Mariqoosi 8:17 - Mataafa Qulqulloota

¹⁷ Yesuusi ka dikattose xaaysho upnaade ka ishootta kide, “Maana malla dikannittan ka kiinittane, ‘Ha qootan laaqqoota an qapnin malla;’ Ka haasawannittan? Hela amma ikki'i we takkan nefo matte a qapnaani a kinnini? ikka ishina kalli in kinnini? Karittaayshin ka amma ikki lule?

Mariqoosi 8:17 ပူးပေါင်းရင်းမြစ်များ

Xuuma Issayyaasi 63:17

Oo Waaqqo, maana'e saantaayti qara ino maqqinni? Ka akkan ke an fuurrini'i, karittinno kokkonnanni? Orxayaatti kaffasene lehandaatti kodde opa tiitaawe.

Maatiyoosi 12:15

Yesuusi ka sullaase xaaysho upnaade ka eeppaayye alle qinda kode. Orra lekayta ka isha kamma de'e, ikka paaqolaya piisa dinshe.

Maatiyoosi 15:17

Wa afaan nama karopa anna piisa, akkima karitta karopa annaan ka eenxata lakopa sooknaan a uptane?

Maatiyoosi 16:7

Ishootta ka oori olli kidene, “Ha qootan laaqqota iskela an teyyannin malla asse kide koddita.”

Mariqoosi 16:14

Sekamma Yesuusi kudanka takkasene damta kutexe ka dammta qara ca tura'e akkaadew. Ka qoota isaasene ishootta lele ka kide'e, “Yesuusi tootoppa ixa'e ka caade an ka ildaannon akkine” amana diishen ka, karittaaysho kokkonnayshen malla, ishootta fuke.

Mariqoosi 2:8

Eennow Yesuusi ka wa karittaaysho kara dikannaane hapuraadin upnaade ka ishootta kide, “Maana'e isi karan xata wa asse paha dikannittan?

Mariqoosi 3:5

Yesuusi ka karittaaysho a dundune qara nyarrahe; ka orra a kapandesa co ilda miiratin tooye ka namaseti kide, “Harkaayti derayshe!” Ikka derayshe, harkase xaadi ka dine.

Mariqoosi 6:52

Karittaaysho'e lule ikka daxxoose a laaqqota qara kode matte in qapnin diishe, helati sede ishoottan qawwasso.

Mariqoosi 8:16

Ishootta ka olli kidene, “Ha takka punu qootan laaqqoota an qapnin malla asse kide koddita.”

Luqaasi 24:25

Yesuusi ka ishootta kide, “Ishina a matte paata qapnaani in kinnini, karittaayshin ka wa xuumampaya haasawadene piisa amana kapa sekaade!

Yohaannisi 16:30

Atti akkima we' piisa upto, nama takka' nefo ka ke qara kaassuma kaassatta isha parpaaccisni in kinnin, amman upnaanne. Semmalla akka' Waaqa kapa deete in amanninna.”

Yohaannisi 21:17

Ka asessattati ishi kideewwe, “Simooni inna Yoona, hela i'ana jaalanni?” Qoota a sessattati ishi' kide ‘Hela i'ana jaalanni malla, Peetiroosi inyarrahe ka kide, “Poqallaay! Atti we piisa' upta, akkiman ke jaalanno nefo atti i'upta.” Yesuusi ka ishi. kide, “Kahirraayyo dawwe.

Keleshaata 2:23

Hellaadi tootannen qatta'a. Tikka kiristaana' piisa ka a dikatta isho xajeelta nama kara qorro akkima ana koddite upnaadan. Anka mattaayshin mina'e, akka kodaayshina' mina ishina' daasha.