Mariqoosi 8:38 - Mataafa Qulqulloota

³⁸ Nama xeltase marmattampayteeta ka juppoolayteeta koddite tura ana ka qaaletiyyon jeerro piisa, anti inna a namatiiyyi oton erkampattowwa qulqullaawe olli ulfeena Aappinnootin deenoyye, asseewwen ishan jeera”

Mariqoosi 8:38 ပူးပေါင်းရင်းမြစ်များ

Xuuma Taani'eeli 7:10

Apitta ka sufaanetose' kela xata a malxa a pisha' mina urqini; isha orxaya kumadda lekaya' dikamma'e qapa; orra kumadda kundadda' dikammo ka isha tura' qa'ade. Firteeta ka faratama paayyite; mataaffa kuli ka panamen.

Xuuma Taani'eeli 7:13

Anti anka halkeette kelashaatoppan a inna nama' paho ka moonte urrattoppa deeno akke. Ikka isase haka parraparati' kallaanno turopan aanen.

Xuuma Sakkaariyaasi 14:5

Ishina ka naabose haka a Saaliti ooro karan desa qahatan. Ka akkima sapanase a Oosiyani nuqusa a Yihutaati piita lellehete akka turaayye qahaten mina'e asseew qahatan. Sekkammaayye Waaqa Poqallaanno ka de'a, qulqullowwa piisa ka isha olli de'an.

Maatiyoosi 12:39

Isha xoori i'ishootta oorshe ka kide, “Ukkuttoota xelta a Waaqa amanni in kinnin wa orra qawwanna akkaaw faani wa a orra qawwanna a xuumampaytase a Yoonaasi mali, wa orra qawwanna a pila xeltoseti in daasaman

Maatiyoosi 13:41

Inna nama erkampattowwaadi erka. ishootta ka mankisteetaadippaayye wa juppootoppopa nama kanna piisa isho a neequmta koona piisa ollopa pohan.

Maatiyoosi 16:27

Inna a nama erkampattowwaadi olliiyyi ulfeena aappaayshotitin de'a ka awse nama piisa akka kodaadi mina daasha.

Maatiyoosi 16:28

Dukaatannen ishina kiini, sene are qa'anna oppaayye orra inna a nama a mankisteetaadin deeno haka akkan maliiyyi in leenini takka takka ca.”

Maatiyoosi 16:4

Xelta neeqa ka amanammi in kinnin milikkita akkaaw faani milikkita a xuumampaytase a Yoonaasi mali milikkita a pila ishetta'en daasamo” Ka alle ishootta kapa aane.

Maatiyoosi 24:30

Sekkammaayye, milikkita a inna a nama ka moonta quda akkaada; samayta piitadda piisa ka pooya ka inna a nama a hupna ka ulfeena kuttan oraaraappa deena akka.

Maatiyoosi 25:31

Kammadesa Yesuusi ikide, “Inna a nama oto erkampattowwa a Waaqa olli ulfeenan deenaaneeyye, sufaana ulfeena qare kuti'an.

Maatiyoosi 26:64

Yesuusi ka ishi kide, “Akkamase a kiite mina ma xoori, in ishina kiini, arepa desa, a inna a nama harka hupnampayta Waaqati akkitta kutiinaan ka moonte xata oraaraappa deenaane akkitan.”

Maatiyoosi 8:20

Yesuusi ka ishi oorshe ka kide, “ka'ala qaawwa qapan, xampira moonta ka saatta qapan, inna nama xoori pora kela ela matta qapan nefo in qapan.”

Mariqoosi 13:26

Sekkammaayye inna a nama a oraaraappa hupna kutta ka ulfeenan deeno ka akkaada.

Mariqoosi 14:62

Yesuusi ka kide, “Aa ana, inna a nama a harka Waaqase we piisa ettaninnooti akkitta kuti'e'e akkitan; ka a tiitaawe ka moonte oraarappa deeno akkitan.”

Mariqoosi 8:37

Taaki isi furattaa'e maana kapa daassata ettansha?

Luqaasi 19:26

poqallasene ka ishootta oorshe ka kide, ‘In ishina kiini, a qapo qara'ew ishi daasamta; a in qapnin xoori sede a qapo nefo qara qeedama.

Luqaasi 9:26

Nama ana ka qaaletiyyon jeerro piisa; inna a nama awta ulfeenaadi ka ulfeena Aappaayshoti isho ulfeena qulqullowwa erkampattowwaatin deenooyye, awwse ishan jeera.

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Yohaannisi 1:51

Anti dukaatannen ishina kiini, a moonta panamto, erkampattowwa Waaqa ka inna a nama qareela fayyannaan ka lekkannaane akkitan.”

Yohaannisi 12:34

Orrase ka ishi' kide, “Wa seeroppa' taafame, anka akkininna, ikiini, ‘Kiristoosi haka paraparati kallaadaay,’ atti atta' kiini ‘Inna a nama fannisama ishootta faani?’ Innoosene a nama kan ayno?”

Yohaannisi 5:27

Ka qoota inna a nama kodde malla, akka farato'e hupna ukkumeeta ishi daashe.

Kodampaya 10:22

Ishootta ka ishi kidene, “Ino Qernelewoosi motoloqitta kapan deene, isha samayta Yihuta piisa isha ulfeessini, ikka nama paxaara a Waaqa waaqaysanno, akka tikaadipa ke halacciiso ka wa kiinitta ke qara dakayo'e, erkampattoota a qulqullaawte ishi' lelte.”

Kodampaya 5:41

Erkamampayasene' xoori qoota maxxa Yesuusi malla jeera teyyattaappa kayen malla, xasoottaanne firtishoonkotase tura sooken ka tawen.

Roomi 1:16

Anti otootase a fayyatin an jeero; maana malla otootase a fayya, orra amanno piisa'e hupna Waaqa a orra dininnooy. Sede nefo, paayyota Yihutaata'e deete ka kamma' desaaw orra a Yihutaata in koddinini' deete.

Kelaatiya 6:14

Masqala an anti qara' piita malla fannisame kato'e piita ka qara' ana malla fannisamte ka toote masqala poqallaanno a Yesuusi Kiristoosi mali jeejja a pila ana kapa a sekaaden.

Mataafa oppa' Ooreta 33:2

ka kide, “Yaahiwwe irroota Siinaati de'e; ka Etoomi desa ishootta qara a para mina qite; ka irroota Faaraniti desa piire; qulqullowwa kumadda ka isha olliiyyi anni; qindaadi a akkitatinni apitta opaye ca.

Teseloonqe a paayyota 2:19

Ka kuliyya, kippeetinno ka xasinno ka oto Poqallaanno Yesuusi' deenooyye, xalaalaanno an fuulaadi tura ishin jeejjanna ayno? Ishinanne?

Teseloonqe a paayyota 3:13

Poqallaanno Yesuusi oto qulqullowwaadi piisa olli deenooyye, fuula Waaqinno ka a Aappinno tura'e, akka qulqullaawtan ka qaja mali kinnaattane'e a karittaayshin kokkonnaysho.

Timotoosi a lammatta 1:12

Rakkoose' nefo semmallaawwen teyyanni. Ma xoori ayno akkiman amane qootan upo malla, an ishin an jeerri an co; ataroosen ana' daasame nefo, haka kuyyaatase' kaynitto kara'e, isha akkima tooyta ettansho in qalpeeffade.

Timotoosi a lammatta 1:16

Poqalla a toola Onesifoori'i, diissata kodo isha a lekatinni xasa ana' oorshe; umma hidamaayonne in jeerre.

Timotoosi a lammatta 1:8

Semmalla qoota, poqallaannoti desa maakkumanne, in jeeran; umma an asse qootaadi malla hidame nefonne, in jeeran. Ma hupna a Waaqa ke' daannonne, otootose a fayya' malla ana olli rakkoota teyyado.

ipro 11:16

Amma xoori, piitase jaallitto ka moonteeyye kitto yaatanni. Semmalla Waaqa qoota katama ishootta' harmishe malla, kati “Waaqinno” kidan ka isha halaneeyye, ishi' jeera in koddito.

ipro 11:26

Qoota rapoota a itturopa akkado akke malla, teyanta piita Kipsi kapaayye, akkima Kiristoosi malla jeera teyyatta jaallitto dikade.

ipro 13:13

Ino' nefo safara kara sookna ka isha kapopa anna ka jeeraadippa qoottanna.

Yayqoopi 4:4

Ishina amanammi in kinninitiiyyi! nama piita jalanno akkiman paarkaala Waaqa a' uptane? Semmalla nama piita jaalanno piisa paarkaala Waaqa'e koddini.

Yohaannisi a paayyota 2:23

Nama Waaqa Inna marmanno, Waaqa Aappa kuli teyyanni in kinnin; nama Waaqa Inna amanno, Waaqa Aappa kulii amanni.

Yohaannisi a paayyota 2:28

Semmalla hellaayyooyye! oto isha oorrooyye akkan fuura mali maxanyumaan isha akkino'e ka kuyyaata a deenooyye fuulaadi tura an jeerrini'i ishan kallaada.

Keleshaata 14:10

taadetase a wayneeta a miira Waaqa'e ikkan. Taadese a wayneeta nefo, a we oppa in lahammin maliiyyi kuppaayyasene a miira Waaqa oppa kishshamte. Ishootta, fuula erkampattowwa qulqullaawe isho a laahaseti tura'e, apitta isho daka apittatin rakkoota a kutta akkadan.