Mataafa Dehaamta 2:10 - Mataafa Qulqulloota

¹⁰ Wa iltaayo xajeelte takkan nefo an dapne umma sataatiyyo kodaayo piisanne xasootte diisheey, xasoppaayye wa dapte in caan. Tookta an yaaliyyo kela qeede kan sede.

Mataafa Dehaamta 2:10 ပူးပေါင်းရင်းမြစ်များ

Mataafa Uumata 3:6

Iskatteetase akkima luukkata qoyroseti damta' paxaari ka ilta kela orra satinnitto ka ookuma akkatta orra xasannitto, akka koddite ete akkiteeyye, luukkatase oppa mittite ka damte ka diirtase' xaadi isheetta olli co kuli' daasse ikka dame.

Mataafa Uumata 6:2

Hellaa Waaqa ka akka tuparrosen papaxxaari akken. Ka ishoottoppa a ishootta' aaka reexaden ka hemen.

Mataafa Iyyoopi 31:1

Akkan xarjaallitteeta enenta opa an tooyyannin ka an xajeellinini'i, ildaayyo ollin kodayteeta kodade.

Mataafa Masmuureta 119:37

Wa paatapatta tooya qara ildaayyo oorshe; ka saantaaytin ammikki an caayshe.

Mataafa Masmuureta 128:2

Atti yaala harkaayti' damta; ka eeppisamta ikka ke ettanta.

Mataafa Pahana 23:5

Oton teyanta qara'e ilddaatti xaayatteeyye, irra qara patta, ka akka seyya mina xoolla kodatta ka moontan xa'atta.

Mataafa Dehaamta 11:9

Atti xayyoolayto! A' xayyopa kittooyye xasoodo, parraatti a xayya oppa karittaayti piisan xasoodo ka wa iltaayti akkite, karittaayti ka xajeele' piisa kode; ma xoori, qootose' piisa malla, Waaqa akkima firteeta turopa ke dehaysho upnaado.

Mataafa Dehaamta 2:1

Iskaranxatan dikade ka issi' kide, “Paxaarumta upnaatta'e intoonno ana isi xasassaan isi ekkaysadooy.” Sede kuli kan paata patta.

Mataafa Dehaamta 2:22

Nama piita qaraayye dikattaadi ka qaapadin wa kamma yaalla piisa kelaayye, maana tookta qeenni?

Mataafa Dehaamta 2:24

Nama'e, yaalaadi kamma dameeta ka ikkeeta ka ishin xasootta qaropa wa ishi wayya in caan sede nefo, akka harka Waaqa oppaaw deenitto in akke.

Mataafa Dehaamta 3:22

Semmalla, kodaadin xasootta maliiyyi wa nama wayya akkima in kinnin in akke; maana malla, ini qoyrittaadi a isha qa'ey; akka wa isha kammandela koddina akko'e, ayno ela isha oorissa ettansha?

Mataafa Dehaamta 5:10

Nama kaaja jaalanno, kaaja pakni in co; nama teyanta jaalanno, tookta a akkanno isha pakinni in kitto; sede nefo paata pattaaw.

Mataafa Dehaamta 5:17

Ka parraadi piisa tukkanta kara damta dammi ka qaapa ka paaqa isho miiran kallaani.

Mataafa Dehaamta 5:18

Semmalla nama, parrasene shakka, a Waaqa piita qara ishi' daashe kara'e, kati damma ka ikkina ka wa kamma yaaleetin xasoonna akkima paxaari ka ishi wayyitto in upnaade; sede qoyrittaadi a isha qa'ey.

Mataafa Dehaamta 6:2

Waaqa, teyanta ka taajuruma isho ulfeena nama' daanni; nama ka wa karittaadi xajeella' dapni in kinnin; ma xoori, Waaqa akkima nama teyantaadin xasoodo eta ishi' daanni in co; haptitta ka ishin xasooni. Sede nefo paata patta ka wa akata neeqa.

Mataafa Dehaamta 6:9

Xajeeltan nessuma dapeeta kapaayye, waan qapa i'ana kayan kideeta wayyi; sede nefo paata patta ka xayxayta diippeeta mina.

Mataafa Dehaamta 8:15

Semmalla piita qaraayye nama'e, dameeta ka ikkeeta ka xasootta kulipaata a ishi' wayyitto qoota in kinnin malla, anti in kiini, “Caattoppa xasootta ipaxaari.” Nama, parra a Waaqa piita qaraayye ishi' daashe' piisa oppa'e kodaadin xasootta i'ettansha.

Mataafa Dehaamta 9:6

Jaalalaasso ka needdumaasso isho yootaaysho a pateneeyye iseki seki; umma wa piita qara' koddina oppaayye lammatta' qoottota in qapan.

Mataafa Dehaamta 9:9

Parroosen are a paata patta, a Waaqa piita qara ke' daashe' piisa oppaayye, iskatteetase' xaayti a' jaalannitto olli xasoodo ka kuyyawwosen are a paata patta' piisa oppaayye ka kallaataayti oppaayye isho yaalase' xaayti a' piita qara yaallitto oppaayye, qoyrittaayti a ke qa'e sedeey.

Yohaannisi a paayyota 2:16

Wa piitoppa ca piisa, xajeelta a so'a ka wa ildaan tooynaane ka sennaane isho waan koone ka qapna jeejjatta piitoppa deeni diisheey, Waaqa Aappa kapa deeni in caan.

Mataafa Taanynyada 14:2

Ka tikopa kale ka aappaaysho isho aayyaassoti kide, “Tuparra Filisteemi oppan enenta takka Tiimina kara akkeey, aana ka ana qinsada anka hemo.”