Mariqoosi 9:43 - Mataafa Qulqulloota

⁴³ Semmalla oton harkaayti akka juppoota kooto ke kooniiyyi, isi quda mure ka alle kate; a harka lakki qapnaatto ka kahannami oppopa katamto kapaayye, a kumuddayta harkatin caattappopa kalto ke wayyiiy.

Mariqoosi 9:43 ပူးပေါင်းရင်းမြစ်များ

Mataafa Iyyoopi 20:13

ka afaa kara' qapannaayye ka alle' tufa in heenniniiyyi,

Xuuma Issayyaasi 1:31

Hupnampayta nama awse miissa kodda; kodaadi ka akka apitta' mina eennoow qapada ka piisani ollin kupadan umma nama apisse libbisho in caado.

Xuuma Ermiyaasi 4:4

Ishin samayta Yihuta isho a Yursaalami kara kalaatiiyyi, Waaqa'e dawraassin patta qaran muradan ma, neequmta karittaayshina kuli alle maysha; a taakati kodaayshina a neeqa minanne miiriyyo a apitta mina ishin qara opaya umma nama libbisho in caadooy.”

Maatiyoosi 17:27

Ma xoori akkan ishootta an kehaytinnini'i, pakateeta kapopa aane ka watarootase shenqera qapto murkujan qapnaan pakateetoppopa kate ka murkuja a paayyota qapto qeede ka afaadi olkela kaa'e ka kaaja afaadippa akkatta, qeede ka qootiyyo isho qootaayti desa ishootta daashe.”

Maatiyoosi 25:41

Ka kamma desaaw, isasene qinda pittittaaditin caati kida, ‘Ishina jiijameeti, ana kapa sekaada ka apittase libbini in kinnin seetana ka erkampattowwaadi harmisame oppopa aana.

Maatiyoosi 3:12

Isha simaata harkoppa qapade ka ishin fayya awtataappa kappa xayyisha ka miillata kootaroppa kalsha; ka ukkashsha apitta libbini in kinninin kupa.”

Maatiyoosi 5:22

Anti xoori in ishina kiini, nama a nama qara miironno piisa qara'e faratamta semaliiyyiiw nama a nama onno ka kiino, ‘Toofo’ piisa qara'e firtishoonkota farata nama a nama onno ka kiino, ‘Eepo’ piisa qara'e, apitta a libbini in kinninii faratama

Mariqoosi 9:44

[Kahannami pora oppaayye punatittaadi tooni in kinnin, apittaadi ka libbini in kinnin. ]

Luqaasi 14:13

Ma xoori oto damta harmisso ka orra haleenittooyye, teekolaya ka toobaya ka totoonnaya isho orra ilda in qapnin hale.

Luqaasi 14:21

“Orxaytase ka tikopa kale ka se piisa poqallaadi' torre. Aappase a tika ka miirode ka orxaytase xaadi kide, ‘Katamaappa porra pappallda isho a kikilla'a oppopa jarjartan aane ka teekolaya ka toobaya ka totoonnaya isho orra ilda in qapnin hale ka ishin ana xooye.’

Luqaasi 3:17

Isha awtaappa untoppa ukkashsha xayyissa'e, simaata harkoppa qapade. Oto xayyisho kammaayye, miillata unkulaappa'e qa'a ka ukkashsha apitta a libbini in kinninin alle kupa”

Roomi 8:13

Oton heenna a so'a qara'e kallaannittaneeyye, illeetan. Ma xoori oton hupna Hapura Qulqullootatinni' koda so'a ikassaneeyye, iccaattan.

Qorontoosi a paayyota 9:27

Semmalla oton nyaroosen oppopa orra pila' halo kamma akkan anti nyaroosen oppa an dapannini'i, dakintiyyon tooytaada ka akka ana ajajamto' koda.

Kelaatiya 5:24

Orra a Yesuusi Kiristoosi kodde, so'a xajeeltaaysho a neeqa isho wa sannaane piisa ollin fannisen.

Qolaasiisi 3:5

Semmalla xajeeltase xaayshin a piita' piisa leysha. Ishootta nefo, sharmuutuma ka nyela ka xajeelta sharmuutuma ka neequmta karitta ka qurqummuma sene killanna waaqaysatta kodde.

Tiito 2:12

Daassatose' nefo, akkan Waaqa marmatta isho xajeelta so'a alle diinno ka isi tooytaatta ka qajeeluma isho Waaqa fuureetan piisse' qara' kallaanno ino kollinni.

ipro 12:1

Qootan maakkiyyoosen a urratta' mina ino kapa tiitayshe piisa qapno malla, ino wa haadeta ino qara' kodde piisa ka juppoota ino quda' jaqqalte alle iskapa sekanna ka nyeroosen a keeritta ino turaayye ca duupattaan japaattaan keerra.

Petroosi a paayyota 2:1

Semmalla oori, neequmta piisa ka sassapa piisa ka pappahanassa ka yoota isho oli haasawa ika piisa, alle isi kapa sekaysha.