Mariqoosi 9:25 - Mataafa Qulqulloota

²⁵ Yesuusi ka akkima samayta olkelan isha kapopa hirro akke ka hapurase neeqa fukke ka kide, “Atti hapura dakkaawe ka haasa ettaninni in kinniniiyi! akka innoosen kara sookto! ka lammatta karopa a oorini in ke ajajini.”

Mariqoosi 9:25 ပူးပေါင်းရင်းမြစ်များ

Xuuma Sakkaariyaasi 3:2

Erkampattootase a Waaqa ka seetana' kiite, “Atti seetano! a Waaqa ke fukko! Waaqa Yursaalami reexade a ke fukko! Ha namoose are co akka torrayta okta kara shore mina.”

Maatiyoosi 12:22

Sekkammaayye orra ka nama takka joole ka haasa ettaninni in kinnin a orritta kara con isha kapopa de'e. Yesuusi ka isha dinshe, ikka paata akke ka haasawatta ettanshe.

Maatiyoosi 17:18

Yesuusi ka orrittase fukke orrittase ka innasene kara sooke innasene ka eyye paayyatteeyye dinen.

Mariqoosi 9:15

Samaytase piisa ete Yesuusi akkeeyye itammaqe ka oppa qawwaawe. Ka isha kapopa hire ka nakayta isha qara kaassade.

Mariqoosi 9:24

Ennow aappa opa innaseneti ka ullupe ka kide, “In amani ma wa amana anan kamma pisa oppaayye atti ana qaarqaare.”

Mariqoosi 9:26

Hapurase neeqa ka harmo ullupe; ka akka innasene akata feqadane kode; ka kara sooke; Qoota innasene pukka pahanaaden malla, orra lekayta ka kide, “Ito'en!”

Luqaasi 11:14

Kuyyaata takkayye Yesuusi, orritta a haasa dawrino nama takka kara sookinni. Ete orittase kara sookeeyye, namase haasa malaale ka haasawatta paayye. Seden samayta ka a kuttati oppa qawwaawe.

Luqaasi 4:35

Yesuusi ka, hapurase neeqa fukke ka ishi kide “Jaw kide! ka namoose kara sooke.” Hapurase neeqa ka, fuula samaytaseti tura'e, namase piitopa kate ka a isha in miiddinin maliiyyi kara sooke.

Luqaasi 4:41

Hapurra nenneeqa ka ullupni ka kiini, ‘Atti a inna Waaqa.’ Ka orra lekayta kara sookni. Yesuusi xoori, akkima hapurrosen nenneeqa qootaadi desa we takkan nefon haasawannini'i, ishootta fukni ka ishootta dawrini. Maana malla qootaadi desa i'upaneey.

Luqaasi 8:29

Sede nefo wa malla asse kide, qoota Yesuusi akka hapurase neeqa namoose kara sooko ajaje malla. Se turanne hapuroose neeqa, a lekatinni namoose qara xaani opan ka sansalaata isho siplallaan isha hiini ka isha tooytini. Isha xoori, sansalaatase meeni ka siplallasene qeqqepinni; orrittase ka koommaytoppa pora ishin anni.

Luqaasi 9:42

Ete innasene Yesuusi kapopa dehaadeneeyye, orrittase piitopa innasene kate ka isha feqaccisee. Yesuusi xoori, hapurase neeqa fukke ka innasene dinnshe ka aappaayshoti daashe.

Kodampaya 16:18

Ka kuyyawwa lekaya oppa'ew o'ori ka asseew kiini. Pawloosi xoori, iquumade ka desa tiitawe ka hapurase neeqa kide, “Akka isheetta kara sookto'e, maxxa Yesuusi Kiristoosinnin ke ajajni!” Hapurase neeqa ka eennow sooke.

Yihuta 1:9

Mika'eeli saarase a erkampattoowwa mikka, ete pukka a Muuse qaraayye seetana oli shiisheneeyye, “Poqalla a ke fukko” Ishi' kide diisheey, afa otitta ishi in haasawanne.