Mariqoosi 6:20 - Mataafa Qulqulloota

²⁰ Paayyota qaraayye, Herodiisi akka Yohaannisi qulqullitta ka hanqeellitta kodde qoota upo malla, i'isha tura fuurri ka isha qara tooyni. Herodiisi oto haasa Yohaannisi dakkaysannooye itammaqni. A koddito ma isha dakkaysatta ijaalanni.

Mariqoosi 6:20 ပူးပေါင်းရင်းမြစ်များ

Mataafa a Nuqussa a paayyota 21:20

Ete Eeliyaasi Aki'api kapopa aaneeyye, Aki'api ka ishi kide, “Oo nyaapiyyo i'ana akkattewwe?” Eeliyaasi ka ishi kide, “Qoota fuula Waaqa tura neequmta kodeeta issi katte malla in ke akkadeew.

Mataafa a Nuqussa a lammatta 13:14

Sitiiyyi Elsa'i paaqase a kuli ishin to'onne paaqni. Yo'asi nuqusa Isira'eeli ka a intoonin turan Elsa'i tooyya lekkade ka isha qara pooye ka kide, “Oo aappo! Aappo! Sarakellada isho fartada a Isira'eeli!”

Mataafa a Nuqussa a lammatta 6:21

Nuqusa Isira'eeli ete ishootta akkeeyye, Elsa'i kaassade ka kide, “Aappo! Hela in ishootta leysha ka pira?”

Mataafa Otoowwa a lammatta 24:2

Aqeesittase Yoodaahe co piisaayye, Iyyo'aasi fuula Waaqa tura'e wa paxaara'e kode.

Mataafa Otoowwa a lammatta 26:5

Ka sapana a Sakkaariyaasi isase Waaqa fuureta isha kollisheeyye, Waaqa fadeeta kamma aane; ka eta Waaqa faana karaaye Waaqa ka we piisa olikelan ishi teye.

Mataafa Sooketa 11:3

Yaahiwwe ka akka Isira'eeleta Kipseeta tura jaalatamto kode. Muuse ka piita Kipsi piisa karaayye fuula saarra Feri'ooni isho a samayta piisa tura'e nama ulfeessame kodde.

Xuuma Hisqeeli 33:32

Atti Hisqeeli samaytose' tura'e, palpalayta a kehayta dawno ka saara a hemitta saarinno pahanaatta; ishootta ka ke dakkaysadan umma wa' kiinitta in kodan.

Xuuma Taani'eeli 4:18

Anka Taani'eeli' kide, ‘Semmalla innayti Piltasoori, anti nuqusa Naapukedenasoori olsan olsoode seneey, maana akka kodden ana' lele; maana malla ookka mankisteeta an mukinno oppa ca ana' lela in ettanshaneey, ma xoori xaayti qoota hapurase a qulqullitta Waaqa ke kara co malla ana' lela i'ettanissa.”

Xuuma Taani'eeli 4:27

Semmalla nuquso! Waan ke dehaamma dakkaysado, juppoota koda diishe. Ka koda fayya patta kode. Ka koda neeqa alle' diishe ka orra rakkanno suraysado, oto asse kootooyye takka punu Waaqa akka' nakaytan kallaatto'e paraayti derayshaay.”

Xuuma Taani'eeli 5:17

Taani'eeli ka ishi' kide, “Nuquso, daassata a ana' daasso a ke'ew hasso; loqshaatti nefo nama pilaati' daashe; ma xoori taafetoose in ke nappapa ka mana akkima koddite ke' lela.

Maatiyoosi 14:5

Herodiisi ka oori isha ikassa faani ma qoota samayta Yohaannisi akka xuumampayta mina dikno malla, samayta fuure.

Maatiyoosi 21:26

Oton in kiinaawwe ‘Nama kapa deeteeyye’ orra piisa Yohaannisi xuumampayta dikniiy, samaytan fuurrinna”

Mariqoosi 11:18

Saarra qeesewwa isho kollissampaya a seera ka a sede haasawannooyye isha dakayen ma qoota a samayta piisa kollissaadippa qawwaawno malla fuuren; ka saanta saanta a oppan isha ishshan faddanni

Mariqoosi 4:16

Xottasene kookohota qara seehe nefoow, orrase ete qaalese dakaye, eennow xasan teyyanno lelli.

Yohaannisi 5:35

Yohaannisi akka ipsa opayna ka la'ayna mina'e kodde; ishina ka eta shakkaya kara ipsoosen xaadin xasootta faaten.

Kodampaya 2:12

Semmalla ikka piisanti oppa' qawwaawen ka wa kidane' dapen ka olli' kidene, “Ata wessen maana koddan!”

Kodampaya 5:24

Ajajampaytase a tooytampaya tika qulqulloota isho saarrasene a qeesewwa ete sede dakayeneeyye, tura'e ollin patte; ikka kidene, “Ka kuli sede maana koddita?”