Mariqoosi 8:11 - Mataafa Qulqulloota

¹¹ Feresata Yesuusi kapopa deete ka isha shiisha paayyite ka isha ekkaysatta dikatte ka akka moonte xata daxxoota takka ishootta akkisho isha kaassatte.

Mariqoosi 8:11 ပူးပေါင်းရင်းမြစ်များ

Mataafa Sooketa 17:2

Seminan samayta ka Muuse qara xa'e ka ishi kiini, “Pisha an ikkina ino daashe.” Muuse ka ishootta kide, “Maana'e ana qara xaanittan ka maana malla Yaahiwwe ekkaysannittan?”

Mataafa Sooketa 17:7

Qoota samayta Isira'eeli peeqqa xaashe ka Yaahiwwe ekkaysade ka kide, “Hela Yaahiwwe ino olli icaam moon in co” malla, Muusi ka porooseti maxxa kode ka kide, “Masaahi isho “Meriipa.”

Xuuma Milkiyaasi 3:15

Orra isi peepno, sanaya, orra wa neeqa' koono iteyaantoonni, orra Waaqa ekkaysanno qara'e, rakkoota takka nefo deeni in kitto.’”

Maatiyoosi 12:38

Sitiiyyi kollissampaya a seera isho Feresaatoppaayye orra demo ka Yesuusi kaassade ka kide, “Kollissampayto, oto wa orra qawwanna koonittooyye akkeetan faaninna.”

Maatiyoosi 19:3

Sitiiyyi Feresaata ka Yesuusi kapopa deete ka isha ekkaysatta faate ka isha kaassatte ka kiite, “Hela nama wa koddina piisa minanne akka iskatteetaadi alle diisho ifaqqatamte?”

Maatiyoosi 21:23

Yesuusi ete tika qulqulloota kelopa kulle ka orra kollinnooyye, saarra qeesewwa isho qimaya piita isha kapopa de'en ka isha kaassaden ka kidene, “Hupna a ukkumeeta a maanaatinni kodaddoosen kooni? Ayno hupnoose a ukkumeeta ke daashe?”

Maatiyoosi 22:15

Sekkammaaye Feresaata akka afa talafan Yesuusi qapto'e ante ka olli sulatte.

Maatiyoosi 22:18

Yesuusi xoori dikattaaysho a neeqa upnaade ka ishootta oorshe ka kide, “Ishina pappahanassampayaay, maana malla afa talafa ana qara faanittan?

Maatiyoosi 22:23

Awsetiiyyiiw, Saatuqaata a kiinitto, “Tootoppa xaana in caan.” Ka isha kapopa deete ka isha kaassatte ka kiite,

Mariqoosi 12:15

Yesuusi xoori akkima okoto asse haasawannaane upnaade ka ishootta kide, “Maana malla afa talafan ana qapa faanittan? Intoonno, shilinka takkan ana xooya, an ka tooyyooy.”

Mariqoosi 2:16

Kollissampaya seera a feresaata kodde, ete Yesuusi orra qarata qaratno isho juppoolaya olli damta dammo ikka akkeneeyye, tamaarewwaadi kaassaden ka kidene, “Isha maana'e orra qarata qaratno isho juppoolaya olli damta dammi ka ikkayta ikkni?”

Mariqoosi 9:16

Yesuusi ka tamaarewwaadi kaassade ka kide, “Ata maana qara ishootta oli shiishnittan?”

Luqaasi 10:25

Kuyyaata takkaayye kollissampayta takka a seera'e Yesuusi kapopa de'e ka isha ekkaysatta fade. Ka isha kaassade ka kide, “Kollissampayto, caatta parapara akkatta'e maana kodeeta ana faani?”

Luqaasi 11:16

Orra demoow isha ekkaysatta fadeew ka akka moontexata milikkita takka ishootta akkisho isha kaassade.

Yohaannisi 4:48

Yesuusi ka ishi kide, “Ishina haka wa orra qawwanna ka olsa paha akkittan mali, a amanni a kittan.”

Yohaannisi 6:30

Ishootta ka ishi kidene, “Akkan akkino ka ke amanno'e, koda orra qawwanno maana ino akkissa ka maana koota?

Yohaannisi 7:48

Hela xawwa ukkumampaya isho feresata oppa a isha amane ica?

Yohaannisi 8:6

Wa malla asse kidene, wa ishin isha xasasan akkatta'e isha ekkaysatta faden. Yesuusi xoori xata kide ka qupittaadin piita qara puusseeta paayye.

Kodampaya 5:9

Peetiroosi ka isheetta' kide, “Hapura Waaqa ekkaysatta'e, atta olli' kalten? Tin orra a diirtaayti hawle ka kallo xarroppa ca ka ke nefo qeeda ka hawlaaw.”

Qorontoosi a paayyota 10:9

ishoottoppaayye orra demo akka Poqalla ekkaysade, maaka ka ishootta qome ikka piramen mina'e, ino' nefo Poqalla ekkaysatta diinna.

Mataafa oppa' Ooreta 6:16

Akka pora “Masaahi” kidammo oppa Yaahiwwe Waaqaayshin ekkaysatten mina'e, isha in ekkaysadan.