Mariqoosi 7:21 - Mataafa Qulqulloota

²¹ Ishootta nefo, dikatta neeqa ka sharmuutuma ka hatanta ka nama ikassa

Mariqoosi 7:21 ပူးပေါင်းရင်းမြစ်များ

Mataafa Uumata 6:5

Yaahiwwe orra piita qara kalo akkima neeqi ka karittaaysho kara neequmta dikanno akke.

Mataafa Uumata 8:21

Aluma a kalisootaseti ka Yaahiwwe xasayshen, Yaahiwwe ka isi karanxata dikade ka kide, “Nama kadi punu a shakki paayyeew dikatta neeqa qapaayye, amma desa dapa nama' malla piita an jiijo. Umma akka amma' mina'e, lammatta uumata piisa an pashsho.

Mataafa Iyyoopi 14:4

Wa nyale kara ayno wa qulqullaawe' sookissa ettansha? Nama takka nefo sookissa in ettansho.

Mataafa Iyyoopi 25:4

Nama kuli atta Waaqa tura hanqeellayta kodda ettansha? A iskatta kara dalanno ka jureeta dapa ettansha?

Mataafa Masmuureta 119:36

Qurqummumaayyo kapaayye, qaaletaayti qaropa ana tiitayshe.

Mataafa Masmuureta 14:1

Eeppa iskaranxata dikanni ka kiini, “Waaqa in co.” Ishootta inyapalen, ka nyala heente koden; umma a paxaarumta koono in co.

Mataafa Masmuureta 14:3

Piisani kamma dapen; ka takka' nyalen; umma a paxaarumta koono takka nefo in co.

Mataafa Masmuureta 53:1

Eepa iskaranxata dikanni ka kiini, “Waaqa in co.” Ishootta inyapalen; ka nyala heente koden. Umma a paxaarumta koono takka nefo in co.

Mataafa Masmuureta 53:3

piisani kamma dapen ka takka' nyalen umma a paxaarumta koono takka nefo in co.

Mataafa Pahana 15:25

Waaqa tikka isi peepampaya'e alle' poonni; ka xeela hiyyeetteta' tooytini.

Mataafa Pahana 4:23

Caatta isha kara paadiniiy, piisa qaropeela sataataayti qanqannissa tooytado.

Xuuma Issayyaasi 59:13

In Waaqa marmanne ka ishi ishin dapne ka Waaqinno kamma alle iskammandesa oorre; falqannen xaane ka miiddota haasawanne ka darada an karittinno kara qapna' haasawanne.

Xuuma Issayyaasi 59:7

Loqqaasso neequmtopaaw hirri, ishootta ka diika a dapa in koonin tuqaapaaw jarjarri; dikattaaysho dikatta a neequmta; poraaysho a oppan annaan oppa patissa ka qitqitissaaw ka caanni.

Xuuma Ermiyaasi 16:12

Ishina'ew, neequmta kodeeta'e, aappadaassin qara jaalten ka tin karittaayshin kokkonnassen ka neequmtaayshin kammaaw annittan ka ana dakaya tiitten.

Xuuma Ermiyaasi 17:9

Karitta nama we piisa qaropeela sassapa qapa umma dina in qapo; ayno karanxata upnaatta ettansha?

Xuuma Ermiyaasi 4:14

Samayta Yursaalamitiiyyi, haka aytamiti'i neequmta karittaayshinatin kallaattan? Amma akka dintane'e, karittaayshin kara neequmta jaqqada.

Xuuma Hisqeeli 38:10

Waaqase' piisa qara qapo ikiini, “Kuyyaasetiiyyi dikatta a mattaayti'i ke kara xa'a; akka neequmta kodaaw dikatta.

Maatiyoosi 15:19

Maana malla, nama kareela, dikatta neeqa ka nama ikassa ka dahalta ka sharmuutuma ka hatanta ka darta maakkuma ka maxxa nama pattissa sookniiy.

Maatiyoosi 9:4

Yesuusi ka dikattaaysho upnaade ka ishootta kide, “Maana'e iskaran xata wa neeqa dikannittan?

Mariqoosi 7:20

Sekkamma Yesuusi ikide, “Wa nama nyalinna, wa nama kara sookna.

Mariqoosi 7:22

ka dahaleeta taaki dahalsatta ka paata kaabbeeta ka neequmta ka sassapa ka fokkoota dapeeta ka yooyo'uma ka paata otitta ka isi peepa isho isi qaran xata paata xaayeeta.

Luqaasi 16:15

Isha xoori i'ishootta kide, “Ishina mattaayshina'e, fuula orra tura'e hanqeellaya isipahanannittan, Waaqa xoori karittaayshin i'upa. Wa fuula nama turaayye ulfeena qapa paha ka akkaanna, fuula Waaqa turaayye, wa jippame.”

Kodampaya 5:4

A' kannin turan piitoose xaaytinni? A' katte kammaayyeew kaajoosen xaaytiiwwinni? Ka kuli maana malla' karittaayti karan xata asse dikatte? Waaqa diisheey nama tura' darta a'koone.”

Kodampaya 8:22

Semmalla neequmtose xaaytippa mararfado ka oppaayye oore ka akka takka punu Waaqa dikattoose a karittaayti neeqa ke diisho'e isha qinsado.

Roomi 7:5

Eta an heenna a so'atin kallaanninnaatiiyyi akkan toota dalta dallo'e, xajeeltase neeqa seeran xaxxaano meellaanno a dakinta' kara koda kooni.

Roomi 7:8

Juppoota ka ajajase seera quda de'en saanta teyte ka akka xajeelta piisa ana kara' xa'o' koote. Oton seera in kinniniiyyi, juppoota wa to'e'ey.

Qolaasiisi 3:5

Semmalla xajeeltase xaayshin a piita' piisa leysha. Ishootta nefo, sharmuutuma ka nyela ka xajeelta sharmuutuma ka neequmta karitta ka qurqummuma sene killanna waaqaysatta kodde.

Tiito 3:3

Ino' nefo setturanne an eeppa a ajajammi in kinnini ka a kamma dape ka a xajeelta ika lekayta isho xasa so'aati karpishshume. Ka falqa ka yootan kallaanna ka needdatame ka oli needdanna.

Yayqoopi 2:4

Ka kuli sedenne akka orra olqara jaalinnittan ka firteeta qatayma' farannittan ishina akkaanni in kitto?