Mariqoosi 9:44 - Mataafa Qulqulloota

⁴⁴ [Kahannami pora oppaayye punatittaadi tooni in kinnin, apittaadi ka libbini in kinnin. ]

Mariqoosi 9:44 ပူးပေါင်းရင်းမြစ်များ

Xuuma Issayyaasi 33:14

Juppoolaya a Siyyooni kara kala a fuuren; ukkuttowwa ka xaran qapamen ka olli' kidene, “Inoppaayye ayno apitta a paata domohinno olli kallaada? Ayno ka apitta a libba in qapnin olli kallaatta ettansha?”

Xuuma Issayyaasi 66:24

Ishootta ka sookan ka pukkada a orrase ana qara' falqan xa'eti akkan; umma punaataaysho toota in qapo, umma apittaaysho libba in qapo, orra piisa ka ishootta ifada.”

Maatiyoosi 25:41

Ka kamma desaaw, isasene qinda pittittaaditin caati kida, ‘Ishina jiijameeti, ana kapa sekaada ka apittase libbini in kinnin seetana ka erkampattowwaadi harmisame oppopa aana.

Maatiyoosi 25:46

Semmalla ishootta qitaateta para para oppopa aanan, hanqeellaya xoori caatta parapara oppopa aanan.”

Maatiyoosi 3:12

Isha simaata harkoppa qapade ka ishin fayya awtataappa kappa xayyisha ka miillata kootaroppa kalsha; ka ukkashsha apitta libbini in kinninin kupa.”

Mariqoosi 9:43

Semmalla oton harkaayti akka juppoota kooto ke kooniiyyi, isi quda mure ka alle kate; a harka lakki qapnaatto ka kahannami oppopa katamto kapaayye, a kumuddayta harkatin caattappopa kalto ke wayyiiy.

Mariqoosi 9:45

Oton loqotayti akka kamma dapto ke kooniiyyi, mure ka alle kate; a loqqa lakki qapnaatto ka kahannami oppopa katamto kapaayye, a toonnayta koddito ka caatta oppopa kalto ke wayyiiy. [

Mariqoosi 9:48

[Kahannami pora oppaayye punaatittaadi tooni in kinnin apittaadi ka libbini in kinnin.]

Teseloonqe a lammatta 1:9

Ishootta ka fuula Poqalla isho ulfeenase' xaadi hupnampaytase kapa xawwi ooran ka pateeta paraparatin qatta'aman.

Keleshaata 14:10

taadetase a wayneeta a miira Waaqa'e ikkan. Taadese a wayneeta nefo, a we oppa in lahammin maliiyyi kuppaayyasene a miira Waaqa oppa kishshamte. Ishootta, fuula erkampattowwa qulqullaawe isho a laahaseti tura'e, apitta isho daka apittatin rakkoota a kutta akkadan.

Keleshaata 20:10

Taapiloosi, isase akka kamma dapane ishootta kode, pakateetase a apitta a daka apitta oppa opayno, isase pinantase isho xuumampaytase a darta kara caan karopa katame. Ikka eeyye kara halkeetta ka kuyaata, paraparaayye haka paraparati miidama quda tawan.

Keleshaata 20:15

Nama a maxxaadi maskapa caatta kara in taafammin ka kara in teyannin piisa ka pakateetase a apitta karopa katame.

Keleshaata 21:8

Ma xoori, fuurampaya ka a amanteeta in qapnini ka a nyale ka a nama ikanna ka sharmuutta ka a kodkodda kodanna ka a killanna kodanna ka dartampaya piisa, qeraytaaysho pakateetase a apitta. Isase a daka apitta oppa opayno oppa kodda. Sede nefo tootase a lammatta.”