Mariqoosi 6:12 - Mataafa Qulqulloota

¹² Ishootta ka eyye xa'en ka akka orra piisa juppootoppa tiitaawo'e kollishen.

Mariqoosi 6:12 ပူးပေါင်းရင်းမြစ်များ

Xuuma Hisqeeli 18:30

Waaqase' piisa qara qapo ikiini, ‘Ishina samayta Isira'eelitiiyyi, anti akka kodaayshina kapa'en ishin takka takka qara' farataay, juppootaayshin oppa oora! Ka akka' juppootaayshinan a pirammini'i, juppootayshin piisa oppa tiitaawa!

Maatiyoosi 11:1

Yesuusi ete tamaarewwasene xaadi kudanka lakki'i ajajddosen daashe kammaayye, porose oppaayye xa'e ka otootase a fayya torreeta ka kollissa'e katamadda a eyye kapan desa ca karopa aane.

Maatiyoosi 11:20

Sitiiyyi katamaddasene a daxxowwa kuttumtan kara kodamene, qoota juppootoppa in oorrin malla, Yesuusi ishootta hamatta paayye ka kide,

Maatiyoosi 3:2

“Tin mankisteeta Waaqa idehaatteey, juppootayshin oppaayye oora!”

Maatiyoosi 3:8

Asseeyye, koda akka a juppootayshin oppa oorten akkinno koda.

Maatiyoosi 4:17

Sitiiyyi paayyatte Yesuusi ka torra paayye ka kide, “Mankisteeta a Waaqa idehaatteey, juppootayshin oppaayye oora.”

Maatiyoosi 9:13

Ma xoori aana ka isase taafamte ka kiinitto, ‘Anti diissatan jaalanni diisheey, kalisoota an jaalanni an co’ Maana akkima koddite kara qora ka upnaada anti juppoolaya halaa'en de'e diisheey, hanqeellaya hala'e an deeneey.”

Mariqoosi 1:15

ka kollinni ka kiini, “Eta idesa kayen, mankisteeta Waaqa nefo ka dehaattey, juppootaayshin oppaayye alle oora ka otootase a fayyaati amana. ”

Mariqoosi 1:3

Sede nefo, isase taafamte ka kiinitto, “nama takka koommaytoppa salinni ka kiini, ‘Poqalla pora harmisha ka saantaadi nefo ishi qajeelsha.’”

Luqaasi 11:32

Akkimoose mina'ew kuyyaata firteetatiiyyi, orra katama Nenewe xeltoose olli xa'a ka ishootta qara' farata; orra Nenewwe ete qaalese a Yoonaasi torrino dakayeeyye juppootaaysho oppa maraarfade ka oppa ooreey ma xoori, tin a Yoonaasi qara qapo areeyye ca.”

Luqaasi 13:3

Inna! In ishina kiini, ‘Oto juppootayshin oppa a oori a kinniniiyi, ishina a xaaysho mina'ewwi pattan.’

Luqaasi 13:5

Inna! In ishina kiini, oto juppootayshin oppa a oori a kinniniiyi, ishina kuli a xaaysho mina'ew asseew pattan.”

Luqaasi 15:10

In ishina kiini, juppoolayta takka a juppootaadi oppa tiitaawno minanne moonte erkampattowwa a Waaqa asseew xasoonni.”

Luqaasi 15:7

Semmalla in ishina' kiini, hanqeellaya kunda sakali' sakal a juppootoppa tiitawa ishootta parpaaccisni in kinnini kapaayye, juppolayta takka a juppootaadi oppa tiitaawno minanne moonteeyye asseew xasa koddini.”

Luqaasi 24:47

Akkimse mina'ew, maxxaadin, juppootoppa ooreta ka haseenta juppoota akkatta, Yursaalami paayyatte piitaddaappa samayta piisa torramto ilelamte.

Luqaasi 9:6

Erkamampayasene ka eyye xa'en ka porra piisoppa paaqolaya dininni. Ka palewwaappa anni ka otootase a fayya kollinni.

Kodampaya 11:18

Ishootta ete sede dakayeneeyye, wa mina oorshane'e dapen ka jaw kiden ka Waaqa kalataysaden ka kidene, “Ete asse kodditeeyye orra Yihutaata in koddinin kuli'i juppootoppa ooreeta a caatta haarayoppan ishootta kayo ishootta' daashe kideeta.”

Kodampaya 2:38

Peetiroosi ka ishootta' kide, “Juppootaayshin oppa oora ka akka juppootaayshin ishina' hasto'e, ishina takka takkaayye maxxa Yesuusi Kiristoosin jaqqama, Hapurase a Qulqulloota daassata Waaqa' kodde' teyyattaneey.

Kodampaya 20:21

Yihutaata isho orra a Yihutaata in koddinin akka juppootopa ooran ka Waaqopa tiitaawan ka Poqallaanno Yesuusi Kiristoosi amanane'e, tura desa in ishootta' lele.

Kodampaya 26:20

ma paayyota qaraayye, orra Tamaasqo kara co ka kamma desaaw orra Yerusaalami isho a piita Yihuta piisa oppa co ka Yihutaata in koddini kuli, akka juppootaysho oppa ooro ka Waaqopa tiitaawo ka juppootaaysho oppa ooretaayshoti wa akkinna kodo'en ishootta kollishe.

Kodampaya 3:19

Semmalla akka juppootaayshin ishina' hasto'e alle juppootaayshin oppaayye oora ka Poqallaapa tiitaawa.