Mataafa Dehaamta 11:10 - Mataafa Qulqulloota

¹⁰ Semmalla qaapa alle iskaraayye pashshe ka nyarrahata alle iskapaayye sekayshe; xayyootta ka kokkonnuma wa paata patta'ey.

Mataafa Dehaamta 11:10 ပူးပေါင်းရင်းမြစ်များ

Mataafa Iyyoopi 11:12

Ma xoori, oton eepa ooka koddaayye, awse innayya harretiita kuli nama kodda ka dalada.

Mataafa Iyyoopi 13:26

Maana malla, wa neeqa'e ana qara' taafni ka juppoota an innume kode kapa ana qattaaniiy;

Mataafa Iyyoopi 20:11

Ikka a hupnase' xaadi a xayyatin cooyyeew, xayyoppa' to'a ka mookama.

Mataafa Masmuureta 25:7

Juppowwaayyo an innume kode isho ishin dapaytiyyo ana qara'en dikadan; oo Waaqqo! Akka xoonaatti a koope ka akka diissataayti' mina'e, ana dikado.

Mataafa Masmuureta 39:5

Ha atti parraayyo laabbotanne ekkaysatte; fuulaayti turaayye, parraayyo paata patta; dukaatan caatta nama piisa qayya mina.

Mataafa Masmuureta 39:6

Dukaatan nama piisa, akkima kaatta atoota' mina'e pora anni; ka patta yaalli ka teyantaaw ollopa tuulanni; umma ayno akkima ollopa oorsado in upo.

Mataafa Pahana 22:15

Karitta hellaa kara eepuma ca; shoora a fukama' xoori, alle ishootta kara sekanni.

Mataafa Dehaamta 1:14

Wa piita qarandesa kodame' piisan akke; ikkan paata patta ka xayxayta diippeeta mina.

Mataafa Dehaamta 1:2

Ookase ikiini: paata patta, paata patta, we' piisa paatapatta, paata patta.

Mataafa Dehaamta 12:1

A eta rakkoota in kaynin turan, a parrasene a oppa kuli' kiita'e, “Ana xasanni in caan.” In kaynin turan, etaatti a xayya oppaayye, uumampaytaayti dikado!

Qorontoosi a lammatta 7:1

Semmalla ishina jaalatame moottadaayyooyye! kippeese piisa qoota ino' daasamte malla, wa dakinta isho hapura nyalinna' piisa oppaayye isi qulqullanna ka Waaqa fuureetan qulqullumaanno a qaja in qapniniiti' koona.

Timotoosi a lammatta 2:22

Xajeelta a neeqa a xayya' kapa sekaado. Ka a karitta qulqullaawen Poqalla haleena olli kinnaado ka hanqeelluma ka amanteeta ka jaalala isho nakayta kamma aane.