Mariqoosi 5:15 - Mataafa Qulqulloota

¹⁵ Ka Yesuusi kapopa de'e. Ka namase a turan karaayye hapurra nenneeqa caan a isi upnaade ka mehaddaadi kalsade ka eeyye qaa'e akken ka fuuren.

Mariqoosi 5:15 ပူးပေါင်းရင်းမြစ်များ

Mataafa Otoowwa a paayyota 13:12

Awsetiiyyi Taawwiti qoota a kuttati Waaqa fuure malla ikide, “Ata kuli attan taapotese a Waaqa issipa teyyatta ettansha?”

Mataafa Otoowwa a paayyota 15:13

wa malla Waaqa Poqallaanno a kuttati ino qara miirode, qoota ishin Lewaateeyye turan a deenin, ino nefo ka taanteta a turan lelamte qara isha an kaassannin malla.”

Mataafa Iyyoopi 13:11

Hela kuttumaadi ishin tammaqinni in caane? Hela fuuraadi ishin qapni in caane?

Mataafa Masmuureta 14:5

Waaqa qoota hanqeellaya olli co malla, pora oppa caaneeyye tammaqtan piraman.

Maatiyoosi 12:29

Nama takka a paayyota nama kokkoka in punnin ka in hiinin mali, atta tika namoose kokkoka opa kulla ka meehaadi poota ettansha? Oto namase kokkoka puto ka hido kammaayye, meehaadi pootatta ettansha diisheey

Maatiyoosi 26:53

Hela katin aappinno qinsadaayye, a erkampattowwa a kola xela oranna a kudanka lakki qara qapa ana in erkinini ke pahata?

Maatiyoosi 4:24

Qoota kurraadi piita Sooriya pisoppa dakaade malla; orra ka a paaqa isho deesa ika lekaytan miidamma ka a orriyyaan qapame ka a mawna isho totoonnaya piisan isha kapopan de'e; isha ka ishootta dinshe.

Maatiyoosi 9:33

Ete orrittase isha kara sookeeyye, namase ka haasawade. Samayta ka oppa qawwaawe ka kide, “Xela wa asse paha apari piita Isira'eeli oppa in akkaanne!”

Mariqoosi 5:14

Sikimaya tuuyyawwaseneti ka alle qahen ka, katama isho palewwa kara otootase torren. Orra ka wa kodde tooyya malla tikkaasso kara sooke.

Mariqoosi 5:16

Orra turan sede akke ka wa namase orriyyaan qapame isho tuuyyawwasene qara kaye piisa ishootta torre.

Mariqoosi 5:18

Ete Yesuusi koonka karopa fayyannooyye, namase a turan orriyya kara caan Yesuusi qinsade ka kide, “Ana ke olli de'o.”

Mariqoosi 5:4

Isha a lekatinni kaatena isho sansalaatan loqqa isho harka tupa hidammi, ma xoori sansalaatase alle meeni ka kaatenaase qeqqepinni ka alle dakkini. Umma nama takka nefo isha qapeeta ka isi kelopa oorissa ettaninni in co.

Mariqoosi 5:9

Yesuusi ka isha kaassade ka kide, “Maxxaayti ayno?” Isha ka orshe ka kide, “Qootan lekinno malla maxxiyyo lekiyoon. ”

Luqaasi 10:39

Enentaaysho nefo Maariyaami kidammi; Maariyaami loqqa Yesuusi kela'e kutiite ka kollissaadi dakkaysanni.

Luqaasi 8:27

Yesuusi ete koonkasene kara xata piitopa lekkadeeyye, nama takka a orriyya kara caane katama kara sooke ka isha mina de'e. namoose, amehadda kalsatta alle diisheeyye, iseki; umma tikoppa kallaanni in co, ma hawlallaappa'e kallaani.

Qolaasiisi 1:13

Isha hupna tukkanta' kela ino sookshe ka mankisteeta a innaadi a jaalatameeti oppopa ino kalshe.

Timotoosi a lammatta 1:7

Waaqa, hapura hupna ka a jaalala ihso a isi tooytaatta'e ino' daashe diisheey, hapura fuura ino'en daanneey.

Mataafa Saamu'eeli a paayyota 16:4

Saamu'eeli ka wa Waaqa isha ajaje kode. Ete Peetelehemi kayeeyye. Qimaya katamaseneti ka xarri ka isha dehaaden ka ishi kidene, “Hela nakayta'ewwe deete?”