Mataafa Asteeri 1:3 - Mataafa Qulqulloota

³ Nuqusoose Arteksiisi a mukissa paayyeeyye para sessattatiiyyi, mukissampaya piitadda isho orrase isha olli piita mukinno'e sankulta kode ka damtose oppopa saarra xela oranna a piita Faarisi isho a Medooni piisa ka saarra piitadda isho mukissampaya hale.

Mataafa Asteeri 1:3 ပူးပေါင်းရင်းမြစ်များ

Mariqoosi 6:21

Herodiisi kuyyaata oppa dalade ulfeessaa'e, kutkuttowwa a mankisteeta ka saarra oranna isho orra Kelila a upnaatame saankulta a kutta harmishe; Herotiyaata ka se minan saanta akkatte.

Xuuma Taani'eeli 5:1

Kuyyaata takkaayye nuqusase Piltaasoori kidammo kutkuttowwa tanynyada a piita mukinna' pisa'e sankulta kutta kode ka ishootta olli taadeta wayneeta oppa' qa'e ka ikiini.

Mataafa Asteeri 2:18

Sekkammaayye nuqusa ka Asteeri ulfeessa'e sankulta kode ka oppopa mukissampaya piitadda isho orrase isha olli piita mukinno hale ka piitadda a mukinna' pisa oppa kuyyaase akka kuyyaata xaysonessuma koddito salishe ka akka kolluma nuqussa' mina'e, orra' daassawwa daashe.

Mataafa a Nuqussa a paayyota 3:15

Selemooni ka impase ka akka olsa koddite upnaade ka Yursaalamipa tiitaawe ka taapotase a kodayteeta Waaqa tura qa'ade ka kalisootase kupannitto isho a nakayta dehayshe ka mukissampayaadi damta kode.

Xuuma Ermiyaasi 51:11

lawadda laaja ka kontalewwa qapada; Waaqa qoota Paapilooni qatta'a qapo malla, nuqussa a metooni'i ishootta qara' xaashe; maana malla, ini haalota Waaqa; ikka tikaadi malla isheetta qara haalota pooyyiniiy.

Xuuma Issayyaasi 21:2

Keleshaata orra fuurinnitton akke; qapsiisampayta nama qapsiisni; sarampayta ka sarri; Ishina orra Eelaamitiiyyi, oranna' xa'a; ishina Medooneteeyye, katamadda kapa mura; anti miiddota a Paapilooni' koote piisan alle' hattishaay.

Mataafa Uumata 40:20

Kuyyaata sessattatiiyyi, letta a deloota Feri'ooni ulfeessammi. Feri'ooni ka sankulta kode ka orrase isha olli piita mukinno hale. Ka saarase a orxaya taadeta daddaanna isho saarase a orxaya a damta koonoti tika hidaatiiyyi mukissampayasene turopa hale.

Xuuma Taani'eeli 8:20

“Laahose kaassa lakki qapo a akkite nuqussa a Medooni isho a Faarisi'i akkinni.

Xuuma Taani'eeli 6:1

Taariyoosi mankisteetadi piisa qara'e taanynya dippa ka kunda lakki shuuma fade.

Xuuma Taani'eeli 5:28

Faarisi kideetaaw ‘Mankisteetaayti iqootamte ka Metooneta isho Faariseta' daasamte kideeta.’”

Mataafa Asteeri 1:14

Hayyowwasene a nuqusa halacciise nefo tanynyadasene a Faarisi ka a Medooni tappa isasene turanneew mukissampaya kodde. Ishootta nefo Kaarshana ka Shetaari ka Admaata ka Taarshiishi ka Meeresi ka Maarsena isho Mamuukaani kidammi.

Mataafa Isira 1:2

Ka kide, “Qiroosi nuqusa Faarisi ikiini, ‘Waaqa Poqalla moonta akkan piddo'e piita piisa ana' daashe ka akkan piita Yihutaati katama Yursaalami kara ishi tika qulqulloota' qupo'e ana ajaje.

Mataafa Asteeri 1:4

Ka haka leya lehiti'i, teyanta a qapo ka kutumta ulfeena a nuqusumaadi ishootta akkishe.

Mataafa Asteeri 3:7

Haama, a Artekisiisi nuqusumeeyye para kudanka lakkataatiiyyi leyase a paayyota niisaani kidammo oppaayye, kuyyaata oppaayye Yihutaata piran upnaatta'e, qoyrita a Puurim kidammo akka katamo ajaje. Ete qoyrittase kateneeyye, leyase a kudanka lammatta Ataari kidammo oppaayye kuyyaata kudanka sessatta oppa'e de'e.