Mataafa Dehaamta 12:2 - Mataafa Qulqulloota

² A la'ayta piirtota ka a leya isho a hikka in tukkannin turan, roopa kammaayye oraarta ka in tiitaawnin turan, uumampaytaayti dikado!

Mataafa Dehaamta 12:2 ပူးပေါင်းရင်းမြစ်များ

Mataafa Uumata 27:1

Hisaaqi ete kere, ildaadi ka paata akka malaaleneeyye, innaadi Esaawi hale ka kide, “Innaayyo!” Isha ka ehade ka kide, “Ee! aren ca.”

Mataafa Uumata 48:10

Yayqoopi' qoota kere malla ilda qara' lule, ikka paata akkini in kinnin. Semmalla Yoosefi ka hellaadi isha kapopa dehayshe. Ikka ishootta hadduune ka diddinke.

Mataafa Masmuureta 42:7

Nessa pishaatti a fottisamma kela kuuminno, takeela takkaayye desa a pilaati' dakaanni; puppeetaayti isho uruurittaaytin a pakateeta ka ana qara pire.

Mataafa Masmuureta 71:20

Akata ana rakkacciiste ka ana payyahisse; ma xoori piita kela ana pootta; ka amma ana caassaaw.

Mataafa Masmuureta 77:16

Oo Waaqqo, pisha ke akke, pisha ke akke ka tammaqe; pakatewwa ka ke tura xaren.

Mataafa Masmuureta 90:10

Parraanno kunda tappa, oton ikoopene kunda sette; sene nefo yaala isho nyarrahatanne immakaaden; parraanno eennoow pirammi, anka tawninna.

Xuuma Issayyaasi 13:10

Hiikka a moonta quda' isho kitaddaasso in la'ayan; letta nefo oto piirtooyye itukkantaawta; leya umma la'ayta in daasho.

Xuuma Issayyaasi 5:30

Awsetiiyyi nyaapa ka akka pakateeta' mina ishootta qara kuumsha; a piitaayshotin desa tooyno ka tukkanta ka rakkoota akka; oraara ka la'aytaaysho tukkanshan.

Xuuma Iyyu'eeli 3:15

Kuyyaasetiiyyi piirtota ka leya itukkanan; umma hikka in la'ayan.

Maatiyoosi 24:29

Kammadesa Yesuusi ikide, “Kuyyawwosen a rakkoota kammaayye, letta eennow tukkantaawta, leya umma in la'ayo; hikka ka moonte seehan, hupnada a moonta nefo ka yaaqyaaqan.

Mataafa Saamu'eeli a paayyota 3:2

Sitiiyyi Eeli qara ilda lula ipaayyen ikka paata akkini in kinnin ka poraadippa muke.

Mataafa Saamu'eeli a paayyota 4:15

Sitiiyyi Eeli paraadi kunda sakali sette ildaadi nefo iqara lulen, umma paata akkini in co.

Mataafa Saamu'eeli a paayyota 4:18

Ete namase taapota Waaqa maxxa daweeyye, Eeli xarrase a katama kapaayye parjumaadi qara iskammandesa pi'e. Ka qoota nama qime kodde ka ulsi malla xolmaandesa qepe ka to'e. Isha para kunda afuri Isira'eeli qara taanynyume.