Mataafa Asteeri 4:3 - Mataafa Qulqulloota

³ Piitadda a oppa ajajoose a nuqusa' salisame pisa oppaayye, Yihutaata akata ullupte ka nyarrahate ka pooyte ka damta kuli musatte. Ishoottoppa lekaya ka mehadda a dapteeta' kalssaden ka isqarandela tara fidaden ka pooyta' kuti'en.

Mataafa Asteeri 4:3 ပူးပေါင်းရင်းမြစ်များ

Mataafa Asteeri 1:1

Xattaayye nuqusa takka Arteksiisi kidammo piita Hinditi paayyatte haka piita Toobbiyaati piitadda dippa ka kunda lakki tappa mukinni.

Mataafa Asteeri 3:12

Semmalla leya a paayyota oppa kuyyaata kudanka sessattaatiiyyi, ikka orrase nuqusa paata taafno ollopa hale ka saleese' dawamto, akka afadda orra ika lekayta opa oorsamto ka taafamto ka piitaddasene a nuqusa mukinna opa mukissampaya isho orra isha olli koda koono piisa erkamto kode. Saleese nefo maxxa nuqusase a Artekisiisinni taafamte ka kobbeetaadi ka kamma toommamte.

Mataafa Asteeri 4:16

“Aane ka Yihutaata katama Suusa kara kalto piisa ollopa xaashe ka kuyyaata sessa ka halkeetta sessa kara'e, damta musada; umma we in daman ka in ikkan ka qootiyyo desa qinsada; ana isho orxayasene' xayyo a iskatta asseewwen ollin damta musannaay; sekkammaayye kadi punu seera dawrina nefooyye, nuqusa kapopa in kulla ka oton toota koddini nefooyye alle' to'a.”

Mataafa Asteeri 4:2

Ma xoori qoota nama mehadda dapteeta kalsade tika nuqusa karopa kullini in kinnin malla, xarroppaaw kaye diisheey tika nuqusa karopa in kulline.

Mataafa Asteeri 4:4

Sirampayasene a Asteeri isho kunayaasene isheetta tooytina ete qoota Mardekiyoosi desa isheetta' leleneeyye, akata nyarrahate ka akka mehaddasene a dapteeta isquda sooksho ka a paxaara' kalsado'e, ishi mehadda erkite; isha' xoori ishootta qara teyyatta itiite.

Mataafa Asteeri 9:31

Erkanoosen nefo nuqusitteetase Asteeri isho Mardekiyoosi olli kale ka akka turan aata damta musatta ka a nyarrahata sookshen mina'e, kuyyawwosen a Puurim ishootta isho xelta itturopa deenitto piisa oppaayye akka tooytamane'e, lamattiiyyi ajajoose tarpishen.

Mataafa Iyyoopi 2:8

Iyyoopi ka taraappa' kute'e ka issin xoosha'e, paallata apitta' qeedade.

Xuuma Issayyaasi 22:12

Awsetiiyyi Waaqa Poqalla a we piisa ettaninno, akka nyarrahatan ka pooytan ka mattaayshin kooshattan ka mehadda a dapteeta' kalsattane'e ishin ajaje.

Xuuma Issayyaasi 22:4

Semmalla anka ishootta' kide, “Ana kapa sekaada ka ana' xasa in oorshan; anka samaytase' xayyo an jaalanno ikka pirame malla a kuttati' pooyo.”

Xuuma Issayyaasi 58:5

Hela anti damta musatta asse pahon reexade? Nama fuuliyyo tura isi shakkinno ka akka hammayla' mina xata matta kumpaapinno ka mehadda a dapteeta kalsanno ka iskela' tara fiino, hela sede'e damta musatta kiinittane? Ka kuyyaata a Waaqa orra qara teyyanno kiinittan ka haleenittane?

Xuuma Hisqeeli 27:30

Ka isi qarandela kuyyaalayta fidadan, ka taraappa kankalaadan, ka nessaaysho kuttishan ka a kuttati' ke pooyan;

Xuuma Taani'eeli 9:3

Anka oori ohaata dapteeta uwwisadi ka nyarrahata'e, taraappa' kuti'e ka damta kuli musattaane, Waaqa Poqalla qinsanni.

Xuuma Yoonaasi 3:6

Nuqusase a Nenewwe ete sede dakayeeyye, alkasene a nuqusuma' qara lekkade ka mehaddaadi a ulfeena alle' sookshe ka mehadda dapteeta' kalsade ka taraappa' kuti'e.

Maatiyoosi 13:42

Ka kupaanaappopa ishootta dakkan. Porose oppaayye oori, pooyta isho ilka ollin qomeeta patta koddita.

Maatiyoosi 22:13

Nuqusase ka orxayaadi kide, ‘Harka isho loqqa tupa hida ka tukkantase laka tula kitto oppopa kata. Eyyeeyye oori pooyta ka ilka ollin qomeeta patta koddita.’”

Maatiyoosi 25:30

Orxayse we in nessinni in kinnin alle sooksha ka tukkantose laka tula kitto oppopa isha kata; eyyeeyye oori pooyta ka ilka ollin qomeeta patta koddita.’”

Mataafa Iyyaasu 7:6

Iyyaasu isho qimoota Isira'eeli ka nyarrahatan isiquda mehaddaasso kakkaa'en ka haka letta dummitto'e, taapotase a Waaqa tura seehen. Ka mattopan dela issi kuyyaalayta pulen.

Mataafa Saamu'eeli a paayyota 11:4

Orraase erkame ka katamasene a Kipi'a a Saa'ooli kara kala opa de'e ka sede orra torre; samayta piisa ka nessa kuttan pooye.