Mariqoosi 8:34 - Mataafa Qulqulloota

³⁴ Sekamma Yesuusi samayta isho tamaarewwaadi ollin hale ka ishootta kide, “Nama ana kamma deena heeno, oton icaayye, a isqara karitta kutado, ka masqalaadi qapado ka ana kamma ishin de'o.

Mariqoosi 8:34 ပူးပေါင်းရင်းမြစ်များ

Mataafa a Nuqussa a paayyota 14:8

Ka toola Taawwiti qara mankisteeta qeede ka ke daashe. Atti xoori akka orxaytiyyo Taawwiti ajajiyyo tooyte ka karittaadi piisan ana kamma aane ka wa fuuliyyo tura paxaara patta kode mina'e a koone.

Mataafa Dikoota 14:24

Ma xoori orxaytiyyo Kaalepi, piisse oppopa ikala; maana malla isha hapura pila'e qapa ka karittaadi piisan ana kamma de'ey, anti piisse a oppopa aane karopan isha kalsha; sanynyeetaadi kuli ka piisse lehatta.

Maatiyoosi 10:38

Nama masqalaadi haadanni in kinnin ka ana kamma deeni in kinnin, xayyo koddeeta in ettansho. Maati 16:24; Mar 8:34; Luqaa 9:23

Maatiyoosi 16:24

Sitiiyyi Yesuusi itamaarewwaadi kide, “Nama ana kamma deena heeno piisa, a isi qara karitta kutado ka masqalaadi haadado ka ana kamma ishin de'o.

Maatiyoosi 27:32

Ka ete tikase kara sooknaaneeyye, Qereenitta takka Simooni kiinaan akken ka irreetan qara masqalase a Yesuusi xayshen.

Mariqoosi 10:21

Yesuusi ka ishopa tooyyade ka isha jaalade; ka ishi kide, “We takkane patta ke hase; aane ka wa a qapta piisa kate ka teekolaya qoote ka ana kamma xooye! Teyanta a tuulamte moonteeyye akkattaay.”

Mariqoosi 7:14

Yesuusi isi kapopa samayta haleew ka ishootta kide, “Ishina piisanti anopa dakkaysada, ikka ishina kalto!

Luqaasi 13:24

“In ishina kiini, xarrase killa'a karan kulla japaada. Orra xarrose karan kulla heennado ilekaada, ma kulla in ettansho.

Luqaasi 14:33

Akkimose mina'ew, ishin oppaayye nama wa a qapa piisa ana malla in diinnin, tamaarittiyyo kodda in ettansho.”

Luqaasi 18:22

Yesuusi ete sede dakayeeyye, inamaseti kide, “Asseeyye we takkan kodeetaaw ke hase; wa a qapta piisa kate ka kaajosen teekolaya qoote, moonteeyye teyanta ollopa tuulamte akkattaay ka de'e ka ana kamma xooye.”

Luqaasi 20:45

A samaytase piisa isha dakkaysattaappa cooyye, Yesuusi itamaarewwaadi kide,

Luqaasi 9:23

Ka ishootta piisa kideewwe, “Nama ana kamma deena heeno a isi qara karitta kutado ka kuyyaata piisa masqalaadi haadado ka ana kamma ishin de'o.

Yohaannisi 10:27

Kahirraayyo nessiyyo dakayni, anti nefo ka ishootta upa; ishootta nefo ka ana kamma deeni.

Yohaannisi 19:17

Sekkammaayye Yesuusi ka masqalaadi qapade ka porase pukurkura matta kidammo opa aane, poroose nefo, afa Iprutini Kolkoota kidammi,

Kodampaya 14:22

Ka piitaddoosen piisa oppaayye orra amanno akka amanteetayshotin japaado kokkonnassa ka dehaamanne, Ishootta kollishen ka kidene, “Mankisteeta Waaqa opa kalta'e rakkoota a kutta akkatta ino faani.”

Roomi 6:6

Dakintase xanno juppoolayteeta koddite, akka ino quda sekaatto, karpishshadda a juppoota koddeetinno ka haso'e, dakintase xanno kerite akka Kiristoosi olli fannisamte in upna.

Roomi 8:17

Semmalla, oton hellaa Waaqa koddineeyye, an lehattampayaadi ka Kiristoosi olli lehaanna. Oton amma rakkoota Kiristoosi oppa qoottannooyye, kuli ulfeenaadippan qoottannaaw.

Qorontoosi a paayyota 15:31

Hellaanno a kiristaanatiiyyi, xayyo awta piisa toota ana mina kayni. Waan malla sede ishina' lella' nefo, Poqallaanno Yesuusi Kiristoosi minan jeejjatta an ishin jeejjanno, qoota dukaata koddite malla.

Qorontoosi a paayyota 8:13

Semmalla oton damta innaanno a kiristaana' kehaytinniiyyi, akkan innaanno a kiristaana an kehaytinnini'i, pakkanna so'a an damo.

Qorontoosi a paayyota 9:19

Kadin punu, karpishsha nama takka' nefo an koddinin ka nataan kallaannaayye; kadi ana koddinitta orra lekaytan paha mallan kide ka karpishsha orra piisa' kode.

Kelaatiya 2:20

Anti qootan Kiristoosi olli fannisame malla, arepa desa Kiristoosi ana kara' kallaanni diisheey, anti an kallaanni an co. Amma sede an are dakintiiyyon kallaanno, innasene, a Waaqa ana jaalade ka toota isi daashe, amaneetannen kallaanni.

Kelaatiya 5:24

Orra a Yesuusi Kiristoosi kodde, so'a xajeeltaaysho a neeqa isho wa sannaane piisa ollin fannisen.

Kelaatiya 6:14

Masqala an anti qara' piita malla fannisame kato'e piita ka qara' ana malla fannisamte ka toote masqala poqallaanno a Yesuusi Kiristoosi mali jeejja a pila ana kapa a sekaaden.

Filippisiyuusi 3:10

Waan malla sede koona a pilaa'ew, akkan Kiristoosi ka Hupnaadi a tootoppa xaana' upnaado'e, akkan rakkootaadippa qoottado ka tootaadin isha pahanaado malla.

Filippisiyuusi 3:7

Ma xoori waan xatta turan ana'e we' patayshan kiina ka kippanna' piisa, Kiristoosi mallan kide ka akkima wa wa'e in' nakannini kapa' dikni.

Qolaasiisi 1:24

Amma rakkoota a ishin malla ana qara' kaynittonne in xasoonni; qoota tikase a kiristaana dakinta Kiristoosi koddite desa, akkan rakkoota Kiristoosi quda qoottado'e, a ana' hasten dakintiyyon immaka.

Qolaasiisi 3:5

Semmalla xajeeltase xaayshin a piita' piisa leysha. Ishootta nefo, sharmuutuma ka nyela ka xajeelta sharmuutuma ka neequmta karitta ka qurqummuma sene killanna waaqaysatta kodde.

Teseloonqe a lammatta 3:11

Waan malla asse kiine' nefo, ishin karaayye orra demo a'alle' koda diishe akkima co qootan dakayne malla. Orrose wa ishootta parpaaccisni in kinnini karopa kalli ka orra horinni diisheey, we takkan' nefo kooni in caan.

Tiito 2:12

Daassatose' nefo, akkan Waaqa marmatta isho xajeelta so'a alle diinno ka isi tooytaatta ka qajeeluma isho Waaqa fuureetan piisse' qara' kallaanno ino kollinni.

ipro 13:13

Ino' nefo safara kara sookna ka isha kapopa anna ka jeeraadippa qoottanna.

Petroosi a paayyota 4:1

Kiristoosi' qoota dakintaadin rakkoota teyyade malla, ishina' nefo, akka nama meeha oranna hidade mina'e dikattoosetin japaada ka harmisada. Nama dakintaadin rakkoota teyyade, juppoota koda kamma kammi in co.

Petroosi a paayyota 4:13

Sekapaayye oto ulfeena Kiristoosi deenooyye, akka a kuttati xasoottane'e, akka a rakkoose xaadi qoottanna kodditen kapa'e a xasa ishina' dakaado.

Petiroosi a lammatta 1:14

Akka Poqallaanno Yesuusi Kiristoosi ana akkishe qara'e, akkiman irra qara piisse qaraayye tootan tarpo in upa.

Yohaannisi a paayyota 3:16

Sede a Yesuusi Kiristoosi caattaadi ino malla toota' daashennen jaalala maana akka kodden upnaanninna. Ino nefoow hellaanno a kiristaana malla caattinno toota' daassata ino faani.

Keleshaata 2:10

Rakkoota a itturopa ke qara' kayto in fuuran. Tin akka ekkaysamtane'e taaploosi ishin oppa orra demo tika hida' karopa kalsha; akka kuyyaata kudani rakkoota teyyattan. Haka tootati a amaname kodde, xalaala caatta'en ke' daashaay.