Mariqoosi 16:1 - Mataafa Qulqulloota

¹ Ete kuyyaata sampata a orra Yihuta tarpiteeyye, Mekdelitteetase Maariyaami ka Maariyaamise Yayqoopi xaayte isho Seloome pukka Yesuusi quda daateta'e shittoota a qimaameta paxaara oppa kodamte pidden.

Mariqoosi 16:1 ပူးပေါင်းရင်းမြစ်များ

Mataafa Uumata 50:2

Ka orxayasene' xaadi qorsa upa akka pukka aappaayshoti shittoota a paxaaratin ropan ka kokshane ajaje.

Mataafa Otoowwa a lammatta 16:14

Ka Shabbaadi qimaamewwa isho shittoota a harmoota kootetin immaken ka qara isha mukkishen ka katama Taawwiti karaayye hawlase' xaadi a shiloppa xefacciise kara'e, isha mooken ka ulfeenadi'i apitta kuttayta opayshen.

Mariqoosi 14:3

Yesuusi piita Pittaaniyaatiiyyi, tika qoosholayta takka Simooni kidammooyye ca, ka eeyye damta dammi. Iskatteeta takka ka shuubba takkan daka Alpastiroosi oppa kodame a kara shittoota takka akata heeraan kokkoka ka ulfeessamte naartoosi kidammitto oppa immakaatte qapatte ka ishin deete; ka shubbasene paqisse ka shittootase matta Yesuusi qara tuqte.

Mariqoosi 14:8

Iskatteese wa ettanisse'e koote ka turanne qattisse ka dakintiiyyo shittootan daatite ka hawla harmisse.

Mariqoosi 15:40

Iskatta lake desa qa'ade ka sede tooyno ka eyye ca. Ishootta oppaayye nefo, Mekdelitteetase Maariyaami kiinaan ka, Maariyaamise Yayqoopise shakka isho Yoosa xaayte ka, Saloome ca.

Mariqoosi 15:42

Qoota letta halkeettaawte malla; lettose letta a sampata orra Yihuta tura qannitto ka a dikkisama'e koddite.

Mariqoosi 15:47

Mekdelitteetase Maariyaami isho Maariyaamise Yoosa xaayte ka ayshoppa akkima Yesuusi hawlinaan tooyni.

Mariqoosi 16:2

Ka sampateeyye torpaappa kuyyaatase a paayyotati teykantan a letta piirritooyye, hawla kapopa aanen.

Mariqoosi 16:8

Iskattase ka fuuraan xarri ka porase a hawla oppa alle sooke ka qahe; qoota akata fuuren malla umma we takka nefo nama kapa in lelle.

Luqaasi 23:54

Kuyyaase nefo, kuyyaata a oppaayye orra sampata Yihuta tura harmisanno; Sampata ka paayyatta dehaanno.

Luqaasi 23:56

Ka tikkaasso opa kalen ka pukkaseti'i qimaameta isho shittoota alaawnitto harmishen ka akka seera qara'e, sampatase a Yihutaatiiyyi nessaden ka nakayen.

Luqaasi 24:1

Iskattase ka shittootase a harmisade qapade, ka torpaappa kuyyaata paayyotati, sampateeyye paraappan hawlase kapopa aane.

Yohaannisi 19:25

Aayya opa Yesuusi isho enenta opa aayya opa Yesuusi ka iskatteetase a Qeliyoobba Maariyaami isho Mekdelitteetase Maariyaami masqalase a Yesuusi kapae'e qaqqaaden.

Yohaannisi 19:31

Sekkammaayye ukkumampaya a Yihuta akka orrose fannisame tupa kupeeyya qeqqepshan ka masqala qara lekkishane'e Pilaatoosi, naapaden, wa malla asse kodene nefo, qoota kuyyaase kuyyaata sampata Yihuta tura dikkisatta koddite, sampatoose nefo ka xayso nessuma a kutta kodde malla, akka pukkaaysho sampatan masqala qara in kinnaannin malla.