Mataafa a Nehimya 1:3 - Mataafa Qulqulloota

³ Ishootta ka ana' kidene, “Yihutaata a poojama kela pahate, rakkoota a kutta ka jeeroppa kitta. Kawwattase Yursaalami kapa tiitasse iqitqitte xarradaadi kuli ka apittan kupaden.”

Mataafa a Nehimya 1:3 ပူးပေါင်းရင်းမြစ်များ

Mataafa a Nehimya 2:17

Anka oori ishootta' kide, “Rakkoota an oppa kinno, i'akkinittan. Yursaalami iqitqitte; xarradaadi a oxinta nefo ka apittan kupaden; semmalla amma xaana ka kawwattaadi dawna ka jeera kela pahana.”

Mataafa a Nuqussa a lammatta 25:10

Xelase a oranna a Paapilooni isase saarase a tooytampaya a nuqusa olli co piisa ka kawwatta a Yursaalami quda kitto alle poote.

Mataafa a Nehimya 7:6

Ishootta orra Naapukedenasoori nuqusase a Paapilooni pooje oppa piitadda Paapilooniti xa'en ka Yursaalami isho piita Yihutaatiiyyi katamaddasene xaaysho karopa kalen.

Mataafa a Nehimya 2:13

Anka xarra qinda naaba opa co karan sooke ka porase ela pofa kidammo kapan tarpe ka qinda tupattatin pora oppopa miissa tuqnaan opa aane. Ka kawwattase a katama a qitqitte ka xarradasene apittan kukkupade piisa lettishe.

Mataafa a Nehimya 2:3

Ka ishi' kide, “Nuquso, para kuma nuqusume! Katama a aappadaanno oppa hawlamene ete asse eeyye' qitqiten, xarradaadi ka apittan kukkupadeneeyye, fuulyyo atta in poornaannin?”

Mataafa Isira 5:8

Piita Yihuta opan anne ka tikase a qulqulloota a Waaqase kuttati akka daka ka qora xefameetin qupammitto akkinne. Kodaadi nefo qanqannissa jarjartan kodammi.

Pooyta Ermiyaasi 5:1

Oo Waaqa! Wa ino qara' kaye matte oorsado; ka jeerinno tooye ka ino akke.

Pooyta Ermiyaasi 3:61

Oo Waaqa! Otittaaysho ka sullaataaysho piisa iddakayte.

Pooyta Ermiyaasi 1:7

Yursaalami etaadda a oppaayye rakkatte ka pora paqte oppaayye, teyanta a xatta turan qapto matte oorsanni. Ete orraadi harka nyaapa oppa' pi'eyye xoori, a isheetta qaarqaare takka nefo in co. Nyaapaadi ka isheetta tooye ka akka qitqitte akke ka qara xosale.

Xuuma Ermiyaasi 52:14

Xelase a oranna a Paapilooni isasene ajajampaytase a tooytampaya nuqusa ishootta qara saarummo ka kawwattase Yursaalami quda kitto piisa alle' poote.

Xuuma Ermiyaasi 42:18

Waaqase we piisa ettaninno Waaqase a Isira'eeli asse kiini, “Akka miiriyyo isho aariyyo samayta a Yursaalami kara kalo qara' tuqmade mina'e, awta Kipsipa kaltaneeyye, aariyyo asseew ishin qara' tuqmada akka ilda orra tura qora needduma ka a tammaqta ka a jiija ka a qara seeseeta kodditan; umma poroose are co, lammatta a akkitan.

Xuuma Ermiyaasi 39:8

Paapiloonetaka tika mankisteeta isho tikka samayta piisa alle apittan kupte, ka kawwatta katama qitqitisse.

Xuuma Ermiyaasi 29:18

Ka oranna ka loota isho paaqa orra pirron ishootta kamma daana; ka mankistewwa a pila piisa tura'e, qora tammaqtati ishootta koda; ikka poran oppopa ishootta daano pisa oppaayye, qora jiija ka qora a tammaqta isho qora xosalta a qara seeseeta koddan.’

Xuuma Ermiyaasi 24:9

Rakkoota an ishootta qara' qeedo malla, ikka mankistewwa a piita piisa tura'e, qora tammaqta koddan; ikka piitaddan oppopa ishootta daane pisa oppaayye a qara xosallaane ka qara lelannaane ka a qara seesnaane isho a jiijame koddan.

Xuuma Ermiyaasi 5:10

dulaaysho a dishma wayneeta karopa kulla ka alle nyapalsha; ma xoori alle piisantan piran, ka taammaadi alle qeqqepsha; ishootta Waaqanneey.”

Xuuma Issayyaasi 43:28

Semmallan kutkuttowwa a tikaayshina a qulqulloota' jeersha, ka pateetta a neeqati Yayqoopi daasha, ka otitta Isira'eeli tarpisha.

Xuuma Issayyaasi 5:5

Amma oori waan duliyyo a wayneeta' qara' koda ana ishina' lelo: oxintan quda poota, horeeta ka oppa deetta ka kawwatta quda qishsha, horeeta ka oppa kamantissa

Mataafa Masmuureta 79:4

Ino ollahinno tura'e, qora otitta'en koddine; ka a ino kapandesa kala' tura'e, qora seesa ka a qara xosalta' koddine.

Mataafa Asteeri 1:1

Xattaayye nuqusa takka Arteksiisi kidammo piita Hinditi paayyatte haka piita Toobbiyaati piitadda dippa ka kunda lakki tappa mukinni.

Mataafa a Nehimya 11:3

Mukissampaya a piita Yihuta sene Yursaalami kara kala sitiiyyi Isira'eeleta demo ka qeesewwa ka Lawaata ka orra tika qulqulloota kara koda koono isho sanynyeeta orxaya Selemooni katamadda Yihuta kara'e hamintaaysho oppa kallaani. Kafa Yihuta isho a Piiniyaami oppa orra demo Yursaalami kara'e kallaanni.

Mataafa Isira 2:1

Orrase a Naapukedenasoori nuqusa a Paapilooni' piita Paapilooni opa pooje oppa sene are kammopa xata ca'e Yursaalami isho katamaddasene' xaaysho a Yihuta opa tiitaawe.

Mataafa a Nuqussa a paayyota 9:7

piitoose an Isira'eeli daashe oppaayyen alle ishootta daana ka tikoose a qulqulloota an maxxiyyo xawwi reexade ildaayyo tura alle kata. Isira'eeli ka lekna piita piisa tura'e, a jeerte ka kojeessamte koddita.

Mataafa Pahana 25:28

Nama isi tooytaanni in kinnin, akkima katama a kawwatta quda qitte mina.

Pooyta Ermiyaasi 2:9

Xarradaadi piita kelopa hawlamen. Waaqa teehotaaysho a sipla, alle qeqqepshe ka pashshe. Nuqusaadi isho taanynyadaadi samayta piita oppopa poojamen, umma arepadesa kolluma seera Waaqa in qapnaadan, umma xuumampayaasso arepadesa Waaqa kapaayye keleshaata in akkan.

Mataafa orra Lewi 26:31

Katamaddaassin alle'en pootacciisa ka porraassin a quluqlloota lulle hattisha umma alumasene paxaara a kalisootaayshina an teyyado.

Mataafa orra Lewi 26:33

Ka mankistewwaappa ishin pasisha; ka oraniyyo qapada ka ishin kamma daana; piitaayshin ka lulle hassa, katamaddaassin ka a qitqite koddan.

Mataafa Otoowwa a lammatta 36:19

Ka tika qulqulloota a Waaqa apittan kupe; ka kawwatta katama Yursaalami alle poote; ka tikka mankisteeta piisa apittan kupe; ka meeha a heraan kokkoka a kara co piisa alle pashshe.