Mariqoosi 4:8 - Mataafa Qulqulloota

⁸ Xotta a taakane xoori, piita fayya oppa'e seehen ka sakkatten, sakkattase ka jife ka pale; takka ka kunda sessa pale, a pila ka kunda lehi pale, takka'ew ka dippa paleew.”

Mariqoosi 4:8 ပူးပေါင်းရင်းမြစ်များ

Mataafa Uumata 26:12

Hisaaqi ka piitooseti unta aylaade, Yaahiwwe ka oppa ishi' sake ikka parase oppaayyeew akata palaysade.

Xuuma Issayyaasi 58:1

Waaqa ikiini, “Jaw in kidan ma nessaayti kuttishe ka salishe ka a kaasa' mina' dawe ka ishin dapaytaaysho samaytiyyo' lele ka sanynyeeta Yayqoopi' juppootaaysho' lele.

Xuuma Ermiyaasi 23:29

Waaqa ikiini, “qaaletiyyo, apitta minanne? ka purrishaase shila yooqno minanne?”

Maatiyoosi 13:23

Xottasene piita fayya oppa seehe'ew, ini namase qaaletase dakaye ikka ishi kallitto lelli. namoose nefo dalta dalli; takka harka dippa, takka ka harka kunda lehi, takka ka harka kunda sessa koddite.”

Maatiyoosi 13:8

xotta a taakane xoori piita fayya oppe seehen. Takka ka harka dippa palite, takka ka harka kunda lehi palite, takka ka harka kunda sessa palite.

Mariqoosi 4:20

Xottasene piita fayya oppa seehe'ew, xoori sene orrase qaaletase dakaye ka fayya teyyade lelli. Takkan ka kunda sessa dalen, a pila ka kunda lehi dalen, a pila ka dippa daleneew.”

Mariqoosi 4:7

Xotta demoow, qeeyya kara'e seehen. Qeeyyasene ka jifen ka sakkattase qara piren, ikka we takkan nefo in dallin.

Mariqoosi 4:9

Se kamma Yesuusi ikide, “Nama napahata a dakaynitto qapo, a dakayo.”

Luqaasi 8:15

Xottasene piita fayya oppa seehe xoori, orra karitta fayya ka taantetan qaaletase dakayno ka tooytino lelli. Ishootta orra qaaleseetin japaanno ka dalta dallo.”

Luqaasi 8:8

Xotta a taakane xoori, piita fayya oppa'e seehen ka sakkatten; sakkattase ka jife ka matta mina miillata harka dippa pale.” Kammadesa Yesuusi ikide “Nama napahata a dakaynitto qapo a dakayo.”

Yohaannisi 15:5

“Anti an quduppatta qoyra wayneeta, ishina' nefo a taammaayyo. Nama anan kallaanno, anti ka ishin kallaanno, delta kutta'e dalli; maana malla, ana maliiyyi we takkan nefo kodeeta a ettanissaneey.

Yohaannisi 7:17

Nama heenna isase ana erke koda faano otoon icaayye, kollissoose akka Waaqa kapa de'e, taaki an anti isi kareela haasawade kodde i'upnaada.

Kodampaya 17:11

Yihutaata a Peeriya kara kitto, a Tesselonqe kara kitto kapaayye qoota qalpeeta fayya qapto malla, xasa kuttanne qaalese teyyatte ka akka qaalese a Pawloosi dukaata koddite qalpeeffatta'e, kuyyaata kuyyaatan mataafa qulqulloota nappapni ka kara qorri.

Efesooni 2:21

Qupeeta piisa ishannew oli mina kakkalte ka tikase a Qulqulloota a Poqalla' kodda kuttanni.

Filippisiyuusi 1:11

Ka ulfeena isho kalata Waaqati'i, daltase a hanqeelluma Yesuusi Kiristoosi qudan teyannitton immakaattan malla.

Qolaasiisi 1:6

Kuyyaata a ishina otoose a fayya' dakayten ka daassata Waaqa akka dukaata koddite upnaatteneeyye paayyatte, otootose a fayya akka ishin oppa' koddite mina'e, piita piisa oppa' delta dela ka kuttatta tupa kitta.