Mariqoosi 4:20 - Mataafa Qulqulloota

²⁰ Xottasene piita fayya oppa seehe'ew, xoori sene orrase qaaletase dakaye ka fayya teyyade lelli. Takkan ka kunda sessa dalen, a pila ka kunda lehi dalen, a pila ka dippa daleneew.”

Mariqoosi 4:20 ပူးပေါင်းရင်းမြစ်များ

Mataafa Uumata 26:12

Hisaaqi ka piitooseti unta aylaade, Yaahiwwe ka oppa ishi' sake ikka parase oppaayyeew akata palaysade.

Maatiyoosi 13:23

Xottasene piita fayya oppa seehe'ew, ini namase qaaletase dakaye ikka ishi kallitto lelli. namoose nefo dalta dalli; takka harka dippa, takka ka harka kunda lehi, takka ka harka kunda sessa koddite.”

Maatiyoosi 13:8

xotta a taakane xoori piita fayya oppe seehen. Takka ka harka dippa palite, takka ka harka kunda lehi palite, takka ka harka kunda sessa palite.

Mariqoosi 4:8

Xotta a taakane xoori, piita fayya oppa'e seehen ka sakkatten, sakkattase ka jife ka pale; takka ka kunda sessa pale, a pila ka kunda lehi pale, takka'ew ka dippa paleew.”

Luqaasi 8:15

Xottasene piita fayya oppa seehe xoori, orra karitta fayya ka taantetan qaaletase dakayno ka tooytino lelli. Ishootta orra qaaleseetin japaanno ka dalta dallo.”

Yohaannisi 15:16

Ana ishin reexade diisheey, ishina ana a reexanne. Anti ka akka antan ka delta kutta' deltan, deltaayshin ka a kallaannitto koddito'e ishin shuumade. Semmalla wa maxxiyyon qinsannittane piisa Waaqa Aappa i'ishina' daasha.

Yohaannisi 15:2

Taama ana qara co ka dalta dalli in kinnin piisa Aappinno alle'e murri ka alle' kanni. Ka taama delta dallo akka dalta kutta' delo'e, qara tamini ka harminni.

Roomi 7:4

Hellaanno a kiristaanatiiyyi, xaayshin kuli asseew pahata. Ishina' qoota dakinta Kiristoosi quda meella kodditen malla, a tootan sekaatta' mina kitto'e' seera kapa sekaatten. Semmalla akkan koda a Waaqati dalta dallo'e Kiristoosise tootoppa xa'e quda kodditen.

Filippisiyuusi 1:11

Ka ulfeena isho kalata Waaqati'i, daltase a hanqeelluma Yesuusi Kiristoosi qudan teyannitton immakaattan malla.

Qolaasiisi 1:10

Ka akka poqalla'e saanta aparpaaccisnitton kallaattan ka koda a paxaara ika piisa kodeetan dalta daltan ka qinda piisan isha xasassaan ka Waaqa upnaattaan kuttattaan antani'en ishina Waaqa qinsanninna.

Teseloonqe a paayyota 4:1

Hellaanno a kiristaanatiiyyi! piraampira qaraayyeew Waaqa xasassa'e, atta kallaatta akkima ishina parpaaccisnitto ino qara ikkollatten ka amma se qara kallaannittan; Waan Poqalla Yesuusin ishin naappanninna ka ishin dehaamminna' nefo, a turan kooten qaropa akka' jaalissan ka kootan.

Petiroosi a lammatta 1:8

Kadi kuttumtan sene qapnaannittaneeyye, Poqalla Yesuusi Kiristoosi upnaatta'e, akka a we nakanni in kinnin ka dalta in qapnini a koddinini'i ishin tooytan.