Mariqoosi 2:20 - Mataafa Qulqulloota

²⁰ Ma xoori kuyyaata a hemampayta isheetta kapa qeedamo de'aay, awwse damta musatta.

Mariqoosi 2:20 ပူးပေါင်းရင်းမြစ်များ

Mataafa Masmuureta 45:11

Nuqusa xarjaallumaatti isateey, qoota poqallaatti kodde malla ishi' kaareta oorshe.

Masmuureta a masmuurewwa piisa qara jaallitto 3:11

Ishina' tuparra Yursaalamitiiyyi sooka ka Selemooni a kulleetaadi a nuqusuma' kalsade tooyya. Ha kulleese, kuyyaatase a oppa xasoonno a hemittaaditiiyyi aayyaasso matta qara ishi' kullisse.

Xuuma Issayyaasi 54:5

A ke uume ishan diirtaayti, maxxaadi nefo Waaqa Poqalla a we piisa ettaninno; a ke furanno nefo qulqullittase a Isira'eeli ka ‘Waaqa piita piisa’ kidame.”

Xuuma Issayyaasi 62:5

Akkima inna diirta enenta issin kitto heminaan mina'e, samayta Yihuta asseew ke teyyada; akkima diirta enenta a hemen xasoonno mina'e, Waaqaayti asseew ken xasooda.

Xuuma Sakkaariyaasi 13:7

Waaqase we piisa ettaninno ikiini, “Atti koraatetayti! Sikmaytase xayyo an ollin moottumminno qara' xa'e ka dayshe; kahirra ka alle' pasen. Anti nefo harkiyyon a shashakka qaropa oorsada.”

Maatiyoosi 26:31

Sitiiyyi Yesuusi ka tamaarewwaadi kide, “Itaafamte ka kiini ‘Sikmaytan daysha, xelloota kahirra ka olkela pasta.’ Semmalla awwe halkeesse oppaayye alle ana diissan ka ana kapa qahatan.

Maatiyoosi 9:15

Yesuusi ka ishootta oorshe ka kide, “Oto hemampayta hemattoota kapa cooyye, hemattootose inyarrahani? Ma xoori eta a oppaayye hemampayta ishootta kapa qeedamo de'ay, etoosenetiiyyi damta musadan.

Mariqoosi 2:19

Yesuusi ka ishootta orshe ka kide, “Hela oto hemampayta hemattota olli cooyye, hemattose damta musatta i'isheetta faani? inna'i! Haka hemampayta isheetta olli co kara'e, damta musatta isheetta faani in kitto.

Mariqoosi 2:21

“Nama ohaata kerite qara japara haraya heddinno in co. Oton qara'e heddishaayye, japaroose haaraya ohaatase kerite xonyola ka ka'a, kaamattaadi ka a deyyo qaran qapnaada.

Luqaasi 17:22

Kamma desaaw Yesuusi itamaarewwaadi kide, “Kuyyaata oppaayye kuyyawwa inna a nama oppaayye, takka akkeeta yaatattane de'a. Ma xoori a akkitan.

Luqaasi 5:35

Ma xoori eta a hemampayta ishootta kapa qeedamo de'ay, awse damta musadan.”

Yohaannisi 12:8

Teekolaya awta piisa ishin kapa caan, anti xoori awta piisa ishin kapa an caado.”

Yohaannisi 13:33

Hellaayyooyye, anti an ishin kapa a kuttati an jaro, ishina ka pora ana faatan. Akkiman ukkumampaya a Yihutaati kide'e, ‘Pora an anti opa anno opa deena a ettanissan’ mina'e, amma nefo asseewwen ishina' kiini.

Yohaannisi 16:28

Anti Waaqa Aappa kapaayyen sooke ka piisse qaropa de'e, amma piisse in diishaaw ka Waaqa Aappa kapopa aana.”

Yohaannisi 16:7

Anti xoori, dukaatannen ishina' kiini, antiyyo ishina' wayyi. Oton anti an anniniiyyi xasa oorissampaytase ishin kapopa in de'o. Oton xoori in aanaayye, ishan ishina' erka.

Yohaannisi 17:11

Anti arepa desa piita qara'e an kallaado; ishootta' xoori piita qara caan, anti ke kapopan deeni. Aappo Qulqullitto, sene a ana' daasse akkima xanno mina takka koddane'e maxxase' xaayti a ana' daassen ishootta tooyte.

Yohaannisi 17:13

Amma anti ke kapopan deeni. An piita qara cooyyeew, waan malla sede haasawanna, ishootta akka isi kapaayye xasoottiyyo immakkoota qapnaadan malla.

Yohaannisi 3:29

Nama haantota qapo, ishan hemampayta; nama hemattoota kodde, hemampayta kapa'e qa'anni ka nessaadi dakkaysanni ka nessaadi a dakkaysannon xasoonni; semmalla xasoottiyyo nefo sedeew; amma oori i'immakaade.

Kodampaya 1:9

Ka ete asse kide kammaayye, a ishootta isha tooynaaneeyye, moontopa fayyade ka oraarta karopa tawe ka ildaasso tura dapade.

Kodampaya 14:23

Ka tikka a kiristaana kara ishootta qimaya shuumen ka ete damta musaden ka ishootta Waaqa qinsaden kammaayye poqallasene a amaneneti ishootta atara' daashen.

Kodampaya 3:21

Akkima Waaqa xattaaw afaa xuumampayaadi a qulqullaawe oppan haasawade mina'e, isha haka eta a piita piisa harmisammitto kaynitto kara'e, moonta' jara;

Qorontoosi a paayyota 7:5

Qinseetan kokkonsatta'e oton ippiisanti olli' kalteneeyye eta' desa diisheey, olikapa ma'eetanne takka dakintaadi takka in dawrinin, sede minan akka isi tooytaatta ishinanne in kammin, seetana ka ishinan ekkaysannini'i, olkapaaw kinnaada ka dakintaayshin olli' daasha.

Qorontoosi a lammatta 11:2

Enenta takka a qaja in qapnin akkima issin kinnaattaadin diirta takka' hemitta' qapatammitto mina'e anti' qootan Kiristoosi ishin qapade malla, qootaayshinaayye desa yoota Waaqa'en qapa.

Qorontoosi a lammatta 11:27

A kuttati'in koda kode ka yaale ka a lekatin mukitta dape ka doxe ka deepoode ka a lekatin damta dape ka lulle aane ka damaysade.

Qorontoosi a lammatta 6:5

qidamittanne ka hidamaanne ka tiyya ka tapeetanne ka yaalanne ka mukitta dapnaanne ka doxanne

Keleshaata 19:7

Qoota sarkeeta laahaseti kayte malla, enenta a hemino nefo ka harmisatte malla, xooya xasoonna ka a kuttati xasoonna! Ka isha ulfeessina!

Keleshaata 21:9

Erkampattowwasene tappa isasene kuppaayya tappa a erkannawwasene a piraampira tappaan immakaade qapade oppaayye, takka ka deete ka ana kiite, “Xooye ka enentase hemamitto, iskatteetase a laahaseti'in ke akkishaay.”