Mariqoosi 4:31 - Mataafa Qulqulloota

³¹ Isheetta uqqinteeta leyaa'e pahata. Uqqinteetase a leya, oto qupammittooyye xotta piita qara ca piisa kelopa xata shakki.

Mariqoosi 4:31 ပူးပေါင်းရင်းမြစ်များ

Xuuma Issayyaasi 53:12

Isha' qoota toota' isi tarpishe ka daashe malla, ukkuttowwaappa'e dikame; ka juppoota a orra lekayta' haadade, ka a ishin dapeeti' qinsade; semmalla anti akka kutkuttowwa olli qoottota akkaado'en isha koda, ikka irreelaya olli poojeta qootada.”

Xuuma Issayyaasi 53:2

Fuulaadi tura akka sakkatta, ka akka hittina a piita kokteppa dehe mina'e kuttade; ka akka ino isha quda an tooynini'i, xarjaalluma taaki ulfeena in qapo; umma akkan ino isha an jaalannini'i pissa in qapo.

Xuuma Issayyaasi 60:22

Keppaayye a shakka kumadda kodda, a akata shakka ka mankisteeta a hupna qapto kodda; anti an Waaqa; ka etaadippa sede jarjartan dikkisha.”

Xuuma Issayyaasi 9:7

Palduma a mankisteetaadi ka a nakaytaadi' pirama in qapan; ammaayye paayyatte haka paraparati'i; mura dukaata ka hanqeetanne mankisteetaadi qaatisada; ka quda qapa ka kokkonnassa'e, sufaanetase a Taawwiti qara' kuti'a; ka piita piisa pidda; yoota Waaqase we piisa ettaninno ka sede koota.

Xuuma Sakkaariyaasi 12:8

Kuyyaasetiiyyi, ana Waaqa orra Yursaalamiti kontaleeta xelsuma kodda; a ishoottoppa dikkeeti nukkullaade ka a Taawwiti mina kokkonnaadan. Sanynyeeta a Taawwiti ka a erkampattoota a Waaqa' mina'e ka akka a ana a Waaqa' mina'e, samayta tura qatta.

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Xuuma Milkiyaasi 1:11

Waaqase we piisa ettaninno ikiini “Samayta piita qara kalo piisa haka piirtotati paayyatte haka dumaatati ana ulfeessini ka pora pisa oppaayye tankarta alaawnitto ana qayyanni ka kalisoota qaja in qapnin ana kalinni, orra piisa ka ana ulfeessa.

Mariqoosi 4:30

Yesuusi ikide, “Mankisteeta Waaqa, maana kapa'en isheetta qapna? Ka pahana maanaatin isheetta ekkanna?

Mariqoosi 4:32

Oto qupamto kammaayye xoori, ikuttanni ka qora piisa qara jaalli ka taamma kukutta dehinni. Xampira nefo ka qara saatta saattaanni.”

Luqaasi 17:6

Poqalla Yesuusi ka ishootta kide, “Kadi amanteeta uqqinteeta leya mina kitto qaptaneeyye ka leyoositi kiinittane, ‘Areppaayye putame ka pakateetoppa dishameeyye’ i'ishina ajajama.”

Kodampaya 19:20

qaaleta Waaqa ka seden akata paldaatta ka hupnan anni.

Kodampaya 2:41

Ishootta oppa lekaya ka qaalese' teyyaden ka jaqqamen. Kuyyaasetiiyyi, nama amane a kuma sessa mina co ka padaawame.

Kodampaya 21:20

Ete sede dakayeneyye, ikka piisanti Waaqa kalataysaden. Ka Pawloosi kidene, “Innaanno! orra amanno a kumadda leka kayo akkima Yihutaatoppa co, ka piisaniiyyi seera yoota qapo i'upta.

Kodampaya 4:4

Ma xoori orra qaaletaaysho' dakaye oppaayye lekaya amane; lekumta a orra amaneeti ka kuma ken opeela padaawamte.

Kodampaya 5:14

Diira isho iskatta a Poqalla amanno dikootaaysho akata qara koopaanneew anni.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.