Mariqoosi 16:17 - Mataafa Qulqulloota

¹⁷ Orra ana amanno piisa milikkitaddosene kamma akkaada; maxxiyyon orriyya sookshan ka afa haarayan haasawadan

Mariqoosi 16:17 ပူးပေါင်းရင်းမြစ်များ

Mariqoosi 9:38

Yohaannisi ka Yesuusi kide, “Kollissampayyto, nama takka maxxaaytin orriyya sookinnon akkine ka, qoota inoppa in qapnin malla, isha dawrine.”

Luqaasi 10:17

Tamaarewwasene kunda tappa lakki, pora opa erkameneeyye xasan kalen ka Yesuusi kapopa dehaaden ka ishi kidene, “Poqallaay, maxxaaytin orriyya kuli ino ajajame.”

Yohaannisi 14:12

Anti dukaatannen ishina' kiini, nama ana amanno, koda an anti koono koda ka laadi a se qara qapo koda. Anti Waaqa Aappa kapopan anni.

Kodampaya 10:46

Wa ishin akka Hapura Qulqulloota isasine Yihutaata in koddinini kuli daasame upnaadene, qoota isasine Yihutaata in koddinini a fadda pilaatin haasawannaan ka Waaqa kalataysannaan dakayen malla. Sitiiyyi Peetiroosi ka haasawade ka kide,

Kodampaya 16:18

Ka kuyyawwa lekaya oppa'ew o'ori ka asseew kiini. Pawloosi xoori, iquumade ka desa tiitawe ka hapurase neeqa kide, “Akka isheetta kara sookto'e, maxxa Yesuusi Kiristoosinnin ke ajajni!” Hapurase neeqa ka eennow sooke.

Kodampaya 19:6

Ete Pawloosi harkaadi ishootta qara qapadeeyye, Hapura Qulqulloota ka ishootta qara lekkade. Ikka afa pilaatin haasawaden ka xuuma haasawatta kuli paayyen.

Kodampaya 2:33

Ete harka Waaqa a akkittati kutiitta' opeela kideeyye ka kippeetase a Hapura Qulqulloota Waaqa Aappa qara teyyadeeyye, sede a akkinittan ka dakaynittane tupa xata tuqe.

Kodampaya 5:16

Orra ka katamadda Yursaalami kapan desa ca oppaayye, paaqolayaasso isho a hapurra nenneeqaatin payyahana ollopan deeni, Piisa ka dinni.

Kodampaya 8:7

Hapurra nenneeqa ka nessa kuttan ullupni ka orra lekayta kara sookni; totoonnaya isho a hekkella lekaya ka dinni.

Qorontoosi a paayyota 12:10

Ka takka'ew hupna wa orra qawwannaatin kodeeta' daanni ka a pilaati'iw qaaleta a xuuma haasawatta' daanni ka a pilaati'iw daassawwa akka Hapura Qulqulloota' kapa de'en taaki hapurra nenneeqa kapa de'en a olikela upaatta' daanni ka takka'ew afa ika lekayta haasawatta daanni ka a pilaati'iw wa afa ika lekaytan haasawame kela afa oorissa daanni.

Qorontoosi a paayyota 12:28

Semmalla Waaqa tika kiristaana karaayye matta nama' mina'e akka kodadda karkar qapnaadane kode. Ka paayyota qara erkamampaya ka a lammattati'i xuumampaya ka a sessattati kollissampaya shuume ka kamma'ew, a wa orra qawwanna' koona ka kamma'ew a daassawwa dinissa' qapa ka a dassata orra qaarqaara' qapa ka mukissampaya isho a afaa ika lekaytan haasawanna' kite.

Qorontoosi a paayyota 12:30

Hela piisa daassawwa orra dinissa' qapa? Hela piisa afaa ika lekaytan haasawanni? Moon piisa wa afaa ika lekaytan haasawame' fura ettaninni?

Qorontoosi a paayyota 13:1

Kadin punu afaa orra' isho afaa a erkampattowwa Waaqatin haasawatta ettaninnaayye ka jaalala an qapniniiyyi, an sipla kekkeheno taaki an sokojkoja kekkehna' mina.

Qorontoosi a paayyota 14:2

Nama afaa ika lekaya haasawanno, Waaqa'e haasawanni diisheey nama' haasawanni in co. Qoota wa juuttota kodde hupna Hapura Qulqullootatin haasawanno malla, wa a haasawanna' nama a upo in co.