene shakka paata patta kodde a kaattillayta mina tarpina oppaayye, wa nama wayya ayno upa? Oto isha' to'o kammaayye, wa piita qaraayye isha kammandela koddina ayno ishi' lela ettansha?

Mataafa Dehaamta 7:18

A we takkan paxaara harkoppa a diinnin mali kadi a pila kuli qapannitta ipaxaari; nama Waaqa fuurro, qinda piisanne ishi' salliiy.

Mataafa Dehaamta 7:25

Ookuma maana akkima kodde ka we' piisa akkima koddinaan upnaatta'e ka fadeeta ka oppa qoreetopan mattiyyo tiitayshe ka neequmta akkima neeqi, eepuma kan taarota upnaattaapa mattiyyo tiitayshe.

Mataafa Dehaamta 8:15

Semmalla piita qaraayye nama'e, dameeta ka ikkeeta ka xasootta kulipaata a ishi' wayyitto qoota in kinnin malla, anti in kiini, “Caattoppa xasootta ipaxaari.” Nama, parra a Waaqa piita qaraayye ishi' daashe' piisa oppa'e kodaadin xasootta i'ettansha.

Maatiyoosi 6:24

Kamma desaaw Yesuusi ikide “Nama takka Poqalladda lakki kela orxuma ettaninni in co se kapaayye Poqalla takkane jaalanni ka takkan needdini; taaki takkane ulfeessini ka takkan puyanni diisheey akkimose mina'ew ishina kaaja isho Waaqa kela orxuma a ettanissan.

Efesooni 5:18

Qoota pateettopa orran annitto malla, taadeta wayneetatin in maashshoodan. Ma sekapaayye Hapura Qulqullootatin immakaada.

Mataafa Taanynyada 9:13

Qoyra a wayneeta xoori i'ishootta kiini, ‘Hela taadetase xayyo a wayneeta a Waaqa isho nama xasannitto dalaan alle diisha ka kapa qora qara nuqusuma aana?’

Mataafa Saamu'eeli a paayyota 25:36

Apikiyya ka Naapaalise sankulta a tika nuqusa pahato koda qaara co kapopa tiitaawte. Isha qoota akata maashshoode ka xasoottoppa co malla, isheetta haka parinito'e, we takkan nefo isha in lelle.